由於卡樂B抱恙,拖下拖下成個星期先慢慢步向康復,所以等到而家先有時間同心情講呢個假期嘅活動.
平時,我地一家三口嘅集體戶外活動唔多.不過卡樂B都大個左咁多,我唔想佢日日屈係間屋對住四幅牆(同埋電視!),所以未正式踏入假期,我已經準備要多D帶卡樂B到外邊走走,第一站就係動物園LOR,當日大家都玩得好開心
.
.放假第一日,有朋友問我地去唔去PLAY CENTER玩,卡樂B未去過,咁我地又跟埋去見識下咁LOR!
假期關係,間大嘅PLAY CENTER多人到想揾張吉檯(比大人坐係度等D小朋友去玩)都無,我地唯有轉移陣地去對面街一間附屬係PUB嘅,又細頗多嘅MINI PLAY CENTER.卡樂B就無所謂...朋友D仔仔女女就有少少唔開心~因為走動地方少好多嘛!不過一到埞,咪又係照樣玩到癲哂
...
...卡樂B一向都慢熱,去到新環境又係要黐實我視察四週環境,我見波波池最近,就擺佢落去等佢FEEL下,佢個樣好不知所措呀,仲嘴扁扁想喊添
. 於是我唯有抱返佢出黎,如果一次就嚇怕,有童年陰影...以後都唔敢玩波波池咪仲敝
?
. 於是我唯有抱返佢出黎,如果一次就嚇怕,有童年陰影...以後都唔敢玩波波池咪仲敝?見大樓梯同"木人行"個邊好似靜D,我就帶佢過去行下,過到去佢就扒喺樓梯口阻塞交通
...
...中場休息後,佢開始無咁怕羞
,肯比同埋一齊去個FRIEND陪佢玩,仲越玩越開心添
,肯比同埋一齊去個FRIEND陪佢玩,仲越玩越開心添 開心到震!!!連呀媽喺邊度都唔理LU...
一開心就失儀啦~口水怪魔
仲心思思瞄住個波波池添...
呢個係波波池,唔係金魚池呀！
終於再次下海,品嘗紅波,藍波,綠波...
...夠啦
!真係好驚佢做清潔,舔晒D菌落肚...
!真係好驚佢做清潔,舔晒D菌落肚...
No comments:
Post a Comment