又整飽飽

今朝一切都係不在状態：

• 卡樂B太早起身。
• 天氣係天陰密雲兼大風。

MAMI朝早6點半已經安坐客廳陪太子玩車，順手開埋電腦巡BLOG。

又有BLOG友整飽飽，想起上次整都唔知點解麵飽機發酵完個粉團唔多起，放入BOILER房都唔得，唔知點算之下。。。唯有將個粉團投籃。之後就好一排都無再整過飽飽啦!

太早開始，未到10點已經百無聊懶。。。MAMI於是又攞個麵飽機出黎玩下，得就有餐食，唔得就。。。

集齊材料入麵飽機，開制，個半鐘頭後粉團發酵成功，放入大碗，放氣，放入BOILER房再發酵一小時，一小時後又增大左一倍有多。



再放氣，又用手猜下，分成小份，静止10分鐘左右就捲腸仔，入南瓜鬆同飽飽造型。放多30分鐘等飽飽再發酵就入爐。



卡樂B午餐食得唔好，見MAMI整飽飽就不停問有得食未，不停CHECK住個爐。。。



3點半，飽飽出爐啦！卡樂B食左整整一個腸仔飽，另加1/4個南瓜鬆飽都仲話‘MORE！’



MAMI唯有氹佢出花園玩下，等佢唔好掛住食/食得過量。卡樂B跑完，又要MAMI跑埋一份（好鬼辛苦耶。。。）



入返屋都成4點半，卡樂B又要再食飽！今次食多左1/4個南瓜鬆飽，MAMI知道今晚唔洗煮飯啦！比奶奶飲左，洗埋白白，一訓上床唔洗5分鐘就。。。

咁又一日!

鹹濕野。。。

呢幾日又有鹹濕野食整好左!

• 鹹鴨蛋

40日前行超市買餸，見到鴨蛋做特價，平日要1.9鎊半打，當日好似唔洗3鎊就有一打，當然不加思索就擺兩盒落車仔啦！

今次都係用返用開既食譜(太鍾意花椒/八角既香味。。。），而且仲好叻：今次一隻蛋都無打爛！

唔記得邊度/邊個講過啦！D蛋係要浸到40日左右D蛋黄先會出油。今次真係等足40日。

次次D蛋浸完都有D啡色係蛋殻，但開水喉擦幾下又靚仔番D D。。。

趁今晚又煲粥，烚隻試下先。。。TA DA！

鹹度剛剛好，出油+起沙既蛋黄 ~ 簡直係近期既代表作

洗乾净蛋殻，吹返乾身，入返落盒，送禮自用，明貴大方。。。

• KIMCHI

近來食好多韓國泡菜：炒粉絲，整泡菜猪肉，煮即食麵/烏冬，撈隔夜飯。。。甚至口痕打開雪櫃就咁食都有

中國超市賣得唔平。長此以往咁買唔抵BOR。。。

見到唔少BLOG友都會自己整黎食，MAMI又揾幾個食譜刨下。務求揾個快手,易整又好食既。

得閒又執定D材料，見白蘿蔔都OK，就買左條返屋企，结果。。。到想整個日又發現：未買大白菜（鬼佬超市都有得賣，懶腦定諗住邊日買到就邊日整，咁又出事！）

ANYWAY，最後集齊材料由下午整到夜晚，整左一盒，整好當晚放係厨房過一夜，第二日先放入雪櫃發烤，3日後。。。

食落洋葱味重左D（話落半個，可能我個洋葱太大）。有食譜話落薑絲，我又太鍾意薑（重手左少少）。又唔知點解。。。我盤泡菜好乾身，變左無乜汁。。。

但呢批存貨都够我食一排架啦！下次再整真係要细心D跟好D做法/份量先得！

清清地一餐

卡樂B今日：

• 奇怪的飲食要求：竟然係超市揀左一盒佢無食好耐既1嵗幼童意粉，下午3點3要MAMI叮熱比佢做TEA！
• 要做樹熊
• 要MAMI坐係佢指派既指定座位，乜都唔准做望住佢
• 睇電視睇到D唔鍾意既劇情就係度大喊！
• 挨到下午4點半终於不支要小睡1粒鐘。

點解？作病囉。。。探熱話36.9度，又要成日幫抹鼻涕。。。



MAMI次次問卡樂B覺得點？攰唔攰？係咪FEELING ALLRIGHT? 卡樂B都一定話自己無事。見MAMI擔心，佢仲會安慰返MAMI話：MAMI，BE HAPPY! I'M BETTER ALREADY!

都一定會有兩，三日扭小小計仔架啦！卡樂B要快快好返呀！黎緊我地要出去玩玩玩架！

見卡樂B咁，琴日又剛剛醃左瘦肉，一於煲鹹瘦肉粥！快快手洗好米就成碗米放入FREEZER冰個零鐘，浸好果皮/瑶柱。凍水落果皮，水滾落猪肉，返滾就落埋瑶柱/米，煲粥個零鐘就绵晒！

MAMI本來諗住食埋最後一隻鹹雞蛋，一切開，D蛋黄唔見晒，都係咪攪。。。



唔知點解？END UP又整埋炒米粉！[其實MAMI唔多整炒粉麵，因為唔識得兜亂，炒得唔靚！]

叉燒切絲，蛋一隻打均煎成蛋皮切絲，STIR FRY VEGETABLE一份，米粉熱水浸軟。開油鍋兜熱叉燒，落STIR FRY VEGETABLE/蛋絲兜均，加入米粉係咁意兜亂，落酱油調味食得！



卡樂B其實係鐘意剩食白粥既! 有乜肉/配料都會叫MAMI攞走，除左葱！所以佢個碗係瑶柱白粥+青（例半！），比左少少米粉，不過一啖都無食，連差燒都擰晒頭話唔食！

食剩既米粉由艾先生付責消滅晒！聽講話好食/LIKE。。。有機會會再整!

FLY TIPPING

今朝起身見到呢件野：



原先係座落係卡樂B企緊個個位。艾先生一見到就即刻清理左，草地仲有玻璃碎添呀！



耐人尋味？都唔算。。。因為後院係係FOOTPATH隔籬，所以。。。情形就係一D無聊既衰仔見人扔野，就抬左部野黎玩，玩完就順手一扔，扔左入我地後花園！

可以點做？都無乜可以做，半夜三更，係人都訓晒啦！唔通我整個纸板警察係度行BEAT咩？

善後：呢D家電，平日收垃圾都唔會收，唯有等老公有時間車件野去垃圾收集站（即係唔知要眼冤多幾耐！）。。。無端端又多樣野要做！

花都遊：迪迪尼

MAMI同PAPI都覺得去得PARIS，就要同卡樂B去迪迪尼見識下，MAMI當然擧晒手脚讃成啦！
PAPI唔係迪迪尼既粉絲，如果要求去玩多過一日，呢張相既MODEL可能會係。。。



所以我地一日遊就算啦！
一入到迪迪尼，剛剛遇上有小遊行，卡樂B初初望住GOFFY，MINNIE MOUSE，PLUTO係架花車度跳舞，眼神係話：吓。。。乜呢D人物係真架？但過左一陣，佢就開始同D卡通人物揮手/哎晒名SAY HELLO。之後MAMI見卡樂B無乜表情，MAMI問佢鍾唔鍾意，佢先點頭，慢慢裂嘴而笑同MAMI講‘I LIKE IT！’。



但遊行過後，見到CHIPMUNKS，GOOFY係佢面前行過，MAMI叫佢行埋去影張相佢都唔願，唔通覺得唔係重頭人物，費事影？

排隊同米老鼠SAY HELLO既龍唔係好長，我地就梗係要過去打個招呼啦！

卡樂B都唔係第一次同老鼠咁近距離接觸架啦！前年聖誕返郷下都同米老鼠既遠房親戚見過面，做過GIVE ME FIVE架！



卡樂B一路排住隊，見到MICKEY MOUSE望過黎就會揮手/SAY HELLO。輪到佢，佢直頭係跑住過去，佢仲同MICKEY MOUSE話‘I LIKE YOU VERY MUCH，I LOVE YOU。。。’

 

MAMI聽到卡樂B咁講，真係覺得剩係入黎見隻老鼠一眼都已經值回票價！

其實，卡樂B最想見到既係HANDY MANNY，所以一定要同佢睇PLAYHOUSE DISNEY LIVE ON STAGE。第一塲係法文版，歌仔/對白當然係法文啦！但卡樂B都睇得好開心。雖然已經晏，我地决定留耐少少睇埋英文版！



台上既全都係木偶，但卡樂B都好興奮咁續個人物叫名SAY HELLO，仲差D要行上台攞個HAMMER，主持人叫一齊哎口號/倒數佢又跟住做，一路睇就一路笑晒口。MAMI從來都未見過個仔可以睇得咁投入，所以MAMI都好開心。

MAMI永遠都係迪迪尼既粉絲，今次玩唔晒唔緊要，可以下次黎再玩過！都仲玩唔够既話，返香港迪迪尼玩又得！

花都遊：卡樂B嘴多多

• 為左提高卡樂B去巴黎既興趣。。。MAMI得閒/口痕就會問：DO YOU WANT TO GO TO DISNEYLAND PARIS？卡樂B答： NO, IT'S TOO FAR AWAY...

MAMI解釋可以搭飛機，卡樂B竟然好大反應咁話唔要搭飛機，要坐車！好彩上機當日無扭計唔肯上機，唔係都唔知點算。

• 就算未有計劃呢個TRIP之前，MAMI耐不耐都會同卡樂B玩看圖片認地方，比凱旋門既相卡樂B睇，佢就會答PARIS。近來MAMI就會SHOW艾菲尔鐵塔佢睇。日子有功！我地出門當日係公路旁邊見到D電纜塔，卡樂B就指住一個講‘EIFFEL TOWER'！

認住呢個先係正貨，以後唔好亂講啦！

• 落機後，轉火車入巴黎，同卡剩係得我地一家3口同一位單身女子。火車開行左一陣，艾先生就同個女仔打左個招呼，個女仔都坐近我地閒聊幾句。

卡樂B又懶醒咁同人搭訕。首先話左比人聽自己係男仔，叫卡樂B，跟住就問人地叫乜名。然後介绍MAMI比人認識：THIS IS MY MAMI。跟住就黎料：HEY，WHERE IS YOUR GIRL? WHERE IS YOUR HUSBAND?。。。 我地聽住，訓左都嚇返醒！

係卡樂B既心目中，所有大人出街都係會帶住小朋友既！所以佢好自然就問人D小朋友係邊度。但HUSBAND呢個字，PAPI同MAMI都無特别教過佢，真係唔知佢係邊度學返黎。仲要對住一個陌生人問呢個問題。。。一年前我地仲擔心緊佢會唔會講野，而家我地係驚佢會亂講野！

• 黎到巴黎，MAMI都要教卡樂B兩隻法文旁下身啦！教左佢講BONJOUR同AU REVOIR，佢都肯講。有次搭巴士，前排坐左3個大卡樂B少少既小朋友（係幾個老師帶住坐巴士去羅浮宫參觀），小朋友落車，卡樂B好努力同佢地講AU REVOIR，但可惜D小朋友無聽到。。。

• 回程落機，空中少爺見到卡樂B既HANDY MANNY CAP帽就讃佢頂帽型，卡樂B好開心，一路等機倉開門，一路就同少爺講HANDY MANNY。突然！佢問少爺‘WHERE IS THE PILOT？’少爺就話‘THE PILOT IS HERE！一路講仲開埋駕駛室道門，同機長講有個小朋友想同知佢地係邊度！就係咁多口一句，卡樂B就踏入左機長駕駛室參觀！

花都遊：住邊/食乜？

買左機票，就要好認真地RESEARCH各樣安排。

住咩地方？酒店（2，3定4星），APARTMENT 定青年旅舍（呀C9。。。你仲算青年嗎？）

住邊區？唔知！剩係知道CENTRAL LOCATION好貴，住唔起！有D區我唔會住！

跟住既時間就係不停地係網上填表揾住宿，BOOKED左先見到D好差既COMMENTS，唔得！要CANCEL！再BOOKED第二間，LOCATION OK, 但個心總係覺得怪怪地，有DOUBT就唔好搏，CANCEL！望住個RESULT SCREEN都望到有D眼盲，已經分唔到自己PREFER邊間啦！终於决定揀間遠少少，但舒服少少既酒店。望返COMMENTS都係有好有唔好，我唯有信個招牌，同信自己都唔係咁黑仔呢個諗法。

好好彩，房間設備齊全/清潔，窗口向横街（静！），仲可以望到對面街D靚靚法式屋仔！



大堂有兒童玩樂設備/圖書，可以打機，上網（房有WIFI，但我無帶腦！）



食乜？有WISHLIST架！但當然係事與願違啦！早上係酒店食左早餐先出發，午餐時分通常艾先生同MAMI都未餓，卡樂B就剩係叫住要食SNACK/雪糕/汽水，日頭食得咁唔正經，晚餐就梗係要食好少少啦！酒店好近13區唐人街，MAMI都做左D唐人街飲食既RESEARCH，所以第一餐晚飯就係唐人街解决！



跟住兩日，日頭出去玩/去行，興奮開心得黎都頗攰，卡樂B近黄昏就開始問佢張毯仔係邊（=佢好攰，要休息！）如果夾硬帶佢去食埋飯先返酒店係會攪到全家都無啖好食。所以解决辦法就係艾先生同卡樂B返酒店休息，MAMI負責出外覓食，將D外賣偷運返酒店！



結果係中餐外賣ENCORE再ENCORE 。哈哈！真係全程中餐，跟康X/永X團都未必有咁好安排！本來打算去飲茶/食點心，但最後都無得食，呢樣係MAMI都有D失望！

MAMI知道法國既越南菜都好正宗，加上好多年無食過，就買左碗有春卷既BUN HO，卡樂B又眼訓又為食，我話有VIETNAMESE SPRING ROLLS，佢就聽成左SALAMI ROLLS，食過一口就唔停得，猛話要‘MORE SALAMI ROOLS'，第二晚外賣MAMI就另外買多D春卷，唔洗爭食！

其實去巴黎之前，MAMI係擔心兩仔爺會日日食麥當當架！成日聽人講巴黎食野貴，雖然麥當當都唔平，但品質有保証嘛！全程3日。。。我地只係幫趁左一次：

卡樂B係唐人街見到呢個招牌就大哎左一聲“CHINESE MCDONALD'S”，咁我地就入去買左幾杯新地做飯後甜品囉



我仲會KEEP住個WISHLSIT架！希望好快可以再去，食番够本！