Tuesday 30 June 2009

SPANISH CHICKEN WITH CHORIZO

睇電視見到呢個菜,醒起前幾日超級市場做紅,黃,綠椒大減價(50P一隻),我買左紅綠各一未食.去多趟超市買埋其他材料整番煲試下先.
 
材料如下:

  • 雞一隻斬開[我唔識斬雞,所以買左一盒2隻無去骨連皮嘅鷄脾,又買左一盒去左骨無皮嘅雞上脾肉,諗住比D無骨餐人仕食得方便D,不過煮個陣覺得太多,無用到]
  • 煮食用CHORIZO
  • 紅,黃,綠椒各一隻[我家人少,我只用紅綠椒各一]
  • 洋蔥一隻
  • 罐裝蕃茄一罐
  • 調味用嘅香草/香料: GARLIC(蒜頭)[我無落,因為某人唔鍾意),THYME(百里香),BAY LEAVES(香葉),PAPRIKA(紅椒粉)
  • SHERRY (雪利酒) [用燒酒,紹興酒代替都得]
  • 雞湯(或清水)
  • 麵粉
  • 橄欖油
做法:
橄欖油起鑊,爆香洋蔥[蒜頭],落紅,[黃],綠椒.

加入CHORIZO...[事後檢討: 應該切開D CHORIZO,可以逼多D油出黎,煮好個碟菜會無咁油.]

與此同時,將雞塊撲上麵粉,開鑊略煎,鎖住D肉汁,[到咁上下就可以"赞"酒],雞塊表面煎至淺金黃色就可以同其他材料會合.

將煎好嘅雞塊加入爆好左嘅洋蔥紅,綠椒,CHORIZO煲,再加入百里香,香葉,紅椒粉,罐頭蕃茄,雞湯(或清水).

返滾後轉慢火,45分鐘-1小時後...

可以加鹽同胡椒調味[但我就乜都冇加,咁卡樂B都可以食少少試下]..ET VOILA!

D雞塊經過煎封處理,然後用慢火燴,所以D肉仲好嫩滑,D PEPPERS 好MELLOW,個汁好香濃...梗係送飯最好啦!

Sunday 28 June 2009

鄉下仔出城

艾先生話左好耐想帶卡樂B出倫敦走一趟,之前要忙返香港嘅安排,返黎之後要休養生息同埋還假,見到天氣好都係得個"恨"字...

前兩日又好天,艾先生又問幾時去得,我見假都還哂(仲有剩...BANK左D留黎攞去同卡樂B返TODDLERS' GROUP嘅'私鐘'),我就話都可以放一日假嘅...於是我地就擇日揀左星期四出城去!
同其他大城市一樣,倫敦最大嘅問題係交通.攞住一籮野,搭火車,旅遊巴到左倫敦都要再坐地鐵/巴士先可以去到唔同嘅景點,自己開車要比£8CONGESTION CHARGE,預左要塞車,難揾位泊車同貴,但我地最後都係決定自己開車...

[講開CONGESTION CHARGE....同其他收費服務一樣可以接受網上繳費,喺GOOGLE一打"PAYING",第一個SEARCH SUGGESTION就係"PAYING CONGESTION CHARGE",想話唔知點揾個WEBSITE交錢都無藉口,入到個WEBSITE,要入車牌號碼繳費,一入左個車牌號碼就即刻叫你CONFIRM架車嘅資料(牌子,型號,顏色)啱唔啱...當堂覺得乜私隱都無哂...]

諗諗下...我上一次去倫敦(去希斯魯機場嘅迎送生涯除外)應該係兩年幾前嘅事LU, 沿途經過嘅一D城仔都攪緊大興土木,有D路段嘅壙闊路面工程又已經完左工...睇到我一路不停咁嘩嘩嘩...我都覺得自己有D鄉下婆...

卡樂B就唔理三七廿一,一於爭取時間



話就話一日遊,朝早攪呢樣,攪個樣都要成12點先出到門口...2個鐘車程加10分鐘TOILET BREAK,落到倫敦第一個活動就梗係要祭五臟廟先啦.

食飽飽後,先有心情影返張相...



觀光節目正式開始...



同女皇陛下打個招呼先...



過左呢個門好快就見到下一個景點,請向左望...預備好相機.



即係乜...位於TRAFALGAR SQUARE 嘅 NELSON'S COLUMN



大笨鐘...



DUKE OF WELLINGTON PLACE/GREEN PARK ARCH ~ 有人係露台WOR.望真D,應該係比人BOOKED左黎攪FUNCTION.



兜呢兜去...終於到TOWER BRIDGE,差不多6點,好多人都放工走人,即係會搵到位泊車,我地就可以落車行下...



影返張"到此一游"





係呢度行行走走左差不多一個鐘,卡樂B都攰LU,點都唔肯落地行返去攞車,做哂八爪魚...



今次出城大家都覺得係一個好好嘅EXPERIENCE,美中不足當然就係唔夠時間享受!下次再黎唔知有無幾會加插以下項目呢






Wednesday 24 June 2009

父親節的禮物

每年3月19日係西班牙嘅父親節,個日其實係SAN JOSE [ST. JOSEPH'S DAY],西班牙好重視天主教傳統,所以父親節都係埋呢一日.

今年(ACTUALLY ~ 咁多年)我地都'錯過'左西班牙嘅父親節.艾先生一直都淨係提我話個日係我地個姪嘅BIRTHDAY & SAINT'S DAY. 傳統西班牙人同BB改名係會跟返BB出世個日個聖人個名,就算唔跟,都會加一個重要嘅聖人名係BB個名度,大家就會好似我地慶祝生日咁同BB慶祝呢個聖人嘅SAINT'S DAY, BIRTHDAY CELEBRATION反而唔多會攪架! 直到今年個日下午先突然同我講SAN JOSE  = FATHER'S DAY,然後就打蛇隨棍上,話我唔記住呢日...比佢激死~其實佢自己都唔知,只不過有屋企人提左佢JA MA...

比人屈,當然心有不甘啦,鬼叫自己唔醒扒咩...所以6月嘅呢個父親節我已經一早幫卡樂B買定CARD,同埋諗住去飲茶慶祝GA LA. 點知...卡樂B傷風,流鼻水流到唔停得,唯有行PLAN B [留係屋企].一早預備左嘅禮物無法DELIVER...

到左下午,天氣好好,卡樂B又好扭計,艾先生決定帶卡樂B出去行下,我拿拿聲擸架罉跟埋去啦...







當然耐不耐要幫卡樂B抹鼻哥啦...



兩仔爺簡直係In the Night Garden嘅超級粉絲...學Makka Pakka 玩石仔!





Un besito a Papi...



呢兩張相嘅POSE令我諗起...





朱銘!

雖然唔係早有預謀嘅禮物,但我都好比心機幫兩仔爺影架,投入到影完先發覺我一張都無份...