Tuesday 28 August 2012

SHERWOOD FOREST ~ 尋找俠盗羅賓漢

每年八月最後一個星期一係英國既BANK HOLIDAY。同時又係暑假尾聲,好多家長都會趁呢個長週末,把握最後機會同小朋友出外玩下。卡樂B過埋呢個禮拜都正式入學啦,所以PAPI都想同卡樂B玩多幾個地方先開學。遠既地方就無時間去喇,近近地去NOTTINGHAM參觀下ROBIN HOOD既地頭。

MAMI上次去,應該有8-9年啦!今次舊地重遊,完全唔記得沿途經過過咁多郷鎮!一路都覺得係行錯路,或者係當初揾地點時就已經DROPPED錯左個PIN!好彩。。。差不多去到就見返到MAMI記得既環境。安全抵達目的地!

第一件事係醫肚。獨市生意。。。食物質數不能有期望。MAMI本住不能浪費食物既宗旨,完成左呢個午餐。[一定無下次:因為回程時見到不遠處有麥當當。。。]


遊客中心都有羅賓漢造型既雕像比大家想像下呢位俠盗當年係呢度既生活。


MAMI中一時READING既第一本故事書就係ROBIN HOOD,但個陣完全無興取個故事講乜!今日首先去展覧室睇返下呢個故事/傳說既簡介。


睇完展覧,學識返個故事既大綱/人物,就去樹林行下啦!

沿住步行徑,都會見到唔少好大棵既橡樹。有D都因為太老或者天然災害倒塌。雖然斷左/跌左係地,但望落都仲係覺得好靚/好有生命力呀!


MAJOR OAK係SHERWOOD FOREST最出名既橡樹,傳說係ROBIN HOOD既藏身之所。MAJOR OAK腰圍粗10米,估計有800-1000年咁上下年紀。有D樹檊已經加上木桿支持。週圍又圍上欄杆。目的都係要保護呢棵具有歷史價值既古樹。


MAJOR OAK附近今日仲有D古代生活既介紹/示範。有講解古代醫學/手術,山草葯應用,宗教活動等。


我地睇左護甲係點造既:每個圓環都要串連到另外4個圓環,咁樣先够緊密,唔容易被尖幼物件刺破。圓環好細,串既時候要好留心(古時其實係用小朋友黎幫手串既,手指頭仔细,操控好D!)所以要織一個護甲都要花唔少時間!


成日都見羅賓漢用躬箭,呢度都有射箭玩下。


兩仔爺又著埋羅賓漢装扮,攞住躬箭係度整估做怪。。。


去過SHERWOOD FOREST,卡樂 B對羅賓漢既故事開始有D認識,返到上車仲問PAPI可唔可以睇羅賓漢DVD呀!






Monday 27 August 2012

一年一度倫敦行(2)。。。 華埠唐人街篇

開車入倫敦市中心既CONGESTION CHARGE,今年加價到£9!但行程一改之下,變左星期六先去,唔洗比!所以第二日既活動就集中係唐人街啦!

好多年前星期六出唐人街飲茶,早到+好彩既話都可以揾到唔洗錢既街位泊車。而家唔知改成點啦,但我地都成12點先到,係CENTRAL LONDON揸車都頗STRESSFUL,為免加深PAPI既STRESS,快快手揾到個車塲擺低架車要緊!


卡樂B咁大個仔第一次踏足唐人街咋!一定要影張到此一遊相啦!

望真D,倫敦華埠唐人街呢個牌坊真係同曼城華埠個個差好遠!曼城個個靚得多呀!

10點半先食左早餐仲飽,週圍行下先。望望D舖頭/酒樓位置:變化不大。不過旺記條街已經改為步行街(但又無封實,耐不耐都仲有的士出出入入),W HOTEL都係係埋同一條街。


行多幾步,M&M's WORLD呀!


熱愛朱古力既卡樂B到當日為止,其實係未食過M&M's架!但MAMI一話係朱古力店,佢都好興奮呀!唔理三七二十一,一定要入去睇睇啦!剛剛當日都好熱,入到去FEEL到凉浸浸既冷氣。。。正!

呢度賣既每一樣野都有M&M's 呢個嘜頭!仲有好多M&M's朱古力造型既大公仔棟係度,比大家任影唔嬲![D大公仔有晒中文指示講明要小心,咪手多多掂呀!]


每一次去倫敦,飲茶一定要做架啦!但去邊度飲?MAMI/PAPI一D都唔介意去返去開嗰間,但MAMI耐不耐都想换個環境/試試其他嘛。係唐人街,茶樓選擇當然多,但多年來都中過唔少招(唔好食!),多得朋友提供TIPS,去左一間坐得舒服,食物質數都唔錯既酒樓。 。。。放下心頭大石呀!如果唔好食,PAPI就會話食開嗰間好地地又話要試第二間。。。

餵飽肚皮,都差不多時間要回程LU。。。最後經過返唐人街攞車,MAMI都仲係忍唔住手買左D瓜菜/麵飽/燒鴨返歸。

到呢度,今次既倫敦之行都算係劃上左一個完美既句號。有機會既話,遲D都想再去多次呀!因為好想帶卡樂B多見識下倫敦。期待中。。。

 

Wednesday 22 August 2012

一年一度倫敦行 (1)。。。韓國篇

今年既倫敦行因為天雨/奥運關係,改期改到第三次先成行

係暑假旅游旺季,所以無打算去THEME PARK玩啦!今次就編左一個揾食為主既行程。。。

本來諗住第一日到倫敦就即踩入唐人街飲茶,點知行到半路馬路天使報告公路近倫敦個段有意外封左路,要改路+塞車到暈!PLAN B:去酒店CHECK IN 先。然後將第二日既行程做左先!


三點CHECK IN 左,去麥當當食少少野就上返車去NEW MALDEN(倫敦既韓國區)見識下!

今次既重點參觀景點係一間頗新既亞州超级市塲 ~ H-MART。賣既主要係韓國產品,有幾排架兼賣日本/中國/東南亞產品。

幾似香港D日式超市。



MAMI望見呢D READY MEALS好想食呀!


KIMCHI:現成整好既,大袋到大個MAMI個頭!想自己整,成桶油咁大桶醃料+醃缸買埋返去,整左够派街坊。。。


好多韓國飲品MAMI都未見過呀。。。
drinks

各類汁酱,都花左D時間先知道係乜用。韓國麵/UDON種類繁多。仲好開心揾到卡樂B鍾意既韓國纸菜。有D似係糕點/麵包材料,做法剩係有韓文,無得買!


個急凍櫃好精彩呀!韓國麵/海產/湯樣樣齊。可惜仲有一日留係倫敦,買唔到返屋企。。。要下次有機會先可以買啦!


家品部都好齊全:飯煲,鐡板爐,被舖,面膜(!)都有!


MAMI都係揀左D麵/酱料咁啦!剛剛蠔油用晒,順便買埋!仲買左麥精维他奶,卡樂B第一次試飲左兩啖,NICE WOR!


唔覺唔覺,行左個幾鐘,成七點幾先到下塲:晚飯!

去韓國區,MAMI梗係要食韓國餐啦!唔記得點樣DUM掂PAPI去食一次。之前有BLOG友比TIPS話低邊間好食,MAMI 就RESEARCH埋點去,有乜食。

到達!可能暑假多人外遊/回郷探親,無訂枱都有位。成四點幾先食麥當當,PAPI話食少少就够。

PAPI揀左COURGETTE PANCAKES (做法似天婦蘿,幾好食!)BBQ實要食啦!(PORK BELLY好食,不過得幾件,雞肉係唔會錯既選擇,BBQ咁香口,PAPI話少食都挾多左幾件。雞肉炒飯(唔醒起又係雞,早知叫白飯啦!)另外仲點左凉拌雜菜(MAMI鍾意呀!卡樂B就鍾意牙菜,話係NOODLES!PAPI就唔多LIKE,菜要熱先好食WOR。。。)


食韓國菜都係一個個COURSE咁上,先食凉拌,然後上PANCAKE,跟住就係肉,飯最後先上。大家等澱粉質等到眼訓。。。卡樂B坐左咁耐車,又跑跑跳跳左一陣,食飯又夜左,攪到食得好唔正經。無法啦!出親去玩都係亂晒平日既跌序架啦。。。

差不多九點開車返酒店,MAMI都攰啦,早早覺覺猪, 明日繼續!









Monday 20 August 2012

LEARNING JOURNEY


又係時候幫D倉底BLOG POST埋尾。。。[呢個MAMI係咁架喇。。。寫寫下又無左件事。。。]

今年7月,卡樂B係PLAYGROUP完成左學前教育呢個階段,PLAYGROUP安排左影畢業相。


結業禮當日,卡樂B病呀,無返學,我地剩係帶佢返去參加儀式。

証書在手啦!


結業禮之後,導師除左派比每位小朋友一份小禮物之外,又交番比PAPI/MAMI卡樂B既LEARNING JOURNEY。


LEARNING JOURNEY係呢度每個小朋友學前教育既一個記錄。MAMI做PARENT HELPER既時候見到卡樂B上唱遊班既真實活動情况,但遊戲中學習,咁卡樂B又學會左乜呢?呢個FILE就有記低啦!

呢度既學前教育指引寫出左小朋友係正式入學前學習發展要注意既地方。分别係:個人/社交/情緖發展,語言溝通發展,解决問題/原因/數字原理,四周環境/世界認知, 體格/活動能力發展,創造力發展六個方面。 上唱遊班時會有不同遊戲/活動比小朋友參與,導師會從旁指導/觀察。然後紀錄係LEARNING JOURNEY小朋友係既發展情况。又會評估埋小朋友既發展到邊一個階段。

翻閲入面既紀錄,唔難發現卡樂B既行為舉止喜好同平日係屋企係一模一樣既!

成日講車。


成日講標誌/路牌/LOGO,


講佢最鍾意既兒童節目。


我地去邊度,又講一餐。


有D詞語係我地自家發明/家中自用既,導師竟然明佢講乜,仲可以記低埋!



卡樂B同PAPI好親,就算返返下學都會提起PAPI,[MAMI要老師提先講咋!]:


最有趣既記錄,應該係卡樂B幫手打掃呢一篇:MAMI一就見到好係TYPCIAL既卡樂B,相片CAPTION係卡樂B既講話,[平日係屋企成日都聽到佢用呢D字眼]。而且呢個仔係幾有興趣執拾既。尤其係唱遊班,MAMI都親眼見過,表現比係屋企仲好呢!


第日卡樂B大個仔,比佢睇返,一定有好得意既感覺。MAMI他日想回味下卡樂B語錄,除左睇返FB/BLOG之外,都一定唔少得呢個LEARNING JOURNEY呀!

Thursday 16 August 2012

奥運紀念品 (2) ~ 要錢唔要貨

上回講到:奥運一開幕,有D舖頭都開始做3 for 2 (買2送1)優惠。星期日一閉幕,價錢更加吸引!


今届既吉祥物真係唔多好樣。但個日睇男子5000米總决賽時WENLOCK係塲邊為跑手打氣,咁就吸引左卡樂B既注意力!問MAMI呢兩隻野其實係乜,ARE THEY PEOPLE OR ANIMALS?MAMI只可以解釋佢地係CREATURES,由人設計出黎既! OH!I SEE。。。


奥運之後,同卡樂B行街見到有WENLOCK賣,卡樂B竟然話想要一隻!£15减到£3.5:無所謂啦!


到今日為止,卡樂B都仲會日日同WENLOCK傾計,覺覺猪要帶埋上房,話唔想留低佢係樓下,因為無BLANKET,會凍親!


MAMI例行巡巡D網上商店既時候,見到呢套!

set
[網上圖片]
 
警察/QUEEN'S GUARD/BEEFEATER都係好TYPICAL既英國形象,D衫衫帽帽遮到幾密,唔多覺隻吉祥物難睇。望望價錢:一套6隻,原價£60,而家£9.9 ~ 16折呀!BUY!

呢6隻可以散買架。買一隻就照正價£10,但一次過買同一款24隻就賣£18 (每隻75p ~ 10蚊有找呢!)


再望下仲有D乜賣:8色原子筆,原價每支£6。


[網上圖片]


買成盒36支既話,£12就有交易!平均每支33p (4蚊咋!)


MAMI諗:如果今年返HK既話,買一批返去派街坊都好呀?[不過。。。今年無錢返LU。。。] 或者入貨再放EBAY賣?[諗到呢個既,一定唔止MAMI一個啦!生意難做。。。]












Monday 13 August 2012

三分鐘 ~ 好懶的一餐

每日煮飯問卡樂B想食乜,佢一定話食飯糰,咁想食乜餸呀?雞翼!

問PAPI就仲攞命,永遠都係答:你會煮飯[=煲一煲白飯]架?教左咁多年:白飯只係一餐中既澱粉質,中國人食飯要有菜有肉做餸先叫做煮飯/食飯。PAPI就會話:乜餸都唔緊要,有白飯比我就得啦。。。再質問PAPI究竟要唔要餸,佢就一定話食炒黄芽白。。。

所以MAMI每日都要指定動作煮一大煲白飯比兩仔爺。

另外:蒸一份十穀飯比自己,用焗爐焗一味肉類,切一份沙律比卡樂B,煮2-3種菜(晚飯+第二日帶飯用)。。。

MAMI話晒都係煮婦一名,一日煮幾餐照顧大家肚皮係理所當然要做既份内事。但有時都真係煮得好悶。

今晚PAPI話一齊食飯,MAMI即時發難話:今晚唔煲飯,唔煮菜呀,唔食CHINESE呀!

於是就出去超市望下有乜好食啦。

MAMI琴日都好想食PASTA啦!由於卡樂B唔食既關係,MAMI都費事煮多一樣,唯有忍口唔食。今日太想食,又太懒。所以係超市執左幾樣野做晚餐:

合桃包+PATE(加入左CHORIZO)


意大利粉幾盒(懶到連渌開D意粉加樽意粉酱都唔想做。。。)。伴菜兩盒(仲要洗菜/切菜/煮餐死?咪攪我。。。)
pasta

卡樂B聽到要食意粉,真係喊晒口! MAMI預左佢有呢個反應架。所以都準備左刹手鐗


PAPI收工返黎先開始煮飯。望一望包裝盒既INSTRUCTION,樣樣都係話最理想做法係用微波爐煮熱,叮3分鐘就食得 ~ 真係懶到天都助我也!

結果卡樂B都好免為其難咁食左D意粉,幾啖伴菜就話自己飽飽,要留返D位食甜品!大家都知道甜品係唔佔位,多多都無問題架啦。。。