有乜冬瓜豆腐點算?

無乜可以點算...煮左佢囉!

計劃不週情況之下,呢個本來好冶味既冬瓜腩仔豆腐卜就變成左走腩仔既"齋煲"...

一開膠袋想攞舊瓜上砧板既時候醒起呀媽話:
砧板切過冬瓜後切肉會令D肉變霉架! 所以冬瓜要留到最後先切.
於是就"拿拿臨"先剁好卡樂B既豬肉餅,然後再處理D冬瓜.

豆腐卜我就用熱水浸一陣,然後搾返D水同油出黎先燜.

落姜爆一爆D冬瓜,就可以落埋冬菇,豆腐卜,加入柱侯醬,適量水份燜.冬菇夠'淋'就可以收火上碟.

所以...今日既晚餐: 柱侯醬燜冬瓜豆腐卜 + 我既"熟手小菜"蒸豬肉餅.

最好的室內運動

好天左一排,卡樂B每日都有機會出花園或者出街散步.今日天氣麻麻地,灑過下幾滴雨,草地都有D濕...我就麻麻地想放佢出去走,無得出去就要做第二樣運動黎消耗下D體力,唔係既話...呢個小朋友係會死撐話唔眼瞓...攪到黃昏先黎瞌眼瞓,到左夜晚就大鑊!
 
PAPI於是出動殺手柬...
 
[舊年暑假買左呢樣野,PAPI唔想買架,但係真係勁平,抵受唔住既MAMI唯有脅持PAPI去抬佢返屋企...                          

]
 
一攞到出黎就已經笑晒口

 
一路望電視,一路玩...頭幾輪好似上左鍊一樣,滑完一次又一次,無停過!                                                                                    

 
呢D曳曳玩法,唔洗教都自然會識!

 
過左10分鐘左右,開始放慢啦,仲坐低埋休息添 ~ 我地奸計得逞啦! 哈哈哈...                                  

 
見佢咁攤係度: 喂! 攰啦? No no no...

最後...卡樂B小睡後返到落黎一望就一臉疑惑咁問MAMI: SLIDE? MAMI話: 無呀! 唔通我發夢...

ITALIAN GALORE

MAMI煮飯一向都無黎計劃,一時連食幾日鷄,一時日日餐餐都食飯,呢個就星期無啦啦食左好多日義大利野...

• PIZZA: ASDA做特價,3鎊幾減到2鎊(仲係EXTRA SPECIAL系列),於是就買隻試下囉. 簡單CLASSIC組合: CHERRY TOMATOES + MOZZARELLA CHEESE. 食落都OK,不過無肉,又蠢到唔醒起可以自己加料...

卡樂B係第一次真真正正食PIZZA,我同佢講晚餐食PIZZA,點知佢以為我話食PITA BREAD,於是一見到個PIZZA就猛叫PITA BREAD,我就將錯就錯話食PITA BREAD

• "肉醬意粉": 其實係免治豬肉 + TAGLIATELLA(寬條麵) + 一樽JAMIE OLIVER即食意粉醬(因為特價先引到我買...),第一次用呢隻醬既時候覺得隻醬好咸好酸[原來報紙都報導過話呢隻野含鹽量高...以後唔買!]今餐再整一於加多D水同落糖,咁先入得口...                                     
  

另外又有加左紅椒,青橄欖同紅洋蔥TOPPING既FOCACCIA,卡樂B不停叫住要BREAD BREAD BREAD

不過好彩!都叫做肯幫趁下D PASTA,仲要自己黎,食到'LAU LAU GAO GAO'...                     

• 到左第二日...我就利用用剩既肉醬來一個變奏...免豬蛋大碗飯!
  

是日晚餐

五點鐘同卡樂B散完步返屋企先收到PAPI電話話會早D返黎,我地今晚一齊食飯,臨急臨忙...

打開雪櫃,打開雪櫃,有D乜?有D乜?

快D攞晒出黎! 快D攞晒出黎!!

煮埋佢!煮埋佢!!

是日晚餐:

• 叉燒
• 柱侯醬雜菜肉碎煮豆腐
• 清煮黃芽白
• 秘製甜豉油
• 白飯任裝

好彩仲有最後一份叉燒存貨,又有半隻黃芽白...唔係一家三口要叉住一千零一碟餸(仲要係PAPI唔多LI-KE既豆腐...)同豉油撈飯,點得?

卡樂B就開心啦! 有PAPI一齊食飯,食下自己個碗,又食下PAPI個碗,食完仲有DOUGHNUTS做飯後甜品,飽到今晚睡前奶都飲唔晒!

懶媽煮D乜？

近來都唔知忙D乜! 1日都係24小時,仲已經夏令時間多D日光,時間應該覺得見洗D,點知...屋仍然未執好,西文公課仍然有拖無欠,就連BLOG都寫少左...
係咪忙煮野食? 唔係囉!整黎整去都係個幾味,熟晒手啦...

• 呀蘇蒸肉餅 ~ 因為卡樂B肯食,差唔多個個禮拜都整,工多藝熟,而家整有時會加冬菇粒,梅菜或者就咁清蒸.調味方面都有進步,唔似初初咁淡口得濟.希望卡樂B繼續支持!!!
• 叉燒 ~ 又係差唔多個零禮拜就整一次,整得咁勤力係因為買左樽海鮮醬,唔用就會嘥,加上一次燒一PACK肉就可以有3-4餐存貨,好啱我呢D懶人...

不過...近期煮得頗多日本咖哩! 印度咖哩我好鍾意食架,不過因為艾先生唔食,我剩係會買READY MEALS,食味梗係同自家製有距離啦!加上印度咖哩雖然好食,但可能香料成份既多又重,我好多時食左都會瞓得唔好,真係少食為妙... 好彩!諗起D日本咖哩係甜既,係唐人超市又見到又得買.於是又比我發掘到D煮食新靈感:
預先煲淋薯仔,紅蘿蔔備用.先爆香洋蔥,蕃茄,青豆,然後加入雞肉,雞肉表面有淺金黃色就加入薯仔,紅蘿蔔,再加入水慢火煮熟,到雞肉差不多全熟就加入咖哩磚.咖哩磚煮到差不多溶晒就開始試味,加入適量清水調教咖哩汁濃度.

兩磚咖哩~卡樂B以為係朱古力,想攞黎食!

S&B呢個牌子MEDIUM既口味都我來講都夠辣,不過要卡樂B都可以食就要中和返D辣味.朋友介紹加入蘋果蓉就可以將咖哩變得甜.我用兩磚MEDIUM咖哩就落左差不多2/3個蘋果蓉,效果一流.

一個餸有5樣蔬果,又有肉,又開胃,整一煲又有2餐存貨[雪過好似D雞肉有淋D,個汁仲好味D],抵整!

另一個更懶既晚餐 ~ KEBAB. 我又好鍾意食KEBAB,因為我鍾意食羊 (不過又係得我一個人食...).要我自己一手一腳整羊肉串我就唔會啦...買一包雪藏羊肉串係冰櫃STANDBY, 雪藏羊肉串包裝上教用微波爐叮熱就食得,但係用焗爐焗20分鐘就正好多!切好蕃茄,青瓜,生菜,用多士爐烘熱PITA BREAD, 加入大量SWEET CHILI SAUCE就可以開餐!

大食會

上星期借復活節假期呢個籍口,我同幾個朋友FAMILIES就攪左一次大食會. 我準備左既菜式有...

• 可樂雞翼

好多鬼佬都唔慣要噒骨,有D直頭覺得要係個口吐返D野出黎係好無儀態幾食相,所以呢度D雞翼都係當CHEAP野咁賣.

鎊零銀一大盒,有成10隻,我地咁識食既中國人又點會放過?

買兩盒,切走雞翼尖再將雞槌同扣針斬開,食起黎就好方便!之前一晚用生抽,老抽,燒酒,麻油,姜,蒜頭,胡椒粉醃好.

第二日就用少少油,中慢火將雞翼分批煎至淺金黃色.

煎好就可以全部雞翼返落鑊,加一罐可樂繼續煮.

耐不耐兜下D雞翼,等每隻翼都可以浸下D可樂.食譜又有教唔好冚蓋煮,唔係會LUT皮LUT骨.

雞翼熟透就可以上碟,剩返既汁就繼續煮到杰身淋返上碟雞翼.                                      

• 西班牙奄列

詳細做法可以參考我以前寫既呢篇BLOG. 好耐無整啦,竟然連重要材料之一既CHORIZO都唔記得買,好彩CALL得切PAPI代買

今次煎既時候猛火左少少,整好後放焗爐保溫又唔記得落錫紙封住,所以個樣有D黑同乾,仲有個大峽谷[失敗,失敗...]

話明係大食會,當日我地D野食擺滿成檯架,除左我個兩味,仲有港式豉油皇雞肉炒面,菠蘿炒飯,泰式焗魚柳,葡式焗鱸魚加埋白果腐竹糖水....

我當然又係食到最後先停手個個啦...