入貨

去BIRMINGHAM買左青蘿蔔／絲瓜，想煲湯既時候發現。。。糧倉既無花果發晒毛！［鬼咩：成半年無煲過湯！］，又無晒杞子浸絲瓜。今日要出城上貨！

不過。。。唔係去唐人超市，而係去HOLLAND & BARRETT 呢間專賣健康食品既連鎖店。

通常出城都會入去望下有乜野買。所以都知道呢度有無花果／杞子呢D乾果賣。但香港寄來既物資都係最近先用完，咁啱今日就去入貨。

去到門口：好開心呢！又做PENNY SALE。特選貨品買兩件既話，第2件只係收1p!


無花果有得做：£5.45一包，比多1p就有兩包。計番港纸唔洗$70有1斤10兩。唔敢講平過香港，但有呢個特價都算食得過，放入雪櫃都用得幾個月，等到下次SALE又可以再入過貨！

杞子：無特價，仲唔算平！但最唔抵既係。。。買完野番屋企個頭間超市買餸，竟然見到都有得賣（唔通平日盲左？），仲係平好多。不過。。。算啦！教訓一個，下次記得啦！


第二站：BOOTS。之前一晚已經上網CHECK左件貨，今日係去掃貨！

想買既係ROSE WATER 爽膚水！［貪靚囉。。。BLOG友介紹左一個啪爽膚水既方法幫皮膚保濕，試左，得BOR，但要用多D爽膚水，MAMI覺得用開既牌子咁倒法唔化算，即刻上網做RESEARCH，揾到左BOOTS自己出既呢一隻。呢個系列而家做緊買二送一，計出黎平2倍咁濟！］

埋單時又多口問問收銀可唔可以用積分換購。得WOR！所以原本£15既3樽水，買二送一即係£10就得。但MAMI就動用左户口既£10積分找數，無形中：一個仙都唔洗就拎左3樽野返屋企。


返到屋企。。。有Ｄ古怪，之前上網好似唔係呢個價錢BOR。CHECK多次，上網買原來係£4.07（差92ｐ，成11蚊港纸一樽???）。耐何網上店都聲明價錢會同街舖有唔同。况且係護膚品，應該無得退貨。［都叫做無比過錢，唔好咁多投訴啦！］

於是。。。MAMI决定玩冲淡：再係網上入貨！未來一年都應該唔洗再買LU。。。

食過午餐，趕去同PAPI滙合既時候,經過百貨公司。。。瞄到MAMI想買既陶瓷鑊做緊减價。本來想上網訂既。但買得興起。。。又急急脚走入去完成埋呢個交易。

今日既戰績唔錯呢!

伯明翰一遊的指定項目

剛剛過去既星期五，PAPI話好耐無食DIMSUM，不如去BIRMINGHAM食返餐啦！

MAMI見近日體重雖然未達標，但都未有回升，又想出去行下，於是。。。好啦！

等卡樂B唱游班落堂，攪埋少少野，都成點幾鐘先上路。行到半路，又話有塞車。加上一路行，落下雨，又好下天。成兩點半先去到酒樓。

坐落。MAMI就即刻點左D必食既DIMSUM/炒粉。

炒粉一上，卡樂B就大哎要食野。頭頭5分鐘，大家都好静，好努力密密口咁食。哈哈。。。原來大家都頗餓！


當日既點心樣樣都好對版，碟碟上檯都係够熱既（就連炸點都係），所以大家都食得好開心。

MAMI可能减肥餓得太耐。竟然想食。。。


當然係眼濶肚窄啦。。。炒粉/飯都有一半要帶走。

又食又拎之後，MAMI又想行下街市。其實而家减肥時期，都唔會買肉，今次只係買左絲瓜同青蘿蔔。絲瓜加D雲耳浸熟就食得！另外就係煲好耐無煲過既青红蘿蔔湯啦！

卡樂B既指定項目係行玩具店+雪糕！



卡樂B食緊雪糕既時候，MAMI又週圍望下，雪糕檔前後兩個檔口賣乜呢？

SHOPPING緊可以趁空檔做個牙齒美白療程，整靚棚牙。[只限美白，脱牙/補牙唔做架！]
唔洗整牙。。。恤個髮啦！[不過無得洗/剪既！]


D檔口係正商塲行人通道中間，人流唔少架！雖然唔似廟街咁露天露地，但MAMI都唔會幫趁囉！

雪糕食過，就要去尾站：唐人超市上少少貨。上貨離開時就發生左一段小插曲：

買完野出黎，落幾密雨。但都係兩個泊車位距離，我就冒雨推住D SHOPPING行過去啦！一開車門，見到有D冰粒係seat 位度，原來剛剛仲落過冰雹。擺好野，卡樂B話要去廁所！我唯有拖住佢返入去用廁所，點知急急步行緊之際，有架車竟然係我身邊倒車：等架車可以停正大門口唔洗淋雨就可以上車！我成個C9拖住個仔眼掘掘個司機（呢D情况下，大多數司機都會停車等你過左先再繼續），呢位司機竟然當我透明，繼續！我同呀仔要冒雨兜過架車先入到門口！個司機。。。係中國學生，要載既。。。係佢既幾個同學！我真係好 ’男女男‘！個司機一D CONSIDERATION都無！成班十零二十嵗既原來係咁‘打壞’既，少少雨都唔受得！經過班人既時候，我EE哦哦話‘洗唔洗開埋红地毯你地行呀！' [大陸人，90後，好多都好唔得。。。]

ANYWAY，回程又係有風，有雨，有彩虹！返到屋企就變返天朗氣清！卡樂B食埋帶走既炒粉，玩一陣，成9點半先熟睡，完成晒指定項目，咁又一日！

卡樂B語錄

卡樂B耐不耐就會唔聲唔聲嚇我地一驚，今日又猛講野啦！MAMI要趁記得寫低先。。。

同卡樂B去超市。行到買盤栽既地方，MAMI解釋比卡樂B知道某D花既顔色可以吸引蜜蜂去採密，傳播花粉。。。
點知卡樂B同MAMI講：THE BEES GET THE NECTAR FROM THE FLOWERS, AND MAKE HONEY IN THE HIVE!
MAMI好肯定自己4嵗既時候就算用中文都唔會識得咁仔細既描述！問卡樂B係邊度聽過蜜蜂係咁做野，呢個仔話：I KNOW IT MYSELF, IN MY HEART! [太牙擦仔呢！]

PAPI黎接我地返屋企。坐緊車既時候卡樂B突然彈左呢個COMMENT出黎：I LIKE PEOPLE GETTING MARRIED BECAUSE THEY CAN GET BABIES!
MAMI同PAPI都笑到唔停得。唔知道佢係邊度知道MARRIAGE既意思。但好明顯既就係，係卡樂B心目中：結左婚既DADDY/MOMMY先可以有BB囉！[好傳統既想法。。。]

食左午餐。佢要揾佢最死黨既公仔朋友一齊玩。但揾左一陣都揾唔到。
卡樂B就認真起黎：戴左頂警察帽扮警察要去查清楚究竟個公仔朋友去左邊!

MAMI想幫手，佢話：MAMI，ALLOW ME！ [等我黎啦！]。
MAMI想入房攞野。佢話：YOU ARE NOT ALLOWED BECAUSE THERE IS A POLICE MYSTERY HERE AND POLICE MYSTERY IS FOR POLICE[即係佢自己！] ONLY！[係邊度抄返黎既偵探片台詞黎架？]

减肥 （2）- 食齋

减肥减左差不多一個月，去左9磅，我覺得好有成績架啦！

MAMI其實都唔係成日跟住個巫婆湯食譜 。講真：個湯擺耐左，青椒係最難食既！所以MAMI有時會煲細煲D，兩餐飲完就算，有時就會煲D其他菜湯/瓜湯分開下。

MAMI近來都煲過幾次冬南瓜湯（BUTTERNUT SQUASH）。而家煲就落少好多薯仔（兩粒NEW POTATOES咁多啦！），唔落有味湯底，唔加CREAM。煲好之後開BLENDER打溶。食既時候番熱，落少少PARSLEY就得。如果想卡樂B都飲D，就攞幾粒CROUTONS比佢自己加落D湯度，咁個仔又會賞面飲半碗！但個湯都頗‘杰’，所以飲左呢個湯，個餐就會食少好多飯餸。

雖然唔跟足個湯/食譜，但MAMI覺得大量生果/蔬菜呢個POINT真係减肥好重要既一點。所以MAMI而家既飲食都係清淡為主。即係少肉/多生果/多蔬菜。好耐無整MAMI好恨食既燜餸啦。。。生果：MAMI主要係食橙/萍果/香蕉/蜜瓜。蔬菜方面，MAMI通常會行超市時會揾下有乜新款/平日少食既蔬菜，希望多D款式/變化，唔洗食得太悶！

ROUND COURGETTE/GLOBE ZUCCHINI：超市有釀好左既賣。MAMI就買左幾隻番屋企，自己玩下！

今次用左現成既小米（COUSCOUS），跟包装指示發好備用。

個瓜就係近頂部份切開，用匙羹掏出瓜肉。MAMI參考過幾個食譜，有D話要將個瓜煲一煲，有D話唔洗煲但就焗耐D都得。懶惰既MAMI梗係跟後者啦！

跟住就可以預備餡料：適量瓜肉切碎，加入發好左既COUSCOUS，調味。今次MAMI仲加入左FLAXSEED （謝謝BLOG友 OnOn既介绍: 話FLAXSEED可以幫助降膽固醇，所以MAMI都買左黎食啦！）。如果想好食D，可以加入碎芝士 。但而家係减FAT非常時期，所以MAMI只係加左少少碎芝士係舖面既麵飽糠度。。。

唔鍾意COUSCOUS，用RISOTTO，QUINOA做餡料都得架！

預熱焗爐180度，45分鐘左右，見D餡漲起/表面變金黄色就可以出爐啦！

食後感：MAMI無落調味，但COUSCOUS已经有蕃茄碎同蒜茸，所以都OK啦！個瓜比普通長身既COURGETTE甜。

仲有：呢個雖然係齋菜，但唔難食，而且可以整INDIVIDUAL PORTION，個個唔同口味，咁就唔洗自己减肥攪到另一半都無啖好食。

攪攪震！

都係講下D花啦 ~ 悶未呀？

MAMI每日都會出後園望下個幾球花，影下相。

幾球風信子都越生越大棵，上星期有兩日好大風，最大既兩棵吹到彎左落地！MAMI埋去檢查下係乜情况啦！發現其中一棵仲有另外一球细花出緊黎呀！好神奇呢！

有花坎折直須折，莫待無花空折枝。。。所以MAMI前兩日就剪左佢地落黎，用水係室内養。雖然只係少少兩球花，但每次入經過都聞到花香呀！

初初以為黄色既風信子會比較素/淡色，但到盛開既時候都好靚呀！呢兩棵過幾日都可以帶入屋養LU。。。


深粉紅呢3棵D花比較细，暫時都仲支持得住。可以種耐D先收入屋。


鬱金香：有花冧啦！唔知會唔開乜色既花呢？


排住隊有靚花收成，好開心呢！

櫻桃李既花已經開晒，仲榭埋！得返個花托，MAMI會密切留意有無結果架啦！


MAMI又發左D魚翅瓜種子。趁好天就放D種子入泥。卡樂B極怕整污髒隻手，但都懶係幫手做埋一份。 琴日去超市見到粟米/紅蘿蔔種子又話要種，要攪咁多野遲D睇下佢點算先得！


ANYWAY，希望今年有D成績啦!

EASTER EGG DECORATING

復活節對於卡樂B黎講係一個可以攞正牌大食特食朱古力既節日。呢度各大超市早到二月都已經有復活蛋賣，臨近大節幾個禮拜就當然更加大賣特賣。


卡樂B兩年前第一次食復活蛋。亦都係第一次食朱古力。望住隻金蛋，呢個小朋友有D唔知點算好既感覺。玩左一輪，终於揾到點食，從始就愛上左朱古力啦。。。


今年MAMI揀左薯頭先生復活蛋比卡樂B。實行要佢做D小手工先有得食！


雖然朱古力係卡樂B既致愛，但佢都係好唔鍾意MESSY。所以就要MAM將朱古力酱搽好，卡樂B就幫薯頭先生執返D眼耳口鼻！


復活蛋裝飾好，MAMI話係用黎慶祝JESUS復活重生，所以星期一先食得。但背後既真正原因。。。

EASTER BAKING

先幾日MAMI無無聊聊係度揭住本蛋糕書，卡樂B走黎八埋一份，揀左CINNAMON NUTELLA CAKE話要同MAMI一齊整黎食！

趁復活節假，無打算出去玩，又見好耐都無整餅，今日就玩BAKING啦！

材料:


摺起張纸，剪左一刀做個圓形舖盤底。當MAMI打開張纸既時候，卡樂B以為MAMI玩緊魔術呀，當堂睁大對眼WOW左一聲+笑晒口。呢個仔D戲都算交得好足架！


食譜話將所有材料（HAZELNUT同果仁醬除外）攪均打起就得，MAMI又懶自己打，搬左個BLENDER出黎代勞。。。

卡樂B终於唔再怕個BLENDER發出黎既噪音，仲學識埋點用部機添！


打好個BATTER就可以倒落焗盤，加果仁醬。果仁醬係朱古力色，卡樂B就當正係朱古力，猛叫MAMI落多D！

落埋果仁，攪幾下就可以入爐。一個鐘左右就可以出爐。


MAMI話要食左晚飯/等PAPI收工返黎先可以當甜品食呢個餅。所以PAPI一入門口，卡樂B就急急脚拖左PAPI去厨房要SHOW個餅比佢睇。


卡樂B話自己有份整個餅，PAPI問佢點整，佢話‘IT'S A SECRET!'。[有乜咁秘密呢？食譜呢度咪有囉！] 氹左一輪，卡樂B终於肯露少少口風啦！‘WE USE EGGS!'

試食：卡樂B整緊個餅個陣就已經話CINNAMON好香，同HOT CROSS BUN既SMELL一樣（有TASTE啦！）但同PAPI一樣，兩父子都麻麻地鍾意D果仁，要挑番晒出黎剩食蛋糕。下次再整應該係走果仁版LU。。。

於是MAMI一路食就一路諗再整既話要點改善。。。咁先醒起，用HAND MIXER咪得囉！洗乜咁麻煩搬座BLENDER出黎，用完又要洗餐死！