巴塞隆拿: 住

經過多番考慮,朋友推介,上網揾料之後,我地決定租APARTMENT,唔住酒店.

原來APARTMENT嘅選擇都唔少架:二人世界可以住STUDIO FLAT,攪家族聚會要揾間大宅,頂樓複式單位又有,要方便一落街就可以浦嘅又有,日日陽光與海灘嘅都有! 我地嘅要求就梗係'平靚正'啦
 
揀左呢間APARTMENT最大好處係有一間正式嘅睡房,卡樂B要早訓都唔洗比廳嘅燈光,電視聲,我地嘅傾計聲騷擾到.

 
廚房就更加係MUST啦!食早餐啦...

 
卡樂B都好習慣呢間'臨屋',佢最喜歡嘅就係呢副超大煮飯仔.

 
仲有呢個點爬都得嘅地櫃.                     

 
全屋唯一禁地就係個騎樓,有得睇,冇得出...

APARTMENT內部我地都頗滿意,單位係舊樓翻新,仲加裝左部LIFT上落(全棟7層高,同香港D唐樓一樣),但舊樓始終地方有限,每層樓嘅LANDING都係僅僅夠位打開LIFT門,我地就要係兩級樓梯之間身手拉住LIFT門同卡樂B先可以上落,都有D危險...如果我BOOK之前知道西班牙D舊樓係咁,我就會問清楚大廈本身嘅ACCESSIBILITY先決定BOOK邊間APARTMENT囉!

巴塞隆拿: 食

由買左機票開始,一諗起呢個TRIP就滿腦子都是TAPAS,西班牙海鮮飯... 這些都是我的致愛,不過冷靜下來一想...真係可以想食乜就食乜?

卡樂B平日都算係早訓,但西班牙餐館往往是晚上8/9點後先開始多人去食晚飯, TAPAS就差不多任何時候都可以食到,但係真真正正適合幼童嘅食物又唔多...加上卡樂B近來飲食方面好挑剔,好多時剩係肯食白飯,見到少少顏色係飯上面都另晒頭,蛋糕甜點就多多益善...為左照顧卡樂B嘅飲食(同埋荷包),我地決定租APARTMENT,起碼有個爐煮少少野食比卡樂B打左底先出街,煲煲滾水整杯茶都得呀,唔洗下下都要上餐館解決.

我地就帶齊一切煮食道具,米飯,到步後再到超級市場上貨.講起上貨,好多體驗都同我地鄉下一樣,可能真正嘅西班牙生活就係咁?

• 水喉水不適宜飲用,所以我地每日都要'托水'~好彩有PUSHCHAIR...
• 新鮮牛奶唔容易買到,來貨唔多,要好早去超市買,手快又,手慢無!不過最大問題係D鮮牛奶係用膠袋包裝(好似買MOZARELLA CHEESE...)一次一定飲唔晒1LITRE,又要揾樽裝住,所以我全程比卡樂B飲奶粉.
• 麵包好貴! 675g一包切片方包買成3.09歐羅(歐羅而家同英鎊1對1),我地係英國D方包係900g一包,多數賣£1.3(都被人鬧話貴左好多!),有PROMOTION就£1都有交易...［終於揾到一樣野係英國平過西班牙!]

上一次返鄉下,卡樂B係15個月大,我地都唔敢比太多其他食物佢試.今次我地就比較放鬆.係APARTMENT玩煮飯仔之餘,佢都有機會嘗試一D真正嘅家鄉風味
 
CROQUETAS係我最鍾意嘅小食,基本上係薯茸加入西班牙風乾火腿茸,雞肉茸舖上麵包糠炸熟,咁香口,卡樂B鍾意食係意料中事!
 
另外一種小食就係西班牙油炸鬼(CHURROS),呢度賣嘅係CHURROS MADRILENOS ~ 馬徳里款式,外表比較修長.
 
我地鄉下個D就似廣東油炸鬼多D...

我係香港嘅西文老師都話如果發起癲上黎想食CHURROS就會去粥舖買廣東油炸鬼,點朱古力醬,係西班牙大多數人都會叫一杯好濃熱嘅朱古力或者灑糖粉伴食.
 
卡樂B又會點食呢? 淨食呀唔該!




另外,我終於有機會嚐到一鑊好出名嘅西班牙海鮮飯,我地成日睇D旅遊雜誌,WEBSITE介紹嘅西班牙海鮮飯都係好黃嘅,99嘅家傳咪方煮出黎都係黃色架.但今次見呢鑊係偏向深啡色,D飯食落好似用好靚好醇嘅醬油煮出黎一樣(不過係唔鹹嘅!),D海鮮(尤其係D墨魚)入口即溶...食過呢鑊飯之後,我唔打算再係屋企自己整囉,因為一定整唔番呢個食味. 會唔會再黎食過?會!一定會!!不過一定要賣甩唔嗜海鮮嘅艾先生,我就可以更加享受我嘅FAVORITE...

巴塞隆拿: 行

除左帶卡樂B返鄉下探親,今次係第一次帶住卡樂B HOLIDAY.為方便起見,我地揀左巴塞隆拿,因為以前去過,又識得講,起碼有乜事(TOUCHWOOD!)都知少少地頭同講乜野求救嘛!

今次搭EASYJET,真真正正係NO-FRILLS AIRLINES,連CHECK-IN劃位都唔洗,主要係跟CHECK-IN先後決定登機組別,上到機有位就任揀任坐.又可以比錢買SPEED BOARDING,就算遲去到機場都可以比無買SPEED BOARDING 但又最早去機場排隊嘅乘客早上機.收費係以每程每位乘客計(仲講明一訂SPEED BOARDING就成個GROUP都要訂,等你唔可以派一個代表早D上機霸位) 計計埋埋每張機票就要比多10幾鎊,唔想多比錢嘅話就要早D去機場排定隊等CHECK-IN...　我地飛中午,加上我一貫寒底作風,唔想比多個幾十鎊,一於早D去排隊!

哈哈...多得卡樂B帶協,我地原來係屬于緊隨SPEED BOARDING (SB)上機嘅SPECIAL ASSISTANCE (SA)组別,唔洗比錢/唔洗早排隊都可以早過其他人上機,當日班機大概係半滿,CHECK-IN時櫃位小姐已經話卡樂B都會有自己嘅位,就係咁,大家就好輕鬆上機.
卡樂B就好好利用左自己嘅免費座位訓足全程2粒鐘

到步後搭機場巴士到市中心,拖住隻唔肯坐PUSHCHAIR嘅卡樂B加上行李/雜物,唯有打的去APARTMENT,之後要去超級市場上貨又要再打,我同艾先生都覺得D的士大佬唔多友善,艾先生都叫做係同聲同氣嘅鄉理,但大佬們就連最基本客套話都無兩句...唔通聽得出佢唔係本地人就唔LIKE我地

其餘時間我地外出都係步行居多,不過都買左張可以坐10程市內交通工具(如地鐵,巴士)嘅多程票同艾先生兩份用.有D地鐵站有LIFT可以落到地底,有D就要自己抬住部車上落樓梯,有部分地鐵站就做緊改建/裝LIFT工程,個D地方就沙塵滾滾,似足當年香港周圍掘路起地鐵一樣混亂...

卡樂B一落地走動嘅時候我地就要特別小心.係英國出境過保安檢查時就比佢走甩過一次,以為佢走左出去候機大堂,大叫一聲後先發現細細粒嘅佢鼠左去一班睇場職員後面,比佢嚇死.
話說巴塞扒手同拐子佬都猖狂,我地就更加要加緊防範:

 
要咁帶住卡樂B上街係就係難睇D,總好過有甚麼不愉快事件發生啦...

多一個鐘的週末

每年10月份最後一個週末,英國跟其他行DAYLIGHT SAVING TIME嘅國家一樣,要係星期日凌晨撥返慢一小時,感覺上星期日就"賺"左一個鐘,繼續懶床又好,早起去晨運又好,大家鍾意點洗呢個鐘都得! [相反地,轉夏令時間就少左一個鐘~返工遲到就好真係會好遲啦!]

卡樂B由星期四開始傷風咳,到星期六都未有好轉,唔多舒服嘅卡樂B攪到成9點半先訓得著,我就11點鐘先準備換片同餵奶啦,當PAPI準備換片,卡樂B喊了,原來嘔...一番清理功夫之後,已經係12點幾,撥返慢一個鐘,時光倒流返到11點幾,小朋友一有唔舒服,晚上往往係最辛苦嘅...今晚仲送多一個鐘比我

結果真係時光倒流兼歷史重演,卡樂B再嘔多左3次,好彩份量不多,我就洗多2條大毛巾...

12點幾再次慢慢SETTLE卡樂B入睡,PAPI一移開少少佢就即醒,為左遷就佢嘅睡姿,我同PAPI就要好似D後宮妃嬪咁訓到打橫打直...

攪到成差不多兩點卡樂B先熟睡,星期日早上9點半(冬令時間8點半)就醒晒...今年我賺返黎呢個鐘就好不幸地...好難挨

Dayout with Thomas

英國火車電氣化左好耐,但好多地方都仲保存住一D有歷史意義嘅路線,D火車/鐵路發燒友就組成團體出錢出力一到假期就齊集係大本營維修保養D舊蒸汽火車頭,火車頭抹好油就梗係要放黎跑下先知行得順唔順啦,我地呢D無聊人只要比錢就可以搭下蒸汽火車,團體又可以有D收入幫補下...

啱啱過左個禮拜一連三日THE BATTLEFIELD LINE RAILWAY 開放,仲係THOMAS TANK ENGINE嘅特別EVENT.卡樂B未識得THOMAS' D FRIENDS,不過睇電視,係街見到D有THOMAS個樣嘅野都會好興奮咁郁晒手腳,加上我地又未搭過火車,所以就趁呢個機會去見識一下囉.

當日見到嘅THOMAS & FRIENDS唔多,不過卡樂B剩係見到D BANNERS都已經手指指,見到THOMAS個陣仲咧嘴而笑,個心一定係諗緊"唔係呀嘛,乜真係有架" 我諗等佢大個D,識得多D THOMAS嘅故事就會帶佢去THOMAS LAND,到時佢一定會玩得更開心!

救援物資 ~ All mine, nearly!

上次收到嘅包裹,成箱都係卡樂B嘅,佢就HAPPY 啦,不過拆到手軟嘅係我今日終於輪到我HAPPY下

郵差送個箱黎個陣,我係廚房開緊奶,又開緊洗衣機,根本聽唔到啪門聲.好彩攞樽奶出廳見到有架車白色貨VAN停左係度,我如常去窗口八下,見到有個著住郵局職員螢光背心嘅人楸住一個香港郵局包裹箱去隔籬屋啪門. 嘩!我即刻敲窗叫佢過黎問問先...個箱當然係我架啦!!!
 
接左個箱入屋,卡樂B就奶都唔飲要去開箱檢查...

一打開,散水...[一定係比小甜甜嚇親]

要一舊舊報紙翻開先見到今次收到乜救援物資,計有:

迷你月餅,清補涼湯包,無花果.同埋呀媽自發加送嘅螺頭,小元貝,蠔士(正!不過要小心膽固醇...)
 
廚房煮食道具...[呀媽仲話想寄個湯煲比我架,英國唔係落後得咁交關呀!]

呀媽知道卡樂B整爛左隻飯煲腳,又覺得我個煲太細(其實2-4人煲,我覺得好FIT架!),即刻買左個大(好多)嘅新煲比我.唔係高科技型,不過我覺得都好好用啦,太高科技有壞好難自己拆開檢查嘛!
 
相信呢個煲會用得好耐.
 
其實卡樂B點會無禮物呢! 迷你扭蛋機一部,奶都未飲晒就要玩...

好趣置嘅金寶番茄湯外套[多謝舅父],婆婆織嘅小冷頸巾[多謝婆婆]

最後...艾先生話可以睇埋D新聞先扔D報紙