魚樂無窮？

一直都想帶卡樂B去伯明翰既NATIONAL SEALIFE CENTER[國立海洋生物中心 ~ 個名好GRAND呢!] 入場費就算有折扣都要成12鎊一個人,所以呢個ITEM就一直係TO-DO LIST未郁過! 剛剛係WH SMITH買野送左一叠入場券買一送一COUPONS,加上公公婆婆黎玩,我地就决定去个度玩一日啦!

今次入到伯明翰好快就揾到個海洋生物中心,仲好快就泊好車,行出停車塲,過埋橋就係目的地,一切似乎太順利左D。。。

 
一入門口就一眼見晒呢個國立海洋生物館既特點~很袖珍！

 
每个塘都好淺水,D魚唔會游到"無雷公"咁遠,卡樂B企喺度EYE LEVEL就可以望晒D魚,各位攝影發燒友就可以踎得穩穩陣陣影大特冩.

公公婆婆望住一缸又一缸既魚竟然以爲自己身處西貢海旁既海鮮飯店,開始對D海洋生物評頭品足...
 
公公: 呢个鱸魚我地喺香港好少食,唔知點整好食呢?佢個女/我: 清蒸好食架[我講緊乜...]

 
婆婆: 呢D好似我地食嗰D倉魚.咦!仲有左口呀

 
食人倉: 婆婆,你食晒我D老表,比你個孫我咬返啖都唔過份啦

 
越行越覺得呢間野奇特:原來青蛙都係海洋生物WOR

行行下先諗起:海洋生物中心...點解仲未見到D海獅,海豚,剎人鯨架搵个職員問下,原來呢度係無架.不過職員提醒我地記得要過海底隧道,因爲有難得一見既HAMMERHEAD SHARK [双髻鲨],於是我地就继續行啦...
 
嘩咁快就過左海,條双髻鲨好鬼细條,所以真係好難見到(咪講話要影相!)

隧道盡頭係迷宫,我一望D鏡就已經覺得頭暈,影完呢张相一開步仲撞埋鏡!艾先生一入到呢就覺得CLAUSTROPHOBIC,所以我地决定U-TURN原路行返出去!

游覽完畢,全程唔洗两個鐘! 雖然我地比左4個鐘停車費,如此令我失望既地方當然係早走早著,快快去揾位飮茶好過!飲完茶去行街市,買左條鱸魚返屋企清蒸,總算得嚐所願

越來越嘆,越食越好...

爸媽來左幾日,因為我媽係無米落肚唔得既飯桶,午餐我已經好懶,一定係粉麵,晚餐一定要有米飯啦.
PAPI一向都唔明點解我地中國人一日可以食兩次飯,而家晚晚都煲飯,攪到佢有時會報名話今晚餐飯唔洗預佢,哈哈...咁我又可以正D我地喜歡既野食啦!

5月17日:薯仔燜雞翼 (難得有骨落地...)

 
5月18日: 清補涼煲排骨湯,燒排骨,黃芽白燜粉絲蝦乾 (卡樂B竟然肯食VEGETABLE!)

 
5月20日: 小棠菜(卡樂B又叫住要食菜...唔通公公D手勢真係好大分別), 清蒸SEA BASS (卡樂B鍾意D豉油,爸媽就話條魚都好有魚味,我又食到變左包尾大班...),個碟專登整比卡樂B既雜菜炒蛋就無人問津.

我仲有好多野想整想食,真係有唔敢想像一個月後會點...

洗塵宴

公公婆婆今年終於決定來這裡走走,小住一會,同隻曳曳卡樂B玩下...

星期六就到步啦[真好彩...遲一日又有火山灰要封機場]!返到屋企已經夜晚八點,肚餓之餘又眼瞓,一定要快有得食最緊要,第一餐飯係...CHINESE TAKEAWAY

星期日就開始小量活動 ~ 午餐係飲茶食點心,晚餐先可以叫做正正式式食來英第一餐.
準備左以下材料,做了3個餸...                  

 
準備中...                                                            

[咦...手腳有D問題BOR...洗塵宴乜唔係主人家下廚既??? 原因係卡樂B仲未習慣同公公婆婆一齊,有D怕羞要MAMI陪住,所以MAMI只可以落米煲飯,切定D瓜菜同負責其中一味.]
洗塵宴就係咁簡單: 鬼佬節瓜燜雞柳,番茄煮蛋,梅菜蒸豬肉餅   

 

呀爸呀媽: 你個女剩係識整D咁既餸架JA,黎緊既日子就靠你地啦...

三心兩意的一餐

通常星期五唔洗返工我就開始盤算週末整D乜野食. 呢個星期既考慮係要煲湯同消滅冰櫃既存貨.

煲湯...

唐人超市 ~ 青蘿蔔好唔掂,唔係無貨呀,但摸落手淋淋霉霉,好似浸過水一樣...

TESCO ~ D豬肉好樣衰.想要嘅CUT又無...

青紅蘿蔔豬肉湯應該都要泡湯啦...唯有改煲紅蘿蔔粟米XX湯(XX係因為想睇就近邊度仲可以買到豬肉)

點知比我見到SWEDE, 75p一大隻 幾個BLOG友試過都話好,一於買隻試試...

又諗起其實可以用冰櫃既排骨煲湯呀! 好! 一石二鳥,等我啱啱仲諗得咁辛苦!
 
SWEDE頭一刀比較難切...最後我成個放落地斬柴咁坎開兩邊,然後切細去皮就無問題.                                    

 
一盒排骨有成10支,本來想全部落晒落煲湯,諗諗下...留返幾支整多樣野食先                                                            

 
最後...煲湯就變成紅蘿蔔SWEDE粟米排骨湯

排骨,點整好呢...
 
蒸排骨? 我都想,不過我唔會斬,而且屋企無醬料...於是我就用平日燒叉燒既食譜整左燒排骨                 

其實今日卡樂B大傷風,我都擔心佢會唔肯食野.
 
又好好彩地...個湯唔肥(卡樂B可以飲),而佢又指住個煲話'SOUP' WOR

 
開飯啦...影大合照既時候卡樂B對個幾支排骨已經好有興趣(例牌要手篤篤).                                     

 
叫佢坐返好個陣仲對住鏡頭笑左一下添... 

最後,呢個小朋友掂都無掂過碟切細豬肉,紅蘿蔔,粟米...不過飯前飯後都飲左一大杯湯(成日飲得水少都跑返夠數)加一支燒排骨,大半碗飯,MAMI都滿意啦!

MAY BANK HOLIDAY去食LUNCH

英國的公眾假期很少...大時大節就只有復活節,聖誕節有DAY-OFF,其餘就係每年5月頭一/尾一[第一個同最後一個星期一],8月尾一 ~ 就係咁多啦

而且放親BANK HOLIDAY都唔好天...一日四季都絕不為奇.

呢個BANK HOLIDAY WEEKEND,天氣一樣反覆: 星期五/六開始凍返,落幾陣雨,琴日陰天左一日,琴晚好大風吹到連架車防盜都響埋,今朝就扮好天,有太陽...睇黎都可以同朋友出去食個LUNCH.
行20分鐘就到我家對面既LEISURE PARK ~ 行到三份一落好大粒雨,要返轉頭攞PUSHCHAIR加RAINCOVER,攞齊野再行,竟然天光返,一滴雨都無 [不過...食飽飽,返到屋企,打電話同PAPI報平安既時候,PAPI話剛剛落雹呢!]
 
地點係BLOG友之間COMMENTS好壞參半既FRANKIE & BENNY'S

一輪思索...只要食得落2 COURSE就一定有位食埋個甜品,所以...決定食3-COURSE MEAL
頭盤係TOMATOE & GARLIC PIZZA BREAD,好啱無澱粉質不歡既卡樂B,一食就食左兩塊~都仲想再要,即係叫左比你個KID'S MEAL等嘥啦...                                       
 
主菜係VEGETARIAN BURGER+CHIPS, 個BURGER燒得好黑呢...有人見我影緊相就開始手多多...                                                         
 
甜品係BROWNIES+ICE CREAM

卡樂B都有自己既雪糕一球,所以唔洗抽我水...呢個小朋友又貪心想食大羹D,又'畢'到漏漏下,又唔肯用BIBS...                               

野食方面: 唔難食,但唔係好好食...(10分滿分就比6.7左右啦)

雖然唔係法國大餐,我地呢個LUNCH都食左3個鐘! 隔籬張檯都轉左3輪! BANK HOLIDAY就好多人一家大細去食,我諗閒日黎會好坐好多.

會唔會再去? 都應該會既...始終叫做就[我]腳囉!