自家出品的粽！

講左N年，今年终於動手！

公公婆婆係香港籌備今次探親行李時就問MAMI要唔要買定D料過黎包粽食。MAMI好鍾意鹹肉粽，但只係識食唔識包。咁。。。梗係要趁有機會偷偷師啦！

其實所有材料都可以係呢度買到啦！MAMI唯一要預備既係鹹鴨蛋。計好日子，40日前要入好樽。今次浸左23隻。

包粽前一日：浸軟/烚一烚D粽葉，然後用水浸住備用。開邊綠豆都要洗乾净，腩肉用五香粉醃好。

星期五MAMI湊左卡樂B返學就可以開工。

睇婆婆示範一次之後就到MAMI自己黎。。。


MAMI好雞手鴨脚呀！婆婆包3隻，MAMI先得一隻。


知唔知邊D係MAMI包，邊D係婆婆既出品呢？

買糯米時仲擔心大包得濟，原來用晒2公斤/3斤幾米，2個鐘時間，制作左25隻粽。

今次因為要烚粽，特别買左一個大煲，用埋個百搭LC煲，分兩個煲一次烚晒！


一路烚一路要CHECK住水位，烚乾水就全功盡癈啦。所以每半個鐘/9個字就加D水入煲，4個鐘後。。。出爐啦。。。


MAMI初初學師，包得唔够實，爆口個D就係MAMI既出品囉。

攪左差不多一日，即刻開隻試試味！


Hmmm。。。公公怕比MAMI話調味調得鹹，糯米淡味左D。MAMI就怕猪腩太肥，揀左盤瘦既，但蒸出黎太瘦，唔够香口。自家醃既蛋黄就好PERFECT。以後可以唔洗係外邊買個D又貴又唔好食既粽啦！

送左一半既粽比朋友，仲有存貨放冰櫃慢慢食。有時間的話，希望可以趁公公婆婆回港前再包多次，PRACTICE MAKES PERFECT嘛！

 

 

 

公公婆婆駕到！

上一次黎，已經係足足3年前！今年左度右度，番唔番香港呢？最大問題係卡樂B要番學，只有暑假可以留耐D，但旺季機票真的難負擔。與其時間/金錢都難安排，不如叫公公婆婆過黎？一同公公婆婆講，兩老有D‘LUR'飯應。。。。。。咁就快收快脚安排啦！

今年既‘淡季’機票都唔係特别平。最後只有揀BA。0540著陸。零晨3點3係屋企出發，預算5點半左右到達機塲。100里既路程，竟然破紀錄的在個半小時内完成！PAPI話自己DROVE LIKE AN IDIOT，呢個家醜不可外傳。。。

航班都算準時著陸，攪好入境手續，攞埋行李，6點半公公婆婆出來了！

[安排左TRAVEL ASSISTANCE，但今次無人幫手推行李出黎，唔知係BA一向既PRACTICE定係近年减省人手做法呢？上次CX係連人帶行李幫推到停車塲先收工架！]

ANYWAY，7點鐘返到停車塲驅車離開，9點到達屋企。

今次没有ORDER很多物資，但吃和扮靚（遮醜至真！）既樣樣都有D啦！


稍為安頓好公公婆婆，又要帶卡樂B去同學仔既生日會。雖然一大清早就比我地攪醒去接機，坐車時又唔肯訓，卡樂B當日全日都係處於極度興奮狀態。為免卡樂B太興奮+累會唔小心整親，唯有攰到有D出竅既MAMI都去埋生日會陪坐！


生日會完結，攰過頭既卡樂B開始語無倫次，仲話唔想走！番到屋企都仲死頂話唔眼訓，坐係公公後面攪攪震，畢竟直踩左13個鐘。。。


最後訓左2個半鐘，要叫先醒得番食晚飯。

星期日開始同公公婆婆外出，飲茶，入貨，整野食。一連食左幾日中餐晚飯，兩仔爺已經出聲話要食PIZZA。MAMI黎緊幾星期就一定係增磅，增磅，再增磅。。。