不一樣的排骨兩食

平日買親排骨，都會一次整兩味：煲一煲湯，留起幾支做燒排骨比卡樂B。咁個晚晚餐MAMI就食煲過湯既排骨+湯又一餐。

琴日又買左一份排骨！思前想後煲乜湯好呢？想PAPI都飲D就梗係要用紅蘿蔔做主角，諗住行出村口間超市買隻SWEDE煲個紅蘿蔔SWEDE排骨湯啦！點知。。。去完返黎先記得無買到SWEDE！

本來想煲清補涼排骨湯，但數數下。。。可以煲紅蘿蔔番茄湯BOR，况且艾先生都出過聲問點解咁耐無煲過蕃茄湯。今次就煲呢樣啦！

材料/份量多少隨意啦!今次用左：蕃茄/薯仔/紅蘿蔔/青椒/红椒/洋葱/青耶菜同埋飛左水既排骨。樣樣少少，唔覺唔覺都煲到一煲滿！

煲好左，連蕃茄皮都撈返晒出黎，今回搶番唔少分架！



同排骨去肥時發現D排骨都幾好肉，近軟骨既部份都唔難切開BOR。。。即刻切D排骨頭出黎先 ~ 我要食蒸排骨！

豆豉浸水去鹹/隔水，蒜頭一粒切蓉，加入糖/豉油/燒酒，用菜刀柄頭略略搗爛就可以撈落排骨醃味。



因為唔識/唔敢用菜刀砍骨，MAMI咁多年都無整過呢味餸，今晚终於有得食！仲撈埋汁食左碗幾飯 ~ 但最後都要放棄剩返既蒜蓉豆豉汁，我實在唔可以再肥落去啦。。。

熱浪星期天

今日暫時係今年最熱既一日，一早起身有少少陰天，但好快就陽光普照，氣揾持續上升。

C9既我趁好天，PAPI又遲遲都唔開工剪草既時間，快快手手洗左3機衫！出去浪衫都覺得熱到乾煎一樣，學似D西人咁坐係度晒太陽/飲啤酒/BBQ？咪攪！但好陽光，前後幾個鐘時間就所有衫都乾晒，又真係令到MAMI好開心！

接住。。。同卡樂B出城買玩具！



卡樂B睇中左呢套車好耐，呢半年，每次去玩具店都要睇下/摸下，本來PAPI/MAMI應承左買比
佢做聖誕禮物。提早買係因為想獎勵吓佢呢幾日既一D好表現！



夏日炎炎。。。回程時經過麥當當，黎返個CHEAP & CHEERFUL既享受 ~ CONE WITH A FLAKE。69p：呢個價錢，係雪糕車買都唔得，而且麥當當出品，點都衞生D。

返到屋企，PAPI又開機洗多一機衫，所以今日係破晒紀錄既4機衫！

黄昏時段，兩仔爺终於開工剪草！卡樂B一時落手落脚做埋一份，一時就坐定定武術指導。點都好啦，最緊要係MAMI唔洗郁。。。



最後，终於剪好草，清理埋BORDER既雜草。如果聽日好天既話，就輪到MAMI開工：移植D魚翅瓜苗落地！

南下兩天遊（2）- LEGOLAND ：玩玩玩

上一回講到覺覺猪，迎接第二日既節目。。。

第二朝：清早起床，但都咪摸到成10點有多先離開客棧，繼續行程既第一站。

一早都知道客棧既早餐麻麻，但都唔平！所以PAPI話出去食好過！坐言起行，就用‘I-風’個麥當當APP揾到最近邊度有得食：開車唔洗5分鐘就有啦！

英國既麥當當10點半就收早餐，即係連猪柳蛋漢堡都無得賣架！我地10點27分到達，好順利就點左餐。食飽早餐就有氣有力去玩啦！

第二站，係今次南下既重頭戲：



唔係旺季，泊車/買入塲劵都唔洗等！入到去，卡樂B見車就坐！



卡樂B鍾意車，MAMI事前已經鎖定D重點項目，望清楚地圖，就向標的游樂點進發！
扮消防員好呀！可以開車，又可以玩水！排隊既時候前面個媽咪話要兩個大人好大力不停PUSH個HANDLE先開得郁架火燭車，我地兩個都拖住一個小朋友，於是就夾份玩呢個游戲！真係好辛苦，不過玩得好攪笑！卡樂B玩完都唔知，仲想繼續留係架車度！



另一個項目就係駕駛學院。卡樂B見到D貼左FIAT標緻既車就已經好興奮。排隊時就講定要開邊部車。熱身之後，所有陪同人士都要離塲。D小朋友就要自己黎啦！卡樂B始终係第一次揸車，唔識比油！架車唔郁！工作人員埋去教佢比油之後就開始風馳電制啦！仲炒埋車！真係要同呢個小朋友補下鐘先得！



中塲休息：午餐都係係餐廳解决，黎呢度梗係玩要緊，所以食物質數普通，（唔影相就罷啦！）食完午餐，卡樂B仲要食雪糕！



每年LEGOLAND都推出一個新既機動遊戲，今年係潜水艇遊水族館（ATLANTIS SUBMARINE VOYAGE），MAMI好期待去坐一次，但卡樂B有D怕水，唔肯入去，最後唯有唔坐囉！



入到LEGO CITY，見到有JCB DIGGERS，又去排隊玩下先！玩之前有短片示範點操作部DIGGER，卡樂B就梗係無留心收看啦！上到車開工，原來操作一D都唔易呀！玩完呢個機動遊戲，卡樂B返到屋企又對自己部DIGGER有番D興趣，攞返出黎玩左幾日呀！



繼續都係要揾車坐！於是就去左DINO SAFARI，完全唔洗排隊就上得車。又有得玩STEERING，卡樂B真係懶理有乜恐龍！MAMI同卡樂B一口氣玩左3次，好不容易先引到呀仔離開呢個RIDE！



最後，行埋MINILAND。。。



大部份既名勝古迹都無乜點改動過，有D仲晒到退晒色！唯一SPOT既就係白金漢宫做左個王子大婚後係露台同民衆見面既SCENE。

咁就完成左兩日一夜既南下之旅，返到上車，卡樂B唔洗5分鐘就瞓著左。

今次大家都好盡興。幾時再有下次？應該都要暑假後啦！費事樣樣都貴D，又要同人迫嘛！

南下兩天遊（1）- 倫敦：食食食

計劃呢個TRIP既時候，MAMI其實係傻傻下咁用手指數日子，日歷都無望過就CONFIRM話6月19日起程。出發前一個星期先知道撞正FATHER'S DAY。咁。。。都算係FATHER'S DAY既慶祝活動啦！

做左乜？

南下第一站：倫敦飲茶/食點心：去我地FAVORITE既酒樓，食我地USUAL既點心。數一數，原來卡樂B咁大個仔都未去過呢度飲茶！（咁未即係成4年無黎過？？？）太耐無食，真係覺得特别好食！[MAMI又密密計劃幾時可以又去再食過！]



食飽飽之後就去當晚投宿既客棧報到。到客房放低行李之後，艾家一行三人又再度落樓往停車塲走。進行ITIN既第二個項目。

企上車頂攪乜？其實客棧位於機塲跑道附近，所以而家係去睇飛機！咁啱見到巨無霸A380客機著陸，真係明顯比其他客機大好多!



企係草坪指手劃脚，有飛機經過時又WEE-WHA幾聲，唔覺唔覺就玩左成個鐘。



要揾野食，然後覺覺猪，聽日仲有好節目。。。

順便SHOW下間客棧個樣啦！

大堂有自助CHECK-IN系统，兩旁有咖啡室/餐廳/閒坐空間。



本來CHECK-IN既時候要求左一間望到飛機升降既雙人房，但入房後發覺張雙人床太细唔够瞓，結過都係要換返間FAMILY ROOM先得！

客房設備舒適/齊全。



FAMILY ROOM向内園。窗外既景色好监獄風雲FEEL呢！但最緊要係環境清静/隔音好，唔係既話，瞓得唔好，跟住個日點去玩呢？Shhhhhh。。。




（待續。。。）

今次啱啦啩？

煲左幾次蓮藕湯，乜材料係涼既，乜材料係熱既，次次都攪到亂晒，今次终於記得 ~ 蓮藕花生排骨就得啦！

去探朋友，講起煲蓮藕湯，但成日都唔記得買花生。朋友話有大量存貨，即刻就攞個袋入左大包比我。哈哈。。。多謝晒！我就剩係要買到蓮藕，加幾舊排骨，又有老火湯飲啦！

花生易引起敏感，即係唔洗預PAPI。咁我就順手扔幾粒干貝落煲。。。

煲好啦！。。。卡樂B對煲湯無黎反應，即係都唔洗預佢個份！


今明兩日，MAMI要一個人頂晒煲湯。

同塲加映：另一位友人又送黎自家制Q版菠蘿飽，MAMI又即刻開工KO一個！


剛剛想重新開始既减FAT大計又要ON HOLD

這兩個男人的關係

今年父親節，同卡樂B去揀左一張CARD送比DADDY。

點解揀呢張？卡樂B話BECAUSE TEDDY BEARS ARE NOT SCARY！

一起身，卡樂B已經同DADDY講：HAPPY FATHER'S DAY，但係就話送BIRTHDAY CARD比DADDY，認真九唔答八！不過。。。DADDY都當然百分百受落！

*     *     *     *    *

趁今日，UPDATE埋寫左兩年既一篇爛尾BLOG，等卡樂B大左自己睇返，知道下自己细個係點都好！

*    *    *    *    *

[時間约為2009年7月，卡樂B一嵗半大]

卡樂B跟PAPI好成點？
 
PAPI打電話返黎無時間同佢傾計，一聽到MAMI話BYE-BYE都要攞電話KISS！

耐不耐就會自動獻吻，有時PAPI玩佢叫比個KISS，有時會即刻起身去KISS。懶起上黎就會玩返PAPI轉頭，離遠傾前個身，嘟長個嘴咁KISS。

PAPI外出，入門口之前會打電話，卡樂B一聽到電話響一係會爬上沙發攞電話，一係就走去大門等。

如膠似漆。。。

入到屋，卡樂B就會黐到實一實：PAPI想返去車度收拾一下，唔得！想去洗洗手，唔得！想整杯
茶飲，唔得！想換衫，都唔得！ 呢個時候既MAMI係透明嘅。。。如果MAMI想拆散佢地，佢會喊到七彩架！

同卡樂B一齊上網/玩電腦，想整理下D相/VIDEO/BLOG，一定唔可以比佢見到PAPI上鏡。有次睇相，PAPI只係係張相角落頭得半邊面入左鏡，佢瞄到都喊到收唔到聲。不過睇MAMI同PAPI個張掛係睡房嘅結婚相又無事BOR！

廢枕忘餐。。。

到瞓覺時間，PAPI最好係等卡樂B瞓淋淋先返到，唔係既話，隻仔一聽到任何聲响都會睡氣全消，等PAPI入房同佢玩，但兩個一玩就唔知要遲幾多先可以瞓著，攪亂晒D ROUTINES！

卡樂B食緊飯，PAPI放工返黎。本來食得好好地，即刻封嘴，唔肯再食,，PAPI企係側邊都唔得，最後往往要PAPI抱住先勉強食多少少。MAMI就梗係擺左個好唔LI-KE既LOOK啦 PAPI就問係咪要佢返出去，坐係車度等亞仔食完先好入屋？攪到好似有家歸不得咁。。。

*    *    *    *    *

經過兩年培養，兩仔爺既感情當然係大躍進啦！

每晚食飯，卡樂B都會問MAMI有無留返D餸比DADDY，有時第二朝都仲會親口問DADDY有無食留比佢既餸？鍾唔鍾意呀？好唔好味呀？。。。同MAMI一齊食飯就話要同MAMI SHARE [MAMI既]食物！

晚晚瞓覺都話要LEAVE SOME SPACE FOR DADDY。

每次問卡樂B去唔去邊度玩？佢都會話去，跟住第二句一定係 GO WITH DADDY，如果有第三句先會係 GO WITH MAMI。

PAPI每次出門口都要想盡辦法先可以脱身：最常用既就係帶卡樂B去後園淋花，去車房攞野。但呢個仔耳朵超靈敏，係花園/車房聽到開車聲，心情OK個日會話：I THINK DADDY'S GONE TO WORK，繼續玩！心情唔好個日，會即刻跑返入屋，去窗口喊晒口大叫DADDY DON'T GO！

有時玩玩下都會突然喊晒口同MAMI講I MISS MY DADDY。。。如果MAMI話佢曳曳既時候，呢句金句揀直係所向無敵，一出MAMI就要即刻收口

一晚，明明好眼瞓都嚷住要DADDY陪先肯瞓落床，不停話：DADDY，STAY WITH ME，WE NEED TO SPEND SOME TIME TOGETHER。。。MAMI聽到呢句，真係成個人跌落地咁濟！即刻彈左句：“嘩！呢句野真係殺得死人。。。”艾先生問MAMI講緊乜，MAMI都NICAM失靈，唔知講乜好！

總之：呢個仔永遠都係DADDY第一！