Saturday 29 January 2011

不做不做還需做~賀年蘿蔔糕

今年掙扎左一排整唔整蘿蔔糕。蘿蔔糕係我最喜歡既賀年食品,但係。。。家中兩個男人呢?一個就一向都興趣不大(仲話出去飲茶個D好食過MAMI整個D。。。欠打),另一個就一時一樣(撞啱個日啱食就同我搶食,唔係就見到MAMI食都不停口話YUCK),所以蒸既話就預左要一手一脚,自作自受!舊年就係咁:樣樣一手包辦,體重即時飚升,到而家都無跌過!今年想唔整都係呢個主因。

我想。。。如果我唔上FB,唔睇BLOG都可能抵得住。一睇見大家D糕糕陸續出爐真係好難忍。最後都是不做,不做,還需做!

今年白蘿蔔行情:2個星期前,中國超市D白蘿蔔好靚,又大條。當時我仲未被打動,無買到!今個星期頭再去睇睇,Hmm。。。唔係幾好睇。



個頭青青地 (但老板解釋青皮都唔怕買WOR!點解?佢話青係因為露左係地面,但對食味影响不大),我見都大條/重身/實浄,所以都買左兩條,過兩日整。由於我家暖氣實在太暖,想整個陣已經皺左皮,刨唔郁,唯有再買過一批。

最後係鬼佬超市買左4條,望一望個價錢牌:£1.97/kg. 咦!呢度仲平過中國超市 [我個日買要£2.30/kg 呀。。。]

除左白蘿蔔,臘味都好緊要呀!舊年買過一包白油腸,唔算好肥,唔錯。今年加左價呀!賣到成7鎊幾銀一包。我已經唔落臘肉,所以臘腸唔慳得。。。



今次整既時候總係覺得有D雞手鴨脚,到臨尾要將D粉/臘味攪入盤蘿蔔度時,盤漿杰到攪唔郁咁濟,於是又猛加水。最後加左幾多水,我都唔係太清楚啦,落左盤蒸一個鐘就攪掂。

出爐啦,同上年第一次整個個比較下。。。[個樣就大進步,但我未捨得切開住,所以未有試食報告]



今年再唔再整好呢?定係再整第二樣糕呢?

Wednesday 26 January 2011

UNWANTED CHRISTMAS PRESENTS TOMBOLA

OFFICE一年到晚都有不少籌款活動,都係為一D自己支持既慈善/非眸利幾構籌募經費,有興趣既同事可以隨缘樂助,多多益善,少少無拘。

籌款方法都不少架:

有大型運動比賽好似世界杯/歐州國家杯/ASHES咁,都會有同事`發起玩SWEEPSTAKES。參加既就攞D錢出黎點自己認為會赢既一隊。籌左既錢會撥出一部份買一個禮物比WINNER,其餘既就捐比慈善機構,一班同事牙較戰之餘又可以做善事,何樂而不為?

啱啱過左既聖誕節就有大型聖誕卡擺左係休息室,捐D錢就可以係卡上面寫上祝福,唔洗個個同事都派卡,既慳錢,又環保!

大節過後,又有得玩!今次係因為同事參加CYCLE KENYA呢個活動:同事要係KENYA 用5日時間踩400KM單車,籌到既錢就會捐比WOMEN V CANCER支持對抗呢D危害女性既疾病。
點玩?前個星期同事就呼喻大家捐出D唔合用/唔想要既聖誕禮物出黎做TOMBOLA既禮物。

抽籤决定左:張票最後一個數字係0或者5就有獎。

同事就將D 0字/5字尾既票頭貼係禮物上面。


票尾就混入埋其他無奨既彩票度比大家抽。捐一鎊就可以抽5張。



獎品係乜?唔該自己對/揾啦!



我都貪得意玩左一鎊銀,有一張中左呀:555!



奨品係:雙喜花樽一個!



仲有D奨品都幾吸引我架,如果聽日返工仲係度,可能我又會出少少錢,買多幾個希望開心下!

Saturday 22 January 2011

呀茂整餅~又出事啦!

[抹茶红豆蛋糕:走抹茶]

今朝卡樂B又攞住個WHISK話要整蛋糕,我又睇左呢個MASA既食譜好耐,一於今日整黎下午茶啦!

整張材料大合照先!


我遲遲都唔開工整呢個蛋糕係因為揾唔到粒装红豆,但又唔想自己整~用兩匙羹豆就要煮一大煲。。。

今次真係天助我也。。。城一間頗新開既中國/亞州超市揾到呢罐即食红豆,仲同原食譜影出黎個罐一模一樣架!無死啦。。。



而家有個小幫工,MAMI就要提供適當既WORK SURFACE,有乜工業意外就唔好啦!

未够鐘開工就梗係係度攪攪震架啦。。。



MAMI就要一邊叫住唔好咁曳,一邊預備D材料準備整餅。當各樣材料陸續量好之際。。。弊。。。



原來包綠茶唔係粉黎既?本來想用熱水開好茶,用茶隔隔好加入個糊度。。。但係好似唔多够色水,如果攪到爛泥咁色咪好核突

MAMI諗到唯一既補究辦法:走綠茶囉!

跟住食譜同小幫工一齊續樣材料加落去,攪攪攪。。。



最後:出爐既只可以叫做牛油红豆蛋糕,用PANCAKE粉整出黎個蛋糕無傳统POUND CAKE咁實/HEAVY,有红豆香味/咬口,仲有!糖既份量幾好,唔算甜! 跟住就要幻想下加埋綠茶既香味。。。

最實際既評語:莫過於卡樂B既一個字:NICE!比佢做飯後甜品,食左2件,仲要再添食!艾先生下午茶之後,條蛋糕得返唔够一半!



Thursday 13 January 2011

正常黎講,可以好快!

1月8日由香港寄出,5日後。。。第一次派遞摸門釘,但攞住張通知,放工即刻去郵局接個包裹返屋企,所以都係同日~1月13日就收到

卡樂B已經成為拆箱專家,MAMI都未安頓好,佢就自動波開工。。。[佢初初仲以為收到盒尿片添呀]



叫佢CHEERS影張相多謝禮物,佢就擺個笑到喊晒口既樣出黎~醜怪!不過,收左喜歡既禮物就乜都唔理啦。。。



而家先輪到MAMI有機會望清楚今次既救援物資:

食譜書兩本~我好鍾意睇架,容易整/啱食既我會試下,整唔到既都可以望梅止渴嘛!



又係卡樂B既。。。底/面都有



有農曆對照既月曆,年年都要幾個挂係屋企,要知幾時過節好方便!



梗係唔少得D煮住家飯既材料啦!


Wednesday 12 January 2011

好餸ENCORE~韓式泡菜牛肉丼便當[猪肉版]

呢個餸又係跟靚仔厨師MASA既食譜整既: 簡單,快,仲好鬼好食(呢句係我食第一啖既即時反應黎架!)

原來既食譜係用火鍋牛肉片,但MASA都附註左一句:猪肉也OK!於是我用火鍋猪肉片。



另外既主要材料有泡菜/味醂同HONDASHI。頭两樣都頗容易買到,但HONDASHI就難揾D,所以我無落。



執好以下材料就可以開工(一人前):



火鍋牛/猪肉片(80g),韓式泡菜(50g,怕辣就用水洗洗),洋葱(1/4個,切片),葱(1/2條,切絲)

調味料:水(80ml),Hondashi(1/4小匙),味醂/酱油(各1大匙)~ 全部溝埋一齊備用。

煮法好簡單:落少少麻油起红隻鑊炒肉,[我就煎耐燒少少等D肉上色D],然後加入洋葱,洋葱開始轉色就加泡菜,兜均,落調味料,轉小火燜幾分鐘,灑上葱絲再燜多陣。攪掂!


第一次整呢個餸係琴日,我同卡樂B做白老鼠。

我既食後感:一開塲就講左啦 ~ 好鬼好食

卡樂B既食後感:NOT BAD! NOT YUCK! NOT NO GOOD! [一聲NICE咪得囉,零舍多古怪]

今晚ENCORE,都仲係好鬼好食!卡樂B其實鍾意D汁撈飯多D,[好彩我洗過D泡菜先煮]。又以為D洋葱係白菜,猛叫我比PAK CHOI佢食,我梗係將錯就錯啦!PAPI試左都覺得OK。

呢個餸原本都係為便當而設,所以。。。我聽日會第二次ENCORE,做埋PACK LUNCH帶返工再食!


Monday 10 January 2011

一本我喜愛的書

星期六,MAMI帶左卡樂B去圖書館,發現左呢一本書:


JANET/ALLAN呢個夫妻檔出過好多暢銷兒童圖書:老公出故事,老婆畫插圖。

故事當然係講POSTMAN去派信,每一個單元都有一個信封,收信人全都係耳熟能詳既童話故事
主角:CINDERELLA,女巫,小红帽入面既狼等等。



信封入面真係有信架,内容就係個童話故事既延續:

CINDERELLA:出版商將CINDERELLA同皇子既故事整理好,出版成書賀佢地大婚。所以要寄一本比佢地审閲/批准。CINDERELLA同皇子结左婚就變成公主,所以信封面要寫H.R.H. CINDERELLA既稱呼,表示尊重。[咦。。。威廉皇子過幾個月都大婚噃,唔知有無人會出書呢?]



女巫:女巫就收到魔界商會既産品目錄!靴(顔色多,尺碼齊),掃把(大碼),大煲(易潔内壁,送食譜),青蛙粉 (加水就有青蛙,唔滿意可以退錢!),茶杯/茶壺套装(自己識得洗白白既!),蜥蝪(做緊買4送1)。[呢D產品,多啦E夢都未必有得供應!]



小红帽既狼:大家都知道狼打扮成小红帽既祖母,住左係間屋到。所以。。。隻狼收律師信!出動到律師就梗係要求隻狼停止對祖母既侵權行為!



其他關於THREE BEARS,GOLDILOCKS,JACK & THE BEANSTALK等等既故事都非常有趣!

從簡單方面讀:呢本書可以介绍比小小朋友知道郵差既工作/唔同種類既郵件。大D既小朋友可以從信件中認識到唔少生活常識。我呢個大细路除左欣賞作者既畫功之外,我仲好喜歡各個延續童話故事中表現既想象力同幽默。

我覺得呢本真係大人细路都啱睇既兒童讀物!