,卡樂B發燒了
...可能係出得街多,玩得太開心,休息不足,又可能係比風吹親...早上起來覺得卡樂B個身有D慶,探一探耳仔,微燒...卡樂B繼續玩耍,到了下午,度數高左,唔肯玩LU,剩係想做樹熊,不停要我抱住,瞓覺個陣仲耐不耐會震一震添
. 發緊燒嘅裝束,越少越好...
目無表情咁睇電視,好心疼
...
聽呢度D媽咪朋友講得多了
,發燒就食退燒水,唔好浪費時間去睇醫生,因為醫生都唔會隨便開抗生素比你,過幾日仲未好先至好去揾醫生.於是卡樂B就食左兩日退燒水,到星期五起身D燒就退晒. 心諗...不幸中嘅大幸
,發左兩日燒,食少左野...第日小心D,唔好玩得咁盡,比返多D時間卡樂B休息就係...星期六,卡樂B都仲好扭計,餵飯時乜野都比佢玩,又睇住電視都係食得好少,到左夜晚...飲完夜奶仲嘔返哂出嚟...唔通D發燒病毒未清哂?仲好似有D痰添...
點知一早起身就見到兩筒鼻涕啦...艾先生覺得卡樂B遺傳左佢嘅花粉症,我就覺得奇怪~ 燒都發左LOR,而家先黎感冒?
抱恙中...
ANYWAY...卡樂B今次真係打敗仗啦: 個樣好攰
,眼仔流晒眼水,個鼻就滴晒鼻水,有幾聲咳...行起路上黎失平衡,左搖右擺咁,好不驚險...但佢自己仲唔知自己事,仲想繼續行...為左令佢可以休息,我每兩個鐘就擺佢上床,等佢唔瞓都攤下~而我都要陪埋佢瞓,一秒鐘都走唔開...其餘時間佢一係就做樹熊,一係就我做跟得妹仔,扶住佢去巡屋,攞住條手巾仔等佢打乞嗤,幫佢抹鼻哥~不過佢好唔鍾意LOR,一抹就發哂脾四...再唔係,就成日將塊面喺我D衫褲度捽來捽去
...到左星期一,卡樂B瞓到成10點先起身,好事黎架:D痰無咁頂住,呼吸暢順就瞓得多LOR
...起左身仲笑哂口添
!雖然仲有D鼻水,但已經唔洗不停手幫佢抹,又肯自己喺網床睇電視,我諗...應該真係好緊啦掛
?見卡樂B呢幾日咁辛苦...我真係寧願自己替佢病呀,起碼我係大人,可以(死)頂住...
跟住呢幾日我地真係要留喺屋企休養生息,因為呀仔病一病,我同佢都一齊死好多細胞...大家都切記要保重身體!!!
No comments:
Post a Comment