GO，GO, 糕！

忙完十二月聖誕，一月新年，返學/返工左個零月，望下月暦，農暦新年又到喇！

ERH。。。係鬼地方，又無乜親朋戚友要探訪/拜年，所以都唔洗特别執屋喇。。。唯一令到MAMI有D頭痛既都係同食有關既事咋！

今年蒸唔蒸糕好呢？

PAPI同卡樂B對蒸點麻麻地，好比面既時候就會食幾啖，所以蒸幾多，MAMI就要預自己KO幾多。。。

但MAMI幾經辛苦先减左D磅，而且近日磅數又有D回升，好驚瀑漲期番緊黎嘛。。。

但自從自己識得蒸糕之後，又覺得整開唔整唔係幾好意頭咁。。。

蘿蔔糕/芋頭糕都整過，但未試過整年糕。。。

年糕通常整細細底，唔怕啦。。。

讀完RECIPE，覺得。。。應該唔難整，於是一早起身就開工。

話係FOOL-PROOF既食譜，但MAMI居然都可以失敗。

食譜話想年糕蒸出黎無粉粒/幼細D，就要將溝好既粉漿再過篩。但係。。。MAMI溝出黎個個唔係粉漿，係粉糰，仲可以點過篩？

如此田地，都要蒸出黎睇下變成乜樣。幾經辛苦先塞晒個麵糰落蒸盤。


個半鐘後出籠：示範個張相個糕好啡色架！點解MAMI呢盤差咁遠？


又要賽後檢討。。。

望多次個食譜：原來落左1/3糖份咋！唔怪得咁慘白喇！

呢盤糕跟住就擹凍，放入雪櫃一晚雪硬身D先煎黎試食。

蒸糕失敗唔係幾好意頭喇。。。又有D心有不甘。。。囉囉攣。。。仲有材料剩低，仲有時間，快D開多次粉睇下係咪同糖既份量有關！

片糖溶好左。。。咦。。。份糖水好似多過第一底喎。。。

跟住攪粉都好順利，而且係粉漿，唔係第一次既粉糰。。。

原來。。。第一次溶片糖既時候MAMI無睇火，剩係尤得個煲糖水自己滾，結過滾過龍，D水揮發晒，第一次失敗既致命傷係原來係唔够水!

真相大白！

第二次蒸出黎呢两盤似樣D啦。


等左一日，煎幾塊試試味。


第一底唔够糖，所以煎起黎耐火D。第二底好快就黑面。

食味呢？第一底都有甜味，但粉味好重，唔够水份，所以咬落無煙煙靱靱既口感。

同呀妹提起呢底失敗既年糕，呀妹話可以煎好蘸練奶食。未聽過呢種食法呀！試左都OK，但MAMI都係PREFER蘸蛋漿煎軟呢個食法多D。

第二底，味道正常，MAMI可以食再甜D。

過左兩日，底糕已經比MAMI KO左一半有多。。。

星期日已經係大年初一，MAMI無時間蒸多一次糕。。。今年無糕‘責年’呀！

大年初一本來想去BIRMINGHAM睇舞獅/飲茶，但天氣預告天氣會變壞/落雪。。。一早起身望一望窗：落雨！唔洗諗啦！賀年活動改為在家蒸糕！

呢個星期前後買左兩批共5條蘿蔔，以為第一批會淋晒刨唔到絲整糕，點知仲OK，咁就一次過整多D啦。。。

終於刨左4條蘿蔔（大約5斤)，無力再刨啦！炒好配料就開始煮蘿蔔/撈粉。


太多蘿蔔啦，所以要分開兩次煮，早上先出爐一盤！


雖然食譜有講要落幾多水，但今次總係覺得盤漿攪唔郁，要不停加水，所以最後D糕落左幾多水，MAMI真係唔知呀！

第一盤出爐試食。。。粉漿入蒸籠個陣都好“杰”，但好彩煎左之後又軟身返D，OK！

最後：第二批糕要等到卡樂B訓左先有時間整。但無人煩住，可以慢慢整/試味/調味。原來第二批要分3個糕盤先够！

攪到10點半，TA DA。。。


蒸糕既意頭係步步高升，MAMI都總算做左/攞左個意頭。。。

最後（but not the least!) MAMI恭祝大家新年快樂，身體健康，心想事成！

卡樂B與天父

卡樂B讀既係教會學校，一定會有傳授教義呢一部份教程。

暑假前學校派既資料就付有2頁共7個PRAYERS。MAMI都係等開左學每晚念幾首比佢聽，聽左個零禮拜，MAMI提下每句開頭，卡樂B就識得接住唸落去。咁MAMI都放心D。。。

有D經文，其實唔容易解釋比小朋友聽。MAMI都係想學校教啦！偏偏念比佢聽既時候聽到幾個生字就足住MAMI黎問：MAMI，WHAT'S EVIL / DEATH？

開學幾個星期，某朝早坐緊車返學，卡樂B突然自己係度拍晒手+唱歌！MAMI聽唔到佢唱乜，但PAPI竟然聽到喎 ~ HALILULLAH, PRAISE THE LORD。。。問佢幾時會唱，原來係AFTER MEAL GRACE。過左幾個月，MAMI以為佢又學左新歌，原來之前仲有幾句係講天父賜給食物。REFRAIN就係HALILULLAH歌頌天父。

快到聖誕，老師開始同小朋友排練CHRISTMAS PLAY。每個小朋友都有一/兩句對白要講。又有大合唱，MAMI知道佢要唱邊幾首既時候就開始扮唱錯歌詞/走音，等佢頂唔順叫收聲，然後又親自演譯。。。中晒MAMI D奸計。

平日學學埋埋既聖詩，佢心情靚既時候就會唱幾句。原來而家D聖詩好多都好輕快/有節拍，唔似MAMI細個唱個D咁慢板/悶。。。

對於天父，卡樂B既理解係： HE IS INVISIBLE，HE GOES EVERYWHERE WITH US。佢話我地要搭飛機先去到香港，咁天父又點去呢？MAMI：GOD自自然然都會係個度出現喇！

所有INVISIBLE既FIGURES（GOD， TOOTH FAIRY，ANGELS，SANTA）都識得大家架。所以甩左牙個日晚禱就叫GOD提醒TOOTH FAIRY要黎睇佢！

以前未返學，每晚睡前晚禱係MAMI提醒要做既！而家一讀完故事書，一訓低佢就會大哎一聲OH MY GOD，咁大家就會開始晚禱。每晚MAMI會講一段，卡樂B就會多謝天父賜給食物。但前星期好凍，MAMI臨要講AMEN既時候，卡樂B話有野要同天父講。
MAMI: GO ON THEN...
卡樂B: GOD, PLEASE REMEMBER TO PUT ON SOME WINTER CLOTHES & SOME NICE WARM TROUSERS。IT WOULD BE SAD IF YOU'RE POORLY & WE CAN'T DO OUR PRAYERS。。。

另一次：祈禱中卡樂B打左個噴嚏，MAMI要幫手清潔！卡樂B即刻同天父講：SORRY GOD，WE ARE BUSY AT THE MOMENT，SHALL I CALL YOU IN A LITTLE WHILE, OKAY?

卡樂B教PHONICS

上星期，老師派左一張印有基本PHONICS既WORKSHEET返黎。放假前學左喇。而家又派一張？問卡樂B知唔知做乜用喇？卡樂B就即刻擺起個老師款話係比MAMI學PHONICS用既！

呀仔話要做老師，MAMI要學習，MAMI就梗係要順應下佢要求。

卡樂B老師好認真呀！自己坐定定之後就指住D字母要MAMI一個跟一個做發音。。。


佢仲攞齊左唔同顔色既筆做記號：MAMI發得準，佢就用錄色筆係個字母旁邊做一個绿點標記。錯既話：就用紅筆！又會叫MAMI‘TRY AGAIN'！[語氣十足十學校個老師架！] MAMI再讀錯，佢會自己親自發音叫MAMI聽清楚/跟住讀！

測試結果：


卡樂B老師手下留情嘛！請不要老是給MAMl超大紅交差。。。這個對臨老學PHONICS的MAMI打擊很大啊！

講真：MAMI細個既時候無學過PHONICS架！而家要幫卡樂B練習，MAMI就上網聽發音/請教老師學少少，暫時都够應付卡樂B既學習需要。但有某幾個音，MAMI都係發得唔準，唯有成日煩住老師幫手CHECK卡樂B既發音啱唔啱，有錯就改正。

ANYWAY，耐不耐比卡樂B過下老師瘾，唔係MAMI成日NO, NO, NO。。。都會幫佢建立自信，對日後既學習有幫助！