奥運紀念品

打鐡趁熱。。。出埋奥運紀念品呢篇先！

早幾個月大量奥運紀念品已經搬晒上架，但當時未有氣氛，都係持觀望態度，未有入貨！


今日奥運舉行左第3日，再行過去望下，有D舖頭開始减價/3 for 2，但款式方面就已經唔齊啦！

大路既紀念品，一定有郵局出既郵票，鑄幣局出既錢幣。MAMI今次無見過郵票既樣，錢幣方面就買左一個£5硬幣。盛惠£14.99!


[其實£5硬幣係英國都係法定流通貨幣，SIZE係就係大DD （一個大樽念慈庵琵琶露樽蓋咁上下大啦！）但好多人都寜願用個D霉過梅菜既£5紙幣都唔願袋過£5大銀！MAMI係呢度咁耐都係收過一次咁多！但年年鑄幣局都有發行架，仲話好想多D人接受£5硬幣。。。]

ANYWAY，講返呢個奥運£5硬幣：圖案係倫敦市既地標建築物，£5呢個SIZE就可以望到D DETAILS。呢個有封套既收藏版話係鑄得靚過係街流通個批GOR WOR，所以要收貴D。（但又無平架普通版賣WOR！）

另外，先一輪新聞話鑄幣局加鑄左好多奥運50p硬幣！原來話呢度好多人鍾意儲50p硬幣，而奥運呢套有29個項目既圖案，好多人一見到有就收埋，所以市面好難揾到。

自己有咁好彩/有辦法揾晒全套既話，成本唔洗£15！仲可以係鑄幣局ORDER一個免費ALBUM入好做私人真藏！

唔想浪費時間大海撈針，可以同鑄幣局買呀！每個£3，全套£90有找，單個買/成套買都得！MAMI考慮左好耐，都係唔買啦！（第日窮到燶既時候都係當面值50p咁洗。。。咁未蝕錢？）


呢幾架車仔係。。。MAMI既！同卡樂B解釋左好耐佢先明白有D野係MAMI既=/=係卡樂B既。如果唔係，D盒一早就會被拆到甩皮甩骨。。。

可口可樂同麥當當同時都係今次奥運既大會合作伙伴，好順利成章地要攞到奥運版可樂杯，就要幫趁麥當當。

杯身既圖案係一樣既，唔同就係個6條唔同顏色既WRISTBAND，上個星期開始每星期送2隻色。加錢買一份大號餐就免費送一隻。如果唔買大號餐，就咁用£1.49買一隻都得！不過。。。普通餐同大號餐相差無£1.49咁多。。。真係迫住要食大餐！

[Source：mcdonalds.co.uk]

同時間。。。樂園餐又送奥運吉祥物玩具！全套10款，好似都係每星期兩款。有幾款造型都好靚下，MAMI想儲呀！但一個星期最多只可以食兩次麥當當。於是MAMI又問服務員可唔可以另外買多一個，答案係得！每個99p。真係好啦！


呢D都係好大眾化既紀念品，如果想要D獨一無二既MEMORABILIA，可以參加競投奥運用過既一D物品：包括各項球類比賽中用過既波，參賽選手親筆簽名照片，各塲比賽成績紀錄纸，奥運火炬棒等等。有興趣又不妨睇睇！

奥運的氣氛

電視直播奥運開幕禮，MAMI ENJOYED左MR。BEAN好幽默既表演之後，都無乜興趣再睇啦！想起呢篇BLOG開左頭，未埋尾，拿拿臨趕工埋尾先得！

奥運今年係倫敦舉行。今年攪左，睇怕最快都要過半個世紀先再有機會再辦奥運，所以MAMI本來都好想參與一下呢件體壇盛事。但PAPI對體育無興趣，無理由自己一個人帶住卡樂B去到倫敦睇比賽咋！知道奥運聖火會經過我地城兼留一晚，市政府係公園攪一個PARTY迎接聖火。免費入塲！MAMI一早BOOK左入塲券，希望可以親眼目睹聖火接力呢個重要時刻啦。。。點知。。。聖火到城當日落大雨！雖然下午停左雨，但咁SHORT NOTICE叫柴可夫PAPI接送？好過份囉！加上剛剛停雨，公園草地一定好濕，想起去完成鞋底都係泥要清理。。。唔去就算啦！

今届奥運既OPENING CEREMONY好多人都話好有文化氣息，睇返MAMI同卡樂B參觀既一D打住奥運/LONDON 2012招牌既活動，都真係有唔少係同文化/藝術有關既架。

1） 聖火到城前一星期，市政府就邀請左JULIAN BEEVER（街頭立體畫畫家）作一幅畫紀念呢件盛事。平日JULIAN既作品都係即席畫係行人路上面，但今次呢幅作品係會永久放置係公園度作紀念，所以係畫左係磗塊上面。

我覺得：我想係要貼題啦。。。可以發揮既想像力有D限制咁。。。呢幅作品都有JULIAN好擅長既立體構圖，但比起佢其他作品就唔算好突出。

2） PATCHWORK PLEDGE呢個活動年幾前都已經展開左，鼓勵不同社區團體參與一個编織活動，織好左手掌大既四方格就會拼貼埋一齊，公開展出，為2012奥運留低一D見證。

行到入去見到週圍都掛滿晒5顔6色既四方駁布感覺好開心呀！


3） LIONHEART PROJECT都係一個用鈎針編織的藝術創作。靈感來自RICHARD THE LIONHEART在位時起用國徽上面既3隻獅子，鈎織用既毛綫係用本地特產既羊毛織成。所以作品係融合左英國歷史同本地工業既傳統。



大家睇左奥運會唔會都想做下運動呢？想既話。。。可以考慮呢D:

1) PING LEICESTER：城唔少公共地方都擺放左乒乓球檯比大家切磋下球技。波板/乒乓球都齊晒（難得既係D板同波都仲係度，無比人攞走！），够脚就打得！但今個夏天唔係落雨就刮大風，加上MAMI隻'鐡脚'卡樂B其實係唔識打既！成日都係追波/執波。。。都算做左運動啦！


2）   FREE SWIM:：煤氣公司BRITISH GAS呢幾年都有贊助英國游泳隊，又會舉辦活動推廣游水。今年攪左FREE SWIM，只要上網登記就可以係屋企附近既游泳池免費游水（通常係可以去一/兩次）或者以特價買幾次入塲費或者參加游泳班學游水。MAMI都趁機會登記左去免費游水，順便又可以參觀下其他泳池/HEALTH CLUB既設備嘛。。。最大既得著就梗係暑假多一個節目！


3）   SHOPPING：要行，要擔擔抬抬，所以SHOPPING都係運動之一！政府見大家忙住睇奥運，特别係奥運同PARALYMPIC期間放寛零售業既营業時間：唔單止係倫敦，全英倫同威爾斯既商舖都可以係星期日延長营業時間到最夜晚上9點。MAMI見自己城既舖頭有D就會開早D（9-10點左右），黄昏6點收舖。MAMI想大家其實都慣左英國星期日早收舖架啦。我地呢D細城邊到揾班奥運游客‘夜媽媽’黎SHOPPING呀！6點鐘收舖都算好合理。

SHOPPING SHOP到悶，大家又可以係城既大電視度睇下現塲直播。係屋企可以用MULTI-SCREEN揀自己想睇既項目，呢度跟大台播，畫面就跳黎跳去，MAMI第一日坐低睇左20分鐘：游水，扒艇樣樣睇少少，但都好好彩地睇到今届第一面金牌誕生既幾分鐘。卡樂B呢：跑黎跑去，又去訓CUSHION（第一日開鑼，新椅/CUSHION，第日再黎咪洗旨意再訓呀！），又同英國游水隊既當紅選手合照。。。心情興奮呀！


暑假適逢攪奥運呢幾個星期，相信大家就算要返工，心情都會有D懶閒。。兩年前世界杯公司係一間房開左部電視比同事休息時候睇波，今次奥運做埋主辦國，應該都有得睇呀？

極無聊本地遊

長命雨落左兩個月，一個星期總有幾日横風横雨，幾日前仲落到後園水浸！難得今朝見到太陽，急急洗左一床床單/被袋，然後出城辦事。返到屋企見仲好好太陽，搏一搏晾晒D野出後園，晾得幾耐得幾耐啦！

晒晾攪好，PAPI眼見好天，又提議出街行下。。。


經過唱遊班既户外遊玩/活動區，卡樂B就跑埋去望下，但假期嘛，落晒大閘呀。。。

 

行小徑/草欉，去邊呢？


15分鐘都唔洗，到啦！


其實係屋企附近既一個公路加油/休息站（SERVICE）！由於呢個SERVICE實在太近屋企，就算要開長途車黎到呢到都唔洗5分鐘就返到屋企，所以平日都係快快經過就算。PAPI都話係屋企行過去好近，但其實都唔知實際上行幾耐先到。所以就趁今日好天去探索下！

話比卡樂B知我地會行去MOTORWAY SERVICE，佢以為要行去公路，聽到之後有D擔心既神情。但PAPI/MAMI話去到可以食雪糕，咁就硬住頭皮話要去啦！

KFC/BURGER KING都係呢度SERVICE STOP常見既連鎖快餐頂肚選擇。食左午餐先出門口，我地一人一杯雪糕新地做飯後甜品啦！仲加左一份炸芝士球。


食左甜品就行埋過橋望下間超市有乜賣啦！除左大量三文治/飲品/糖果/朱古力等小食外，都有唔少READY MEALS可以買返屋企自己煮。有D菜式都頗吸引，又有雞蛋/牛奶呢D應急食品。但小徑既一段都頗斜，又唔知平日治安如何，如果MAMI自己拖住卡樂B行過黎買餸，實比PAPI鬧死！


遊蕩左10零分鐘都無乜野可以睇LU。。。打道回府。

咦。。。SERVICE仲有星巴克！[咁咪即係第日MAMI忽然想歎番杯都可以行黎呢度，唔洗出城！] MAMI好想飲杯凍咖啡呀。。。於是好放肆地點左加埋CREAM既凍MOCHA。飲埋先行啦。。。於是又坐低HEA左半個鐘。

要PAPI/MAMI 有機會HEA又唔悶親卡樂B。。。萍果既出品就最洗得！[PAPI話早知帶個大螢幕既過黎啦。。。有機會，下次囉。。。]


回程經過遊樂塲，又比卡樂B玩一陣。


返到屋企，卡樂B好攰呢！PAPI要同佢剪頭髮佢都喊晒。好唔容易剪好頭髮，洗埋白白，食過晚飯，都攪到8點過後先訓著。。。

無無聊聊既一日終於完結。咁先輪到MAMI收拾自己，上下網，RELAX下。。。

入學的準備 - 彈性工作

卡樂B入學，最緊要既：莫過於要準時凑仔返學/放學啦！一入學就係全日制上課。朝九晚三。其實PAPI可以接送卡樂B既。。。但MAMI覺得自己要係老師面前多出現/溝通會比較好D。所以MAMI就同公司申請彈性工作制（FLEXIBLE WORKING）。係英國，有責任照顧兒童（到17嵗）既成年人都可以同僱主申請FLEXIBLE WORKING。僱主就跟據機構既運作情况同僱員要求批核申請。

彈性工作有幾彈性？都唔少架！
1） 上落班時間可以調節。唔一定要返9點，早到7.30開工都得。早返早放就好方便接送仔女。

2） 每日工作時間可以唔同。可以编成每週幾日放早D，幾日就遲放D。但就梗係要一早定好一個PATTERN，唔可以個個禮拜轉.

3） 濃缩每日工時。LUNCH放半個鐘，早D做完，早D收工。

4) JOB SHARE。一份工幾個人做。但而家公司要精簡化，好多POST都已經唔係FULLTIME JOB，可以JOB SHARE既工作唔多啦！

5） 季節性工時（SEASONAL HOURS）。調節上落班時間可以解决返學日子既安排。學校放假又點算呢？呢度雖然無香港咁多公衆假期，但每年都有3個TERM BREAKS （10月，2月，6月，各1星期），聖誕/復活節各2星期，暑假又6星期。如果無人幫手就算攞晒ANNUAL LEAVE都未必够用。SEASONAL HOURS就可以比家長係仔女返學既日子做多D鐘，學校放假既時候就返少D鐘（甚至可以攞ANNUAL LEAVE放晒唔返！）。

揀邊個OPTION最好？其實好多時係要揀多過一個OPTIONS先FIT到晒REQUIREMENTS。MAMI當然要揀SEASONAL HOURS,仲要加埋彈性上落班時間。

老板收到MAMI既申請，會有差不多2個月時間資詢受影响同事既意見。然後再决定批唔批。批就梗係最EASY既結果。唔批既話，MAMI可以上訴，同老板再傾PLAN B。

MAMI既頂頭老板/頂頂頭老板都係有在學兒童要照顧。好明白WORKING PARENT既情况。而同TEAM同事呢？就無乜幾個要好似MAMI咁返SEASONAL HOURS。

結果：雖然奥運/暑假期間都會有多D同事放假/唔係OFFICE，但前幾日老板已經口頭通知MAMI話申請無問題，可以如期實行，MAMI好開心呢！8月/暑假期間返小D時間，可以休息之餘又可以趁入學前同卡樂B玩多D！