呢個星期卡樂B16個月大啦,又多D古零精怪野...
- 由於我懶,貪方便
...已經有一排無比吸管杯佢練習,今日攞返出來比佢用啦...嘩! 飲到唔停得咁滯,最勁個兩次係連氣飲兩杯~成300ml,有次仲快到唔洗5分鐘飲哂150ml [我以為佢倒瀉哂...CHECK個身又一D都無濕
],結果單日全日水量係780ml,仲多過飲奶...
- 飲水過多嘅後遺症:卡樂B攞條片片去垃圾桶嘅時候[呢個係佢近呢個月開始會自動自覺做嘅小家務
],由於條片片太重,卡樂B差D失平衡跌落地,但係佢都覺得呢條片片好奇特,所以都揸住左好耐先肯抌
...
- 卡樂B而家都頗喜歡睇電視,仲特別鍾意某幾個兒童節目: "SOMETHING SPECIAL" ~ 主持人係一路講一路做SIGN LANGUAGE,個主持人講話清楚,D SIGN又做得好好,有D都幾簡單易學,所以我都鍾意比卡樂B睇呢個節目.日子有功...呢排我發現卡樂B聽到主持人講RAISE YOUR HAND佢就跟住遞起隻手啦
,希望佢可以PICK UP多D就好啦...
另一個節目係"IN THE NIGHT GARDEN" ~ 我就唔太鍾意.不過卡樂B一聽到隻音樂就笑哂口,某日佢又睇緊,片入面有班雀耐不耐會出黎哼一句音樂,卡樂B就好自然咁跟住隻雀係度"NAI, NAI, NAI"...我當堂笑到唔停得,我諗有時我都唔可以太專制嘅...
- 卡樂B梗係知道自己會曳曳晤聽話
,呢個星期仲幫自己揾定個NAUGHTY CORNER添
- 最後,好令艾先生開心嘅就係見到卡樂B終於繼續出牙啦!卡樂B一歲左右就出左8隻牙,跟住就係耐不耐就勁發牙痕,流口水同咬我,直到前幾日先開始見到D白點,而家就成隻牙見哂,摸摸隻牙就知道乜野叫牙尖嘴利! [呢隻係第9隻,第10隻係右手邊同一位置都出緊黎!]
No comments:
Post a Comment