太陽報有乜好？

MAMI以前工作關係，每日返工第一件事就係刨報紙！咁而家呢？竟然係想揾張報紙包下魚骨都無！

不過。。。今期MAMI又好神心咁日日買報紙呀！

買太陽報 [即係英國既小報]? 追緊乜？

今日頭條。。。碧咸？


ERH。。。唔該借過。。。咪阻住晒。。。

第三頁既‘靚女’？啋！MAMI直頭揭都唔想開呀！


嘩！差D MISSED呀！


MAMI其實係儲緊TOKENS換LEGOLAND既入塲券。

儲齊9個唔同日子既TOKENS，填好表格，揀埋想係邊個日期去，就會收到2張入塲券。成本只係9份報紙（唔洗£4）+ 2次頭等郵費（寄出同回郵：£1.2）~ £5.2?

我地一家3口計，上網預早訂票連折扣都要差不多£100入塲費。。。唔理咁多，一於儲TOKENS，换左先算！

去既話：MAMI仲有一個係EBAY用唔洗£20 BID返黎既LEGOLAND GOLD COIN, GOLD COIN可以換取一次免費入塲。一家3口入塲劵已經攪掂，剩係比油錢/飯錢就可以去玩一日LU...


唔去既話：擺番上EBAY，唔貪心平平地賣番出去都回本啦！GOLD COIN係永遠通用既，可以留番下次用囉。

卡樂B都大個仔啦！去邊都要比小童票啦！所以出去玩既成本都高左架！耐不耐有呢D優惠，對PAPI/MAMI既荷包幫助好大呢！




 

茄汁麵筋

MAMI成日都話住係呢個鬼地方，想食乜都要靠自己。。。

茄汁麵筋，即係齋舖既酸齋，近來見到有人分享食譜，又話唔難整，MAMI痴起條筋又跟住整囉！

用料/做法一個SCREEN SHOT就睇哂：


MAMI就補幾張相分享下過程啦！

搓好粉糰，放一小時，唔覺得粉糰有乜唔同。

跟住要開水洗粉糰，MAMI初初驚舊粉會散，原來係唔會嘅！

粉糰唔夠一個西柚咁大，MAMI剩係用單手'練'。'練'到盤水白色，倒水又注入新水繼續'練'。如是者，換左十幾次水，水開始清，粉糰都細舊左！

'練'夠就放入碗，封上保鮮紙，入雪櫃過一晚。呢個時候，粉糰得番墨盒仔咁大。攪成咁，MAMI其實都唔知係咪做得啱，過一晚先算啦。。。



第二日係雪櫃攞出黎，粉糰無乜變樣。切開左似齋雞多D喎。。。到左呢個階段，就算失敗，都要整埋最後既步驟，先會知道結局㗎！CARRY ON。。。

於是又好孤寒地開左少少油炸粉糰。

舊粉望落都幾SOLID，但炸炸下。。。就成舊漲起晒！似似地係豆腐舖買個D啦！

見有D粉糰好似大塊左D，MAMI又切細少少，炸多幾塊。



炸好！樣子可以接受啦！凉番身，用水洗洗，揸番D油出黎。

再開鑊，放入處理好既麵筋。屋企無醋，就咁用茄汁+砂糖做左個簡單既‘獻’。完成！



如此類推：加大粉糰份量，整埋蠔油汁+咖哩汁就可以食齊三款齋滷味。。。諗起[餐功夫]就和味了！

一入口，MAMI就忍唔住‘Hmmmm。。。。。’左一聲，卡樂B聽到就即刻入黎廚房命令MAMI唔准嘈！食到自己想食既，想讃歎一下都要比人話唔可以，呢個仔有時真係太過BOSSY架！但只要整到想食既，MAMI唔理LU。。。

 

泰和味了。。。

近日上網見到呢個餸：泰式檸汁蒸魚 。用料做法都好簡單。MAMI就即刻整黎試下。

MAMI用SEA BREAM，洗乾浄條魚，吹乾身，同條魚全身搽上燒酒。[個汁要落檸檬，榨完汁又攞舊檸檬搽一搽條魚]

汁：蒜蓉1湯匙，切碎既辣椒[食譜話指天椒两隻，MAMI唔食得咁辣，所以大家就自己：適量/隨意啦！]，檸檬汁3湯匙，魚露2湯匙，糖2茶匙，水一杯。所有材料混入/攪均。備用。

條魚蒸10分鐘，倒走魚水，淋上汁，蒸多分零鐘，灑上莞茜焗多一焗，食得！

 

一早都無預兩仔爺食呢一味好餸，所以整左韓式免治咖哩比佢地。MAMI就一人獨享成條靚魚。

開飯時碟魚拎到上檯，比卡樂B投訴話唔聞得陣味！MAMI又要開張檯仔坐開食。。。

不過。。。實在太和味，太好食啦。。。

隔日又整多一次，今次食SEA BASS。


卡樂B見MAMI整蒸魚，就話：你琴日先食過魚，今日又食？

WEDGWOOD MUSEUM

復活節假期去左WEDGWOOD MUSEUM，十年前去過，講到今年终於可以再去，舊地重遊。


去到一D都唔人多，最大團既都係臨收館前半個鐘到達既一車10幾個日本遊客，但似乎都無人大宗入貨，今時唔同往日。。。

十年前去，一張門票可以行晒MUSEUM，VISITOR CENTRE，FACTORY TOUR。而家去，每個部份可以獨立購票，FACTORY TOUR就要買全票再加錢先可以參加。但今次去係星期五，據説STOKE呢區既瓷器廠逢星期五都唔開爐或剩係開上午，工廠唔開工，連帶FACTORY TOUR都無得去。

購票時職員話最好先去VISITOR CENTRE，再去MUSEUM參觀。

VISITOR CENTRE主要有技師示範不同既工序。

有D仲可以比大家落手落脚玩埋一份添。技師已經準備好筆筒同花紋圖案。卡樂B負責貼圖案上筆筒。生手關係，圍邊既花紋貼到崩崩漏漏，架飛機就似撞左落地咁。。。


玩完貼圖，又話要油顏色！


但去得遲，所以只可以玩一陣就走，過去MUSEUM行下啦！MUSEUM范圍唔准影相，主要講WEDGWOOD既發績史，介紹咁多年既産品，用過既圖案，材料樣版，特别既制作。有興趣/時間可以慢慢參觀。

我地就無乜時間啦。。。不過臨走都去映張相，整番個JASPER PORTRAIT MEDALLION。正確黎講，係要做個側面既剪影，但PAPI操刀，要做正面WOR。。。


MUSEUM行完，去CAFE飲杯茶/食件餅。CAFE用既杯碟，當然用番自家出品啦。。。


最後一個項目。。。去（WINDOW）SHOP！

SHOWROOM擺賣既當然係一級正貨！價錢當然都係一級啦！


品牌方面，除左WEDGWOOD之外，ROYAL DOULTON，ROYAL ALBERT，MINTONS呢幾個老牌瓷器品牌同埋做玻璃水晶既WATERFORD CRYSTALS都係同WEDGWOOD屬於同一集團，所以SHOWROOM都有呢D牌子賣。


FACTORY SHOP：賣既係SECONDS（QC揀出黎有瑕疵既制成品），停産系列既貨尾。價錢方面，8折至半價都有。


有D茶杯連茶葉套装禮盒無左盒茶葉，唔通係茶葉到期要抽起（？）剩係套杯碟賣10鎊（當日仲有復活節OFFER，再打8折！）合心水既話，咁既價錢，買黎自用都唔錯呀！

一盒4隻CEREAL BOWLS，原價40鎊，减到唔洗10鎊！

屋企實在已經太多碗碟，MAMI左思右想，TO BUY OR NOT TO BUY。。。

5點，够鐘收舖！唔洗諗到頭大啦。返歸！

MAMI好鍾意睇陶瓷制品，希望下次有多D時間仔細參觀。。。最好唔好要MAMI再等另一個10年先可以再黎啦！