跨年省親 - 卡樂B的中文體驗

卡樂B既中文真係非常既有限公司，身處香港呢個華人社會又有乜體驗呢？

落左機，同卡樂B行緊去辦入境手續，卡樂B突然同MAMI講：'MAMI，I'M HALF CHINESE AND HALF SPANISH, BUT I DON'T SPEAK CHINESE!' MAMI當堂打個突，乜企都未企定你就知要NICAM轉台啦？

某日係公公婆婆屋企玩玩下，卡樂B無端端彈左呢句出黎‘HONG KONG IS A VERY CHINESE PLACE!'. 媽咪問點解咁講，佢話'BECAUSE EVERYBODY TALKS CHINESE!'

黎到中國人地方，卡樂B都當堂好積極學講中文/廣東話。

平日係屋企，MAMI有時都會講少少中文，餐前會講‘食飯’，‘大家食飯’，但卡樂B就會話‘DON'T SAY食飯，SAY DINNER TIME！’返到香港，呢個仔就自動自覺跟晒大隊講‘食飯’。每朝一起身，都會同公公婆婆講早晨，之後就係一輪嘴既英文，完全無語言隔膜呢回事。[而家返返黎，又變返DINNER TIME！]

成日聽到MAMI講‘唔該’，佢就問點解，之後MAMI好多時出街要問路，卡樂B就自動自覺同人講唔該，逗到個個都好開心！但最曳就係成日係餐廳自己舉手叫‘唔該’，等D侍應哥哥姐姐成日要走過黎！

一向鍾意睇標誌/符號/商標既卡樂B，望見路牌有個STOP+‘停’字，就話係CHINESE STOP SIGN. MAMI話比佢聽呢度係教堂‘天主堂’，佢話係CHINESE CHURCH。 唔少得既當然係點變都認得既CHINESE MCDONALD'S！

初初學講野既時候，卡樂B對於EMERGENCY EXIT呢個字/符號都特别有興趣。到左香港都唔例外！成日見到EXIT就話比媽咪聽係‘出口’，‘緊急出口’，但最令MAMI意外既係：扭蛋機上面寫住‘取出口’，都比佢認到‘出口’呢兩個字，笑死！

而家仲識講乜中文？ 恭喜發財！，朱古力，唔食，唔飲，唔得，一個SNACK！

係香港留左呢幾個禮拜，MAMI好見到環境對小朋友學習語言既影响：平日係呢度得MAMI一個講中文，卡樂B學講既興趣不大。返到香港，周圍背景聲音都係中文，卡樂B好快就執到幾句中文字黎講，我地講乜，就算佢唔明，佢都可以跟住學講返出黎問係點解。如果有機會比我地留係度耐D，真係可以好快學多好多中文呀！

火燭館開放日

 星期六屋企附近既消防局攪開放日，卡樂B對消防員既興趣普通，但MAMI一向都係抱住多睇多見識既態度帶左卡樂B去八下！
消防員制服既顔色，同MAMI（記得）係香港見開既唔同。鮮色D應該好D既！但都有兩SET唔同既，我想係視乎當日任務/性質决定要著邊套啦！

週圍都見到呢D一堆堆既物體，連車上面都有，看似混亂，其實係已經預先套上左條褲既高筒靴，雙脚一插入對靴，揾手一抽褲頭就著埋褲 ~ 平日趕出門口返工都可以試試呢個方法！



開放日又有D小遊戲比大家嚐試操作D拯救工具：

救火喉：係小朋友都鍾意玩水，所以呢個項目好受歡迎。每次一開水喉，就有兩個消防員跑黎跑去做人肉箭靶比人射水。MAMI問卡樂B去玩水好唔好，卡樂B話唔想淋濕消防員，唔玩！



箝：要用個箝攞起隻蛋，當然係唔箝爛為之成功，但原來用少少力都會箝爛隻蛋，呢個唔易玩呀！



坐迷你火燭車：哈！卡樂B竟然唔肯排對，唔坐！



但卡樂B對D真實既火燭車装備就有興趣多D。




除左睇装備就係睇車既牌子！



當然唔少得既就梗係拯救示範。



唯一想玩完又玩既就係MINI GOLF, 仲要玩到出晒猫，擺到個波係洞口先撥個波入洞。。。



今日又鍾意玩手指，一做到五都唔厭！


行行下又够鐘醫肚/返歸，咁又一個暑期節目！

MAMI, BE HAPPY!

這是昨天發生的事情：

開飯時間，MAMI提醒卡樂B要WEE WEE才食飯，卡樂B話自己無WEE WEE。。。

差不多食完飯。。。卡樂B自己走左出去，返轉頭時就已經行到交叉脚，MAMI即刻帶去廁所，但當然係已經太遲啦！

朝早先洗左琴日掛住玩整濕左既一套衫，而家又黎？？？MAMI唔面黑就奇啦！

卡樂B知衰架 ，仲知道要MAMI開心返自己先會甩難。而係佢心目中，開心就係要有個樣睇既，所以MAMI一面黑，佢就會講佢既口頭蟬：MAMI，BE HAPPY! SMILEY FACE PLEASE! 然後就會自己做埋個SMILEY FACE 叫MAMI跟住做！

MAMI無佢咁好氣，就話‘要MAMI HAPPY，就要返埋檯食埋D飯！’於是卡樂B就坐返埋位食埋少少飯。

食左飯，甜品時間！自己揀左YOGHURT坐低自己食。MAMI去洗碗，一路就提醒住個仔唔好心急，慢慢食，唔洗‘筆’得太大羹。。。

洗完碗出黎。。。

卡樂B坐左係度唔郁，但就見佢隻手係揩揩下落件衫度。MAMI行埋D先見到件衫滿晒YOGHURT。唉。。。無氣啦。。。

MAMI一句說話都無講 ，呢個仔心驚啦！咸晒口 ，但都仲盡最後努力係咁講MAMI，BE HAPPY！SMILEY FACE PLEASE！加埋個咸晒口既SMILEY FACE叫MAMI跟住做！

卡樂B見MAMI都仲唔出聲，又要加碼：行埋MAMI度要CUDDLE 。

D手指黐立立，MAMI梗係唔想比佢摸啦！MAMI話：NO STICKY HANDS!

卡樂B話：THEY'RE NOT STICKY HANDS！ THEY'RE SCISSORS！[仲係喊緊，但隻手就扮埋交剪配上自創既交剪聲！]

MAMI嬲緊都爆笑左出黎！

一路帶住卡樂B上冲凉房，MAMI就係度一路用廣東話自言自語呻佢點曳曳。

回過氣後，MAMI問卡樂B：DO YOU KNOW WHAT MAMI IS SAYING? 卡樂B答：CHINESE。。。

成日都咁出人意表。。。MAMI點嬲得落呀？

奸計又一次得逞。。。

農塲一日遊

又有得去玩！今次係跟NURSERY去農塲。

本來話準9時開車，但都一定有人會遲到！结果9時15分决定開車走人先見到個呀媽同個仔行緊黎！

卡樂B一上車就扣好安全帶準備出發！LET'S GO!



半小時車程就到達農塲，農塲當然有動物，兒童遊樂設備，仲有一間老爺車收藏館，卡樂B第一時間跑去玩車！

週圍都擺左唔少退左役既TRACTOR，任摸任坐。



當然唔會放過TRACTOR RIDE，同踩小型童裝TRACTOR既機會啦！




兒童游樂塲~必玩！



有時又會同書友仔玩一陣。



入老爺車收藏館行左一陣。藏品除左4個碌既車之外，仲有電單車，單車，兒童玩具車同各種汽車用品/零件。但藏館空間有限，解說欠奉，影幾張相就算啦！



動物呀。。。卡樂B既興趣不大。。。去完返黎問見到乜動物，剩係記得隻cockodudodoo，mrs. chicken，duckies！其他大部份小朋友都好喜歡摸/餵D動物食野。



都係唔錯既活動，有唔同既野睇下，卡樂B又有跑動機會，FARM SHOP既鴨蛋又平又靚又大隻，最衰臨走落左幾滴雨，MAMI唔可以過去上貨。。。hm！

這兩個男人的關係

今年父親節，同卡樂B去揀左一張CARD送比DADDY。

點解揀呢張？卡樂B話BECAUSE TEDDY BEARS ARE NOT SCARY！

一起身，卡樂B已經同DADDY講：HAPPY FATHER'S DAY，但係就話送BIRTHDAY CARD比DADDY，認真九唔答八！不過。。。DADDY都當然百分百受落！

*     *     *     *    *

趁今日，UPDATE埋寫左兩年既一篇爛尾BLOG，等卡樂B大左自己睇返，知道下自己细個係點都好！

*    *    *    *    *

[時間约為2009年7月，卡樂B一嵗半大]

卡樂B跟PAPI好成點？
 
PAPI打電話返黎無時間同佢傾計，一聽到MAMI話BYE-BYE都要攞電話KISS！

耐不耐就會自動獻吻，有時PAPI玩佢叫比個KISS，有時會即刻起身去KISS。懶起上黎就會玩返PAPI轉頭，離遠傾前個身，嘟長個嘴咁KISS。

PAPI外出，入門口之前會打電話，卡樂B一聽到電話響一係會爬上沙發攞電話，一係就走去大門等。

如膠似漆。。。

入到屋，卡樂B就會黐到實一實：PAPI想返去車度收拾一下，唔得！想去洗洗手，唔得！想整杯
茶飲，唔得！想換衫，都唔得！ 呢個時候既MAMI係透明嘅。。。如果MAMI想拆散佢地，佢會喊到七彩架！

同卡樂B一齊上網/玩電腦，想整理下D相/VIDEO/BLOG，一定唔可以比佢見到PAPI上鏡。有次睇相，PAPI只係係張相角落頭得半邊面入左鏡，佢瞄到都喊到收唔到聲。不過睇MAMI同PAPI個張掛係睡房嘅結婚相又無事BOR！

廢枕忘餐。。。

到瞓覺時間，PAPI最好係等卡樂B瞓淋淋先返到，唔係既話，隻仔一聽到任何聲响都會睡氣全消，等PAPI入房同佢玩，但兩個一玩就唔知要遲幾多先可以瞓著，攪亂晒D ROUTINES！

卡樂B食緊飯，PAPI放工返黎。本來食得好好地，即刻封嘴，唔肯再食,，PAPI企係側邊都唔得，最後往往要PAPI抱住先勉強食多少少。MAMI就梗係擺左個好唔LI-KE既LOOK啦 PAPI就問係咪要佢返出去，坐係車度等亞仔食完先好入屋？攪到好似有家歸不得咁。。。

*    *    *    *    *

經過兩年培養，兩仔爺既感情當然係大躍進啦！

每晚食飯，卡樂B都會問MAMI有無留返D餸比DADDY，有時第二朝都仲會親口問DADDY有無食留比佢既餸？鍾唔鍾意呀？好唔好味呀？。。。同MAMI一齊食飯就話要同MAMI SHARE [MAMI既]食物！

晚晚瞓覺都話要LEAVE SOME SPACE FOR DADDY。

每次問卡樂B去唔去邊度玩？佢都會話去，跟住第二句一定係 GO WITH DADDY，如果有第三句先會係 GO WITH MAMI。

PAPI每次出門口都要想盡辦法先可以脱身：最常用既就係帶卡樂B去後園淋花，去車房攞野。但呢個仔耳朵超靈敏，係花園/車房聽到開車聲，心情OK個日會話：I THINK DADDY'S GONE TO WORK，繼續玩！心情唔好個日，會即刻跑返入屋，去窗口喊晒口大叫DADDY DON'T GO！

有時玩玩下都會突然喊晒口同MAMI講I MISS MY DADDY。。。如果MAMI話佢曳曳既時候，呢句金句揀直係所向無敵，一出MAMI就要即刻收口

一晚，明明好眼瞓都嚷住要DADDY陪先肯瞓落床，不停話：DADDY，STAY WITH ME，WE NEED TO SPEND SOME TIME TOGETHER。。。MAMI聽到呢句，真係成個人跌落地咁濟！即刻彈左句：“嘩！呢句野真係殺得死人。。。”艾先生問MAMI講緊乜，MAMI都NICAM失靈，唔知講乜好！

總之：呢個仔永遠都係DADDY第一！

大展歌喉SING SING SING...

近日卡樂B好好唱口，成日都大展歌喉，五音不全，又改歌詞，所以大家聽唔明都係正常既。。。

17 Feb 2011 - I am the Music Man



5 Mar 2011 - Baa Baa Black Sheep



5 Mar 2011 - Bob the Builder

PAPARAZZI, MAMARAZZI。。。

MAMI有時（其實係成日）都非常無聊。。。

部DC永遠都係身邊，真係易過電話响要揾黎答！

今早同卡樂B著好衫等出門口，點解唔見左個仔既

咪埋攪乜鬼呀？

 

等我攞部DC裝下你做緊乜先！

OOPS！第一SHOT失敗。但當事人完全唔知咩事。。。

 

TAKE TWO：當事人見到比人偷影，有少少愕然

 

不過好快就兩母子都笑到傻左。。。

睇左相，MAMI諗緊擺唔擺上BLOG到留個回憶呢？PAPARAZZI呢個字係腦海中閃過，於是MAMI就順晒口咁係度唸PAPARAZZI，MAMARAZZI。。。

CARLITOS-RAZZI!  ~ 講個個唔係MAMI，係佢個仔。

都係MAMI唔好。。。呢D咁無厘頭既野，唔該唔好有下次啦，呀仔。

開心的约會 ~ 牙醫

今日係全家見牙醫既日子。講明全家，卡樂B當然都有份！

其實呢個小朋友都唔係第一次見牙醫啦！早係1年前我地都同佢去過，第一次去佢好驚，牙醫比晒D架罉佢玩都唔肯坐低，牙醫剩係可以等PAPI抱住佢/擘開口個陣幫佢數下有幾多隻牙仔就算。

第二次：佢瞓左覺，無得睇，唯有下次约過！

第三次：幾個月前，佢係屋企唔小心撞到個嘴，仲流左小小牙血，PAPI擔心撞鬆左D牙要脱，所以都约去牙醫度檢查一下。去之前，卡樂B係NURSERY玩緊，PAPI打電話通知NURSERY卡樂B要早退去見牙醫，咁NURSERY D姐姐就同卡樂B講要見牙醫，仲成班小朋友同卡樂B一齊練習擘口！卡樂B去到牙醫度就駕輕就熟，乖乖擘大口比牙醫檢查！

今次係第4次去。基本上，卡樂B係熟晒地頭，一去到登記完就走去等候室玩LEGO，牙醫經過叫我地入去佢就跟住跑入去。

我地都未决定好邊個睇先，佢就已經自己爬上張椅！

牙醫仲PAN低左張椅少少佢都唔驚。準備好啦。。。放馬過黎！

就係咁，牙醫叫開口就開口，埋口就埋口。。。

唔洗2分鐘就完成檢查，獎貼纸一張

之後輪到PAPI檢查，牙醫要放平+升高張椅，卡樂B望住就有D驚啦！我問佢要唔要試下，佢即刻擰晒頭，但我都趁機會解釋比佢聽牙醫做緊乜，點解要放D一枝枝既野入個口度，等佢明白檢查牙齒既唔同方法，第日牙醫都會咁同佢做。

返到屋企，卡樂B心情都仲好靚，仲好巴閉咁同我地講 “I LOVE THE DENTIST SO MUCH THAT I OPENED MY MOUTH AND LET THE DENTIST SEE MY TEETH...”