開學篇 ~ MAMI的適應

卡樂B開學差不多兩個月MAMI既ROUTINES都調較得七七八八啦！

起床時間同過往分别不大，卡樂B都慣左早起送MAMI返工，所以而家返學都係一樣：6.45-7.00左右啦！初初幾日，怕卡樂B食早餐會整污髒校服，會等食左早餐先换校服。攪到臨尾趕出門口時好緊張。而家會一起身就换校服，著件屋企外套食早餐，條褲就要食得企理D，唔好整污糟。

MAMI要早D换好衫落樓陪卡樂B食早餐，呀仔食早餐超慢。。。MAMI同PAPI達成共識：早上唔可以開電視！少樣野令呀仔分心，希望早餐食得好少少啦。。。

食緊早餐同時，MAMI要執自己返工既飯盒/小食。當然要打理埋卡樂B既返學用品：水樽/纸巾/BOOK BAG。初時，樣樣都試過帶漏：MAMI帶左飯盒無帶食具，成個禮拜都唔記得帶糖返OFFICE冲茶。卡樂B就無水樽，另一日就無紙巾，又試過交少飯錢。。。而家可以早一晚執定既就執定，MAMI又會同卡樂B講要CHECK要帶乜返學，希望佢快D上手，可以幫手提醒返MAMI。

大家一齊出門口，先送卡樂B去學校，泊好車行3分鐘到學校，入課室陪卡樂B 10分鐘左右先BYE BYE，等佢可以SHOW下比MAMI睇做左既手工掛左係邊度


又或者一齊坐低畫下符咁啦。


打鐘，MAMI走人又行返3分鐘上車返工。OFFICE附近最近改左路，以前車到門口，而家要行多幾分鐘。返到OFFICE，好多時坐落唔夠半個鐘都已經要去冲杯茶回回氣/HEA下先得。通常1點前食LUNCH。以前2點放工，LUNCH BREAK無耐就走得。而家做到2.45先放工，一到2點就飯氣攻心，釣魚釣到(好驚撞親個鼻呀。。。）。唔係就要勤D起身去洗手/洗杯。。。一够鐘就要即走！盡量要課室一開門就見到MAMI係度等緊，唔係既話，遲左凑仔，學校話小朋友會變得無安全感。。。而且好多時老師會貼小告事係門口，唔早D到週圍望下就會錯過/做漏左都唔知架！


MAMI又要重新學習學校既規舉：某日等緊入課室前，卡樂B話急急，MAMI見仲有成5分鐘先開班房可以用班房洗手間。於是急急脚帶住卡樂B見開門就走入去學校去揾其他洗手間。點知比OFFICE既書記大嬸見到我哋係一個唔應該出現既地方出現左。。。MAMI被丙：“點解你會係呢度架？” MAMI當堂打左個突：吓。。。揾洗手間咋。。。乜原來唔跟門口出入又唔啱規舉架？MAMI唯有話卡樂B急但課室又未開門。。。卡樂B好記住呢件事。過左一日，佢見到老師都仲要問住點解MAMI帶佢去洗手間都要比人丙。。。經過呢次，MAMI會小心，唔會再行差踏錯啦。。。

改左工時，MAMI變左遲返遲放，都OK既！但最大問題係：MAMI想學校假期既時候返少D鐘，所以改左TERM TIME一星期返4日工。返左咁多年開3停4既日子，而家返工返到星期三（第3日既公作）就成日覺得跟住係星期五，唔洗返！記得返原來仲有1日工（星期四）要返既時候。。。感覺好唔好受呀！

幸好星期五都仲係唔洗返工既休息日，HURRAY！可以有返D ME-TIME。想去LEISURE CENTRE參加運動班，又想去學校做PARENT HELPER （乘機可以見下呀仔嘛！）SO FAR都未落實呢日會做乜。試過本來報左名學整麵飽，點知卡樂B大傷風返唔到學。唯有兩母子都留係屋企。

卡樂B未入學既日子，好多時MAMI都會帶卡樂B出城辦事/行下，順便食餐飯。MAMI曾經幻想過無卡樂B煩住，自己可以RELAX一下，享受一個午餐。初初幾個星期無左卡樂B呢隻飯腳，出街揾食好無癮呢！[但自從MAMI揾到地方走佬之後，又有D樂趣去發掘下唔同既口味。]以前可以WEEKDAY去外邊玩，人少D，樣樣都易D。而家只可以星期六/日同其他人一齊迫。。。最大大大改變係：再唔可以買淡季平價飛機票外出啦！學校假期（暑假除外）大多係1-2星期，仲一定係旅游旺季，安排返香港/西班牙探親真係幾有難度，莫講話出外旅行啦。。。

另外新加插既其他ROUTINES：MAMI星期六要洗好晒所有校服ITEMS。星期日燙好一星期所需衣物。

其實。。。係咪將呢個工序轉移到PAPI身上好D呢？WKAKAKA。。。

又走佬。。。NOTTINGHAM ~ 行！

應該出個新CATEGORY叫走佬日記。。。[吓。。。走一次，兩次都唔止，仲陸續有黎？]

係一頭住耐左，好多野見慣晒唔再新鮮，就算成日去都剩係會做指定動作，去到悶就索性唔再去。PAPI就係咁心態：成日話唔鍾意NOTTINGHAM！因為個商塲舊（呢個我讃成），購物點分散（其實去到通常都係飲茶/WINDOW SHOPPING，當散步週圍行下囉）。。。就算有時話去BIRMINGHAM嫌遠，MAMI提議去NOTTINGHAM都照BAN！所以今次走佬就揀NOTTINGHAM！

呢世人第一次踏足NOTTINGHAM係16年前。那些年。。。MAMI仲係用緊菲林傻瓜機，好慳住黎映，寫呢個POST時望返當日映左乜相。。。


原來得一千零一張，勁無FOCUS，都唔知想映乜！唔講仲一定無人知係NOTTINGHAM！唔映好過！

印象中有映過既此地一遊相，好可能係同學映左我睇過就以為自己都有一張。。。[老人痴呆啦。。。]

ANYWAY，今次去好想週圍行下，整理下D記憶。

搭COACH，50分鐘車程（即日來回£6.5），搭火車半個鐘就到（不過車費係£15！）。唔洗講都知MAMI會揀前者。未够11點就到達。天氣仲好唔錯，MAMI落左車就即刻去觀光。

COACH STATION有單車租，但市中心唔大，又有上落斜，又要煩揾地方鎖車，MAMI都係信11號巴士多D！


第一個STOP係NOTTINGHAM CASTLE。

沿途經過既一條石仔路以前有咖啡室，小商店，今次去到已經丢空晒。另一邊既一間中世纪建築物仲掛晒牌出黎‘FOR SALE'，屬於二级古舊建築物，维修保養不易，用途又會諸多限制，睇黎都幾難有買家有興趣。。。


一講NOTTIGHAM就醒起ROBIN HOOD。CASTLE都有ROBIN HOOD有關既銅像/雕飾：


行過去CASTLE入口，好少見既人頭湧湧。。。奇怪一問點解今日咁旺，原來係每年一度既啤酒節，所以MAMI係門口装左一眼就走人。CASTLE可以下次同卡樂B一齊先入去。

後來經過旅游資料中心就知道晒啤酒節詳情：入塲費每位15鎊（包1大+14杯細啤酒）。但MAMI好多年無飲酒，就算想飲返杯都唔會日光日白呢個時候飲啦。。。飲大左既話全日既活動咪要取消？


去完CASTLE，幾分鐘就去返到市中心廣塲。廣塲不時都有各類型商品PROMOTION，今次見到RENAULT展示呢架電車仔：TWIZY。現塲見好似可以用普通車既電池搭過去充電。車身係膠做既，後座打開係儲物箱，有4個轆，所以要有正式私家車牌先揸得。見到有人試揸，行得好慢。呢D車仔概念都係環保，省位，但會唔會大行其道，真係到時先知！


繼續行。。。行返去以前成日幫趁個間茶樓望望啦！經過MAMI好鍾意既一間ZARA。TYPICAL ART NOUVEAU STYLE，係出面企下/欣賞一下已經好開心，要買ZARA自己城都有，唔洗晒時間入去啦！

茶樓。。。當年同PAPI第一次飲茶既地方，PAPI仲食左呢世人一千零一啖鳳爪！但最後去個幾次，PAPI食完無耐個肚都唔舒服，所以就唔再去。今次黎望下：已經執左！同一位置開左間平價中式快餐。OK！得個知字。

行遠3分鐘係一間MAMI想去探索下既ASIAN SUPERMARKET。網上見到資料以為係新開既，但一入到去，比我城個幾間仲要差！D貨堆到無位行，仲有一陣霉味。。。收銀後面有機賣珍珠奶茶，但見間野咁唔企理，梗係唔幫趁啦！都應該唔再去，後會無期啦。。。

咦。。。書局出面有人排隊，一定係有簽名會。行過去望望：STUART BROAD [網上資料話此人：6尺5寸高，86年出世，係我地呢頭長大既80後板球球員]會係度賣親筆簽名既自傳。書/板球MAMI都唔好，繼續行。


唔行嗰個好悶既商塲，NOTTINGHAM有幾條步行街好好行架。。。雖然NOTTINGHAM人口比我城少，但居民消費力唔弱架！所以大百貨公司JOHN LEWIS係度都開左好多年。呢度既品牌店舖比我城多架！亦有一D好ORIGINAL既精品店/手工鞋匠/餅店。呀！MAMI仲發現NOTTINGHAM市中心有好多飛髮舖（真係男士幫趁嗰D BARBERSHOP wor）。。。唔知點解呢？


行下睇下，成點鐘先去揾野食！食左乜。。。呢度有講！

食飽飽之後行埋最後一間想睇既舖頭：LAKELAND。

今次行程無上貨呢個項目，MAMI剩係買左兩樣野：比卡樂B既ROBIN HOOD故事書（上次去SHERWOOD FOREST想揾架啦，但竟然無！今次係旅游中心買到。）另外就係呢個厨櫃架。揾左好耐先揾到啱SIZE，間多一層擺D矮細D既調味樽，而家D樽仔唔洗叠住上，攞起黎方便/安全好多。。。


回程時。。。BOOKED左位個班3.20pm COACH竟然DELAY！MAMI計啱時間PAPI完凑放學就開車過黎車站接埋一齊返屋企嘛。。。點知話4點先埋站，梗係唔得啦！即刻又要返站頭揾人改車票。下一班車就算準時都要遲成半個鐘先返到。無法啦。。。車一到MAMI就企定車門口等司機查票上車。但司機話要比原本訂左呢班車既乘客上晒車有位剩先到其他人後補。。。等得好心急，好彩MAMI都上到呢班車，但返到城比原定時間遲左45分鐘。

午餐實在食得太飽，MAMI無食晚飯，PAPI同卡樂B好似食左薯仔/炸魚/焗豆晚餐。。。

開學篇 ~ 卡樂B的適應

轉去BIG SCHOOL，正式開學。

卡樂B都算係班中既大仔，暑假前去過新學校玩過幾個鐘頭，老師又黎過屋企做家訪，卡樂B對新學校環境/人物都幾有認識。所以開學咁耐，一次都無喊過呀！有D小朋友開學頭一兩日唔喊，返返下會突然喊返。有D小朋友係暑假够4嵗（剛剛够年齢入學）就始终都係比較年幼，返左成個月學都仲係朝朝喊住入課室。唔比媽咪走。卡樂B講起邊個邊個就會懒無奈咁話：‘YES。。。SHE CRIES ALL THE TIME...' [巴閉得佢呀！]

卡樂B又適應成點呢？

早餐：雖然以前都係早起身，但都係慣左8點半打後先食早餐，而家要早成個幾鐘食，朝朝都好似未有胃口食咁，食得唔多。。。

返左幾日學，卡樂B就已經好熟悉每日既流程。。。一入課室就揾返自己個名貼上點名板，擺好水樽，入CLOAKROOM掛好件褸，放BOOK BAG入櫃桶，跟住就可以開始玩！


初初返學，卡樂B剩係會拖住MAMI隻手唔知做乜好。慢慢就帶MAMI參觀課室，解釋比MAMI聽STAR OF THE DAY，TIME SNAKE，GOLDEN RULES係乜東東。


MAMI通常會等到老師打鐘先走，卡樂B一聽到鐘聲就即刻停低活動，舉高雙手WRIGGLE HIS FINGERS+唱歌，老師就會叫小朋友行埋去地毯坐低。卡樂B跟住做，連MAMI未走都唔理，剩係離遠咁同MAMI講 ‘MUAH MUAH'，叫MAMI走。雖然卡樂B IGNORED MAMI，但MAMI見到佢咁投入學校，心裡面好開心呀！

早餐食得唔多，早上又無茶點，卡樂B似乎對SCHOOL DINNERS好受落！呢個仔對飲食都頗為FUSSY （& MESSY)! 好多食物唔啱心水既整法就唔食！PASTA MAMI點整都唔合佢心水。係屋企鍾意食飯糰/壽司，MAMI問做便當帶去學校食好唔好，佢話唔好！。。。但又唔鍾意食凍餐/三文治！所以PAPI/MAMI决定比卡樂B先試食SCHOOL DINNERS，然後視乎情况再算。

第一日放學，MAMI問SCHOOL DINNER點樣，佢超快答'IT'S YUM！I LOVE IT！‘ 仲話自己食晒所有野食！最緊要係成日提住MAMI ’DON'T MAKE ME PACKED LUNCH. I LIKE MY FOOD HOT。。。‘ 雖然無比機會MAMI整愛心便當，但MAMI都覺得好彩，如果要帶PACKED LUNCH既話，朝早就會更加忙，唔掂!

開左學2個禮拜，問題黎啦：卡樂B瘦左2磅！係學校有食野（MAMI剩係記得有一日報告無食晒所有食物。）一放學又有小食/奶，晚飯又照食，竟然輕左？！MAMI唯有問老師/DINNER LADY幫手留意下呀仔食飯食成點啦！報告話卡樂B係有食野既。而且MAMI知道卡樂B如果無食到LUNCH，佢應該係唔識講大話口爽爽話自己食晒所有野。既然係咁，唯有呢幾個禮拜要多加留意佢既飲食。希望係因為係學校走動/玩得多+新適應引致短期性减磅啦。

MAMI覺得初初開學，佢其實都唔係好知發生緊乜事：第一日就話比MAMI聽有個BIG GIRL幫佢攞個TRAY去飯檯。第二日就話自己攞，唔洗人幫[MAMI信(!)兼且開心啦!]。後來，MAMI先發現個BIG GIRL其實係DINNER LADY！而DINNER LADY到而家都仲會幫緊所有小朋友攞TRAY同切開D食物。。。唔係既話，一個LUNCH食一個鐘都唔出奇呀！

熟悉左環境，慢慢卡樂B又知道多左週圍有D乜人，耐不耐會提下D名。都仲係鍾意揾老師，就連其他班既老師佢都懒熟架！見到校長又會好開心走埋去打招呼！初初同我哋講個DINNER LADY係MRS X，某日终於更正返原來係MRS Y，後來連MRS Y 既FIRST NAME都知埋！MAMI每日凑卡樂B入班房，留低陪玩一陣，同學仔又會埋黎SOCIAL。MAMI又乘機問下佢叫乜名，叫同學仔一齊玩。每朝返學見到又會自動自覺同人打朝呼（人哋唔啋都照叫架！）而家開學差不多兩個月，卡樂B會同MAMI講邊個係CARPET FRIEND，邊個係PLAYGROUND FRIEND，邊個係LUNCH FRIEND。有時候仲會打小報告話邊個曳曳，邊個掛住講野唔食LUNCH。。。MAMI聽左，有D放心喇 ~ 因為卡樂B係唱游班差不多兩年都剩係鍾意同老師玩，同同學仔唔熟，MAMI擔心佢社交/人際關係唔好。

RECEPTION班每日都仲有唔少時間可以係PLAYGROUND玩。MAMI知道卡樂B每日都玩得好ENJOY，玩到。。。成日收意外報告！開學咁耐收左3張啦！一次係自己跑撞到人（兩個都要收意外報告！），第二次係話同學跑埋黎想CUDDLE佢 （佢話自己當時企定既，但一撞就跌低左！頭同手心都有擦損，但撞人個個無事！）第三次：自己騎木馬砍落馬頭！相信報告陸續有來。。。


一如MAMI所料，關於校服既烏龍事就更多：

校呔：PAPI專登幫條呔加左魔術貼，方便除帶/唔洗日日重新打呔。點知返左3日學就唔左條呔！成課室都係玩具，七彩都無咁花，MAMI想幫手揾都唔容易。問老師，老師話唔洗擔心，過幾日慢慢條呔會游返出黎既。。。 過左幾日有同學仔無意中揾返到，物歸原主。MAMI就訓話卡樂B以後玩到熱要除呔，一定要放返入櫃桶先可以再去玩，卡樂B答應左。

如是者過左幾個禮拜，某日放學一望呀仔條頸又無左條呔！打開BOOK BAG一望，有個膠袋袋住條呔。一問：成條呔跌左落馬桶！咁都得？卡樂B話佢自己攞返上黎比老師，老師就比個膠袋佢袋返。唉。。。MAMI話：你著住JUMPER，條呔應該唔會走出黎架？卡樂B答：I WANT TO LOOK AT IT BECAUSE IT IS BEAUTIFUL... [MAMI真係比佢氣到哭笑不得！]條呔最终梗係要報銷啦！

運動堂既黑飯魚：等左成個月，终於可以上運動堂。全部小朋友都係係課室换衫。根據卡樂B講，係CLOAKROOM攞左P E BAG就要係課室换，所以都攞左黑飯魚係課室CARPET位置换，换完衫褲。。。對鞋就唔見左！攪到要借學校一對著住先。MAMI當日早左入學校等放學，見到老師仲係課室幫幾個小朋友著緊校服！帶著班低年班，真係做到好似呀四咁乜都要落手落脚幫。

卡樂B放學第一句就話：MAMI，I LOST MY PIMSOLES! MAMI又要跑返入CLOAKROOM望下有無漏低。。。梗係揾唔到啦！但係係CARPET唔見，即係有人著錯鞋啦！於是第二朝凑返學又要煩老師幫手揾揾。個朝老師SHOWED比MAMI睇運動堂之後换返衫竟然有校褲/校裙多左出黎，認真耐人尋味。。。好彩卡樂B既鞋係貼左名牌既，最後都揾得返。

上星期五一放學見到MAMI就話：MAMI，GOOD NEWS！老師話下個星期一，星期二。。。星期日都唔洗返學，放假呀！[唉。。。一早PAPI/MAMI都話左下星期係HALF TERM唔洗返學啦！我哋講就耳邊風，老師講完就醒晒！咁唔該你多D聽老師話，做好D功課啦！]

最後送上卡樂B既放學爛仔/邋遢LOOK。。。

又走佬。。。NOTTINGHAM ~ 食！

MAMI自己出街揾食既原則：唔揀中式食肆+自己城有既連鎖餐廳！

上網做左少少RESEARCH，發現唔少人都RECOMMEND印度餐。咖哩。。。MAMI啱兼好LIKE添！於是就揀左TAMATANGA，市中心就脚，價錢又大眾化既摩登印度餐廳試試！


MAMI一個人係門口等，侍應小姐問想坐向街吧檯定普通餐檯。MAMI揀要普通檯，因為可以望下隔籬左右食乜嘛！而且坐落都舒服D啦！

餐廳做緊OFFER: 平日6點前主菜£6.95, 比多£1就有飲品一杯。MAMI見大部份人都係點一份咖哩跟飯/NAAN BREAD。但餐牌介紹THALI係樣樣有D喎。侍應小姐話THALI PORTION都唔係好大，MAMI得一個人食又想樣樣試D。。。鐡定點THALI套餐！

仲加埋LASSI一杯 。平日MAMI唔食芒果架，但飲LASSI就一定揀芒果味，下次係咪要試下PISTACHIO 開心果味呢？

等左10分鐘左右，TA DA！有乜食呢？炸既小食好似蘿蔔餅，幾塊沙律葉，CHUTNEY，咖哩薯仔，豆腐咖哩，DHAL 咖哩，羊肉咖哩，POPADOM + NAAN BREAD。


要講下碟豆腐咖哩，第一啖入口，以為食緊雞肉！但MENU話係兩份素菜喎。再咬多啖望清楚，原來係豆渣制品，同香港食個D齋叉燒/肉片咁既做法。唔錯！過左一陣，隔籬檯原來都點左THALI餐，嗰位西婦食左一啖就叫侍應小姐埋黎問，話自己係素食既，呢碟究竟係乜黎？侍應小姐可能新黎唔熟D用料，要去問同事！返黎既答案同MAMI食到既一樣，SOYA做既，所以係素食黎，OK啦！

碟羊肉咖哩。MAMI 點左有GARLIC同薑為主既咖哩汁，羊肉好TENDER/唔羬，又唔似READY MEALS咁硬實實無味！薑味清新唔CHOK喉，正!

NAAN BREAD有兩塊，兵乓波板既SIZE，份量係好够飽。但MAMI太喜歡D咖哩汁，所以覺得多多NAAN都唔够用黎‘索’汁。。。

食飽飽埋單，以為個餐要£12。原來都係£6.95 + £1（THALI SET附加費）+£1（飲品）。唔洗£10食到咁滿意既一餐，好開心呢！

我們的麥當當

其實大家跟左MAMI個BLOG咁耐，有無發覺我哋都頗多幫趁麥當當呢？

老實講，PAPI一向都係麥當當既NO 1 FANS。PAPI既解釋係：3鎊幾銀（唔洗50港紙），食個JACKET POTATOE都唔得！但同樣價錢係麥當當就有新鮮熱辣又飽肚既一餐。所以問親有乜QUICK BITE，好多時諗都唔洗諗就去左！

MAMI以前下午放左工中間有落塲時間先返夜班，好多時都會趁空檔去麥當當飲杯茶/食少少野先繼續。

呢度既麥當當唔同香港：早餐只係到10點半。猪柳漢堡/鬆餅剩係早餐先有得供應（唔似HK做全日）。

SANDWICH DELI應該係英國先有架喇。唔用BURGER BUN，用長/軟身既SUB。唔鐘意SUB，又可以要WRAPS。除左有雞肉配唔同既酱汁，仲會有VEGETARIAN OPTION，加埋生菜/蕃茄/青瓜。感覺健康少少。。。


以前每逢星期3，PAPI都會帶卡樂B食HAPPY MEALS。攪到卡樂B未够3嵗就識得同NURSERY既姐姐講唔食LUNCH，爸爸等陣會帶自己去食麥當當。。。而家返學就無呢隻歌仔唱LU！所以可以去麥當當朝聖既日子就要改為係週末。

週末通常係早餐：卡樂B最緊要食一個HASH BROWN加BIG BREAKFAST既半邊鬆餅。

呢半年學識左飲熱飲，通常會點杯熱朱古力 （又係朱古力！）


PAPI既例牌係BIG BREAKFAST，唔係既話卡樂B就無鬆餅食啦。

MAMI永遠都係最麻煩嗰個，今次要食BIG BREAKFAST，下次可能要HOT CAKES，比人催促得黎又會講到錯晒/點錯食物。。。所以呢幾個星期日，PAPI寜願自己出去買番黎，MAMI就可以一早落定ORDER，唔洗係DRIVE THROUGH阻住晒！

外賣到。。。

今朝卡樂B問MAMI係咪其實都鍾意BIG BREAKFAST？MAMI就好CASUAL咁答左句：都好wor，今日MAMI就食BIG BREAKFAST啦。。。但卡樂B無同PAPI落單。到PAPI買左返黎佢先話‘MAMI話要BIG BREAKFAST呀！‘[MAMI無端端又比人以為係厭尖人：冤枉呀。。。]

ANYWAY，呢排MAMI幾鍾意食BREAKFAST WRAP。


係乜？其實係一塊TORTILLA WRAP包住煎蛋，半塊HASH BROWN，一小條烟肉，一塊猪柳漢堡扒，一片芝士 + 茄汁OR BROWN SAUCE。今日CHECK 單先知，原來呢個WRAP係貴過個BIG BREAKFAST既，下次都係慳D好。

平日食麥當當3鎊幾銀一個套餐已經好抵，但想再經濟D都仲有辦法架！

城有D麥當當好多時會派優惠券。唔洗兩鎊有個飽+中薯條。够飽啦！


飲品又點解决呢？麥當當既熱飲杯上面有一張卡比大家儲免費熱飲貼紙既！儲够6個就可以换熱飲一杯！MAMI試過幾次坐係度食緊野既時候比D人問攞個貼紙。


卡樂B都儲緊。。。唔洗講大家都知佢想换乜飲啦！


另外，好多時想食雪糕，我哋都會幫趁麥當當。

軟雪糕筒加朱古力條：雪糕車叫99p with a flake，起碼賣£1.5。麥當當賣69p！


MAMI通常都會食雪糕新地，99p一杯慢慢歎。。。

咁CHEAP AND CHEERFUL。邊度揾呢？

[利益申報：唔好以為MAMI賣花讃花香，我哋並非麥當當股東！如果英國都好似香港：茶餐廳成行成市咁方便又多選擇既話。。。]

CHARLIE & THE CHOCOLATE FACTORY

事源今個暑假MAMI想睇返D兒童故事書。

係亞馬遜見到呢本。。。

42p，仲係FREE DELIVERY！加上卡樂B係朱古力狂。於是MAMI就買左：每晚臨訓前MAMI就讀比卡樂B聽。

其實故事入面既描述篇幅都唔短，卡樂B當然唔可以跟得到晒。但每晚讀之前，MAMI會做個‘上回講到。。。’ 又問返下D人物係乜名，性格係點，鍾意做乜。。。慢慢慢慢，卡樂B都投入左個故事！有D連MAMI都唔記得左既情節，無端端佢會講返出黎/提番MAMI。

故事講到咁上下，知道晒班小朋友點曳曳。某日卡樂B就同MAMI講：想所有曳小朋友都走晒，剩係比CHARLIE留低。。。

相信大家都知道：故事發展到尾聲，朱古力廠既主人係想將間廠送比CHARLIE既。卡樂B聽到，面色一沉，仲聲都震埋咁話：唔可以，MR. WILLY WONKER無左間朱古力廠點算呀？MAMI即刻要作一大堆原因解釋比卡樂B聽MR. WONKER唔會離開間廠，CHARLIE同屋企人會搬去幫手咋。。。咁樣卡樂B先開心返。

讀完呢個故事，卡樂B好想再追下集。不過ROADL DAHL無寫續集啦！另一個同呢個故事有少少闗連既故仔係CHARLIE & THE GREAT GLASS ELEVATOR。除左人物係原班人馬之外，故事背景已經唔係間朱古力廠！加上唔少REVIEWS評語都麻麻地。。。MAMI就成日拖住話CHECK緊係邊度買第二集，拖拖下卡樂B就無再問MAMI LU。。。

見卡樂B咁鍾意個故事，MAMI就借埋套電影返黎一齊睇。MAMI都仲依稀記得70年代個個版本既一D片段。不過。。。又諗JOHNNY DEPP主演既版本新D，多D電腦特技效果，應該會好睇D。
借左新個套返黎，睇左20分鐘，卡樂B就叫停。原因係套電影既IMAGERY好沉/好黑。故事有D情節又唔同原著，所以卡樂B唔鍾意。。。

成日開口埋口都講朱古力廠。所以PAPI就提議又去朱古力廠參觀啦？卡樂B當然讃成，仲懶醒咁話因為PAPI未去過，佢會付責拖住PAPI/帶路。

今次去雖然係星期日，但因為係9月初，暑假剛剛完，小朋友又開學，所以非常人少，行得易，睇得快。兩個半鐘度就完成參觀。

主要展覽塲地/項目無變，但包裝部無開工，唔可以見到D朱古力係輸送帶到高速運行。

不過就見到人扮既吉百利先生銅像。

坐車仔時影既全家福。卡樂B話：“MAMI IS ALWAYS TAKING PICTURES...”


上次去，奥運仲係倒數緊。


一年後已經曲终人散，但吉百利同奥運有關既資料展覽就仲係度。


去到朱古力制作示範區，手作朱古力又有新鞋款，又有茶壺，為今次奥運興建既田徑塲，連HALLOWEEN/南瓜造型既主古力都整緊啦！


可以用唧桶寫自己個名，寫明唔好食啦！卡樂B竟然寫完明趁我哋望唔到順便啜埋紙唧桶既朱古力，真係激到MAMI扎扎跳！


最後係朱古力門市部，外面好似未有OREO CADBURY'S 賣(行行下，唔記得買番排走添！）HALLOWEEN，聖誕朱古力都有售啦。。。


好唔好幫卡樂B揾個代言人做下呢？


前後相隔一年，卡樂B都好似高左唔係好多。。。[不過D衫褲鞋都唔啱著啦！]


BYE-BYE，下次見！

走佬。。。

早有預謀地。。。趁今日放假+卡樂B要返學既大好日子，一於拋夫棄子，走佬去也。。。


11點未够就到達目的地。吓。。。又係BIRMINGHAM？唔悶架？平日同艾先生/卡樂B黎都係指定動作。有舖頭MAMI想望下，艾先生都會話‘你想睇就入去睇啦！我睇住卡樂B咪得囉！’但兩個男人就咁棟左係門口，咁MAMI點睇得安樂呢？而且次次去到都無乜時間，想行遠少少都得。。。

平日開車過黎，活動範圍就係茶樓，BULL RING底層，連住BULL RING既步行區都無機會望望。所以我比呢張相卡樂B睇既時候，佢都唔多認得原來係BIRMINGHAM！


MAMI一落火車，就决定要去MUJI無印良品睇野。時間尚早，舖頭都人少D，慢慢行，慢慢揀，仲揀左少少野賀艾先生牛一添。


行左無印，已經有斬擭。跟住就向BULL RING進發！

原來熱狗車仲係度，不過未肚餓，所以無幫趁呀。。。NEXT TIME, NEXT TIME！


BULL RING大部份既舖頭，其實係我哋城都有，無需要晒時間兼做無謂既擔擔抬抬。所以MAMI剩係揀無既個間入去：FOREVER 21。開左差不多兩年，今日先有機會入去參觀參觀。雖然MAMI 21不再，但都揀到兩件JUMPERS今個冬天。。。


跟住又出去BULL RING 外圍望下，影下相咁啦！呢一年BULL RING外圍加建左幾個OUTBUILDINGS做食肆。JAMIE OLIVER都係度開左。。。MAMI都想揾機會試下。


講講下，又够鐘際五藏廟啦！艾先生早幾日都問MAMI打算食乜。MAMI好快既反應就話‘一定唔食CHINESE！' MAMI既選擇：日式（望左餐牌，卡樂B都啱食wor，咁等第日帶卡樂B黎先食啦！）越式（今日麻麻地想食。）意式（都好呀！但晚飯應該係食PIZZA，午餐轉第二樣好D。）。

最後决定係韓式。MAMI上網揾到呢間。。。


係韓國人開既。装修/擺設都簡單/舒服。望入去，有一檯韓國男人係度食緊午飯啦！


MAMI點左石頭飯+泡菜，同服務員要求’小辣‘。賣相：好難整得難睇啦！食味方面都唔錯，個韓式辣椒醤都唔太辣，啱MAMI口味呀！個泡彩就辣左D。所以食食下鼻哥都有D濕。


食飽飽。。。


老板送單過黎，見到MAMI食剩左D飯焦。。。問MAMI點解唔剷出黎食埋佢呀？[MAMI都想食架，但剷唔郁。。。] 老板隨即示範點剷比MAMI睇，仲攞住個羹做食埋落肚既POSE比MAMI睇，攪到好似MAMI唔識欣賞D正宗韓式食法，覺得唔好意思添。但呢間家庭食堂都幾合MAMI心水，有機會會再去食過！

第二回血拼開始! 經過唐人街都總係要入唐人超市兜個圈先舒服架喇。結過買左青蘿白/苦瓜/節瓜呢D重手野。。。無法子，想食嘛。。。

行過SELFRIDGES既FOOD COURT，見到KRISPY KREME，仲無乜人排隊，又有D掛住卡樂B。。。又排埋一份，本來想買3個，單數，唔好意頭，買4個。但臨計數，又見到LEMON MERINGUE呢個口味幾得意。。。個盒又有位剩。。。結果買左5個（單數呀！不過~真係唔可以再買，因為艾先生唔好嘛！）


攞住幾袋SHOPPING加手袋，仲要留返D力行番去火車站，MAMI知道唔可以再SHOP啦！於是就收拾心情，慢慢行返去火車站，邊飲咖啡邊等火車。

平安抵達，艾先生接左卡樂B放學就黎火車站接埋MAMI，返到車终於可以卸低D戰利品。見到卡樂B

一如所料：晚飯PIZZA HUT既二人套餐：


卡樂B一路食一路同MAMI講'THANK YOU FOR A NICE DINNER'。。。呢個COMMENT，近來出左兩次，次次都係MAMI乜都無煮/買外賣既時候自動自覺講出黎既。。。你咁講即係乜意思呢？

最後，卡樂B當然唔會唔記得飯後甜品喇！