白蘿蔔炆豬肉

得閒去D BLOGS遊蕩一下就成日都揾到煮食新靈感...

見左蘿蔔炆腩仔呢個食譜好耐,一路我都記住屋企有齊晒所有材料,剩係等買到靚白蘿蔔就隨時可以開工.

終於見到鬼佬超市有唔錯嘅白蘿蔔,都唔太貴,就執左一隻落車仔,去到SELF-CHECKOUT先發覺唔記得白蘿蔔英文點叫,唯有叫收銀求救. MOOLI呀!下次記住啦! 800g (一斤四兩),兩鎊零銀有找(~港幣廿零蚊),以呢度消費水平來講算好抵啦,好開心報告比呀媽知,呀媽話香港賣個半銀錢一斤咋!

ANYWAY,等左兩日先有時間整,條白蘿蔔都有D皺皮啦...拿拿臨攞齊D材料影張大合照先!

咦...乜雪櫃個樽唔係柱候醬咩?

條白蘿蔔唔等得,D腩仔又溶左雪唔可以再番雪,最大問題係我想食白蘿蔔好耐...忍唔住啦,唯有纂改食譜...
 
爆香蒜頭,薑,八角就落豬肉,豬肉一上色就加入白蘿蔔,爆多一陣,加入[蒜蓉豆豉醬],冰糖,加少少豉油整色整水,炆到豬肉淋就得(個零鐘啦)!

炆嘅時候無我好期待可以聞到嘅個種香味,一定係隻醬累事!我諗下次再整我會加D蝦乾調下味,最緊要係即刻去唐人舖買番樽柱候醬睇門口!

努力重新開始！

黎左呢度幾年我都有KEEP住上西文班,一星期上個半鐘,一年上6/70個鐘左右.聖誕/暑假又停個零兩個月.我呢班叫做係舊制度之下嘅班,COLLEGE 話因為我地都學左咁耐,我地夠人開班就KEEP住個班比我地繼續去上.呢個班唔洗跟考試課程,課堂編排方面就好自由發揮...

我跟左同一個導師三年有多,導師成日都話我地嘅程度係比GCSE高,但係我成日都覺得大家都係講得不流利,文法方面,識D又唔識D (連我以前學過D稍為深D嘅GRAMMAR都因為太耐無用送返晒比老師...) 討論話題永遠都係HOLIDAY: 以前去過邊,經常去邊,諗住下次去邊 (練習PAST, PRESENT, FUTURE句式),一係就講一日到晚做D乜 (起身,食早餐,返工...)

每年都係用返同一SET HANDOUT/ EXERCISE,連上堂D EXAMPLES都無乜新款,唯一唔同係每個學期會有幾個新同學,黎D走D. 諗住學D簡單應對等退休移民西班牙嘅話,上呢個班都有用.諗住學好D西文就好難...

卡樂B出世之後,我就停左成3/4個月,到生活秩序攪返好之後我就繼續去上堂,上返無耐就放暑假.暑假過後,卡樂B九個月大我就復工,復工後都仲夾到時間返學...不過就越來越覺得學唔到野,PAPI就想係屋企用西文,我就日日口噏噏跟住PAPI學同卡樂B講西文,講左一排,PAPI話我D西文流利左,但有D深D/複雜D嘅語法/少用嘅詞語就連PAPI自己都唔SURE點講至啱...跟屋企人學都唔係容易.

暑假前我要加班儲鐘攞假返香港,返到黎又要繼續還假/OT,加埋暑假無堂上,足足半年無得返學...新學期快開始,我就諗: 上返同一班未即係比機會/籍口自己走堂! 都係時候要改變一下,起碼換個個導師,比返D新刺激,我先有望會繼續讀上去...

終於搵到一間COLLEGE夜校會開GCSE西文班,開課前一個禮拜開始招生,我就拿拿臨去報名,點知去到話要INTERVIEW,又話個班好多NATIVE SPEAKERS報名讀架 (因為係公開試, 考得好就有多個QAULIFICATION).但係個導師日頭唔黎得做INTERVIEW,我唯有留低聯絡電話等導師回覆.

係電話聯絡上導師之後,佢好快就轉台講西文問左我幾句簡單野,平日除左聽PAPI同99講西文之外,真係無機會聽其他人講,我差D轉唔到台,好彩都比我過左骨,佢話我都READY考GCSE,但如果想考A-LEVEL就要非常努力先得...無問題啦,我都唔想比咁大壓力自己,GCSE先LOR!

PROSPECTUS話星期二係開課日,去到先知原來改左做逢星期三WOR.白行一趟...

幾經波折,終於成功開學,導師好鄭重咁同我地講我地報左名讀就一定要去考試,唔係COLLEGE好難同政府交代,考出黎合格率唔好又會影響下年度撥款...所以大家諗清楚先好去報名交學費 原來夜校都唔係我地一般人諗得咁求其.

上左兩堂都覺得OK,導師教法輕鬆但又會提醒我地考試時要注意嘅重點,希望九個月後我會READY考好個試! 最緊要係我可以用好D嘅西文同卡樂B溝通!

久遺了的諾定咸城

8月31日~ 今年暑假最後一天剛剛好又係今年最後一個BANK HOLIDAY.

幾日前艾先生已經問我想去邊度玩. 我都係想出去行下,不過真係無乜心水.BANK HOLIDAY 就算舖頭都會早閂門,去郊外要上MOTOWAY又會撞正D人外遊返家,分分鐘塞車塞餐死!

終於個朝! 唔知點解...好多年無去NOTTINGHAM啦,不如去個度食點心呀? 諗起係BANK HOLIDAY,驚茶樓唔開,所以急急上網揾電話去問問. 咦...比我見到一間新茶樓(新係因為我地成4年幾無去過囉),D REVIEWS 都唔錯,一於去試下!

由於艾先生咪咪摸摸同安排失當嘅關係,我地去到已經係下午3點幾,一定要醫肚先!好彩茶市LAST ORDER係4點半,所以我地一入到去就即刻落單,然後就趕緊餵卡樂B先,唔係嘅話 ~ 馬拉糕一上檯就唔洗旨意佢肯食其他野...

我同艾先生都好滿意呢餐茶,佢仲話第日要多D去食. 食飽飽就梗係郁動下好D.成5點鐘, CASTLE都關門大吉啦...去市中心廣場打個ROUND啦!

去片...

由於時間關係,今次嘅DAY TRIP完結啦,要去NOTTINGHAM CASTLE, SHERWOOD FOREST個D就要等下次...SORRY SORRY...

p.s. 寫緊呢篇野個陣諗返起另一件發生係8月31日嘅事...12年前同一日,我係HALL閉關趕論文趕到天昏地暗,到下午3點幾先出房揾杯野飲,有FLATMATE問我聽到消息嗎? 甚麼消息?? DIANA 皇妃在巴黎遇上交通意外...

謝謝EE