爛GAG

小朋友們思想簡單，反應直接，諗到就講。

卡樂B耐不耐都會整幾句比大家歎下。。。MAMI又趁住仲記得抄低先。。。

• PAPI正在開車，見到路旁一位等候過路的媽媽把嬰兒車放在路膊下/馬路邊沿，自己還是在嬰兒車後/行人路上探頭出來觀望道路情况。PAPI説BB在前[媽媽在後]這個做法太危險。。。卡樂B聽了就對PAPI説：BECAUSE THE HANDLE [OF THE PUSHCHAIR] IS AT THE BACK! 

• 食食下晚飯，PAPI又發白日夢：如果中左六合彩就搬返香港住。。。卡樂B聽到就話："EVEN IF WE LIVE WITH公公and婆婆，IT WILL BE LIKE SLEEPING NEXT TO THE STREET [訓街？。。。原來佢仲記得公公婆婆屋企係地下，成日聽到車聲！]

• 某天晚上同卡樂B一齊刷牙準備訓覺。。。卡樂B望左MAMI既電動牙刷一陣，開始講野。
卡樂B：MAMI，YOU ARE USING AN ELECTRIC TOOTHBRUSH AND IT MOVES BY ITSELF. 
MAMI： YES...
卡樂B：BUT MAMI...DO YOU KNOW HOW TO BRUSH YOUR TEETH?
MAMI：

• 卡樂B成日望到PAPI/MAMI張結婚相都會有D奇怪既想法走出黎。。。
  
  某日望見張相就係度讃話張相好靚。
  MAMI就隨口咁講：你第日大個仔結婚個陣都可以影一張呢D相架。。。
  卡樂B諗左一陣，好巖重咁同MAMI講：NO MAMI, I DON'T WANT TO GET MARRIED, I JUST WANT TO TAKE THE PICTURE BUT I DON'T WANT TO GET MARRIED。。。
  [ERH。。。呀仔，你明唔明結婚點解？]

 

落雪天的週末

卡樂B日日都CHECK住天氣預告。。。終於等到啦！（仲係一連幾日添呀！）

星期五係MAMI既例牌休假。不過今次係落住雪。送左卡樂B返學之後，PAPI問MAMI出唔出城行下咁？
嘩！未够9點呀！咁早出到商塲乜舖頭都未開喎，遊遊蕩蕩太癲婆啦。。。
仲有：落緊雪喎，天寒地凍如果想返屋企：公車大誤點絶不出奇。的士慢車起上來，5公里路程跳到20鎊既話MAMI會好肉赤。。。
而且PAPI其實係病緊，司機唔可以隨傳隨到。。。
即係話MAMI决定出城既話就要等到下午凑放學前先可以上返車。咪啦。。。返屋企好D。。。返緊屋企已經開始落雪粉。
凍冰冰，整杯茶暖下個身先。
朋友早排寄左港式奶茶茶粉比MAMI，仲好有心寄埋茶包袋。唔洗一陣厨房就充滿住港式茶餐廳氣味。杯茶冲出黎仲好滑，飲完好满足呢！謝謝！

飲緊茶，MAMI腦中又閃出個鬼主意：PAPI既然要休息，MAMI都仲係有幾個鐘得閒，去睇塲戲都好呀！睇完就啱啱够鐘凑放學：PERFECT！

PAPI都話可以車MAMI去戲院，叫MAMI臨開塲前10分鐘提佢出門口就得！

MAMI就坐下，上網WINDOW SHOPPING，同朋友講下天氣。唔覺唔覺。。。唔够一個鐘就週圍都白晒！


有D擔心，萬一睇緊戲，學校SEND MESSAGE黎話早放，咁PAPI一定想MAMI睇完套戲先走，咁佢就要一個人去學校接卡樂B。但PAPI係病人：咁天氣仲要行來行去，返黎唔病多幾錢重就奇！而且PAPI’盲中中‘入到學校，係唔知去邊度接仔架。。。

咪啦。。。都未買票，第日有機會先睇囉。。。

多左幾個鐘係屋企：望望屋企人寄黎既救援物資，有魚肚。。。够晒時間發/出水喎，整左是日晚餐：棉花雞。


差不多一點，整個快手午餐。。。老公！食得啦！


食完飽飽未够兩點，果然不出所料。。。


清理左一D車身/玻璃窗上既積雪先可以開車。村内既小路非常易跣呔，小心小心！一出村口既快路D車都已經全部慢駛。到學校附近既小路要上斜，PAPI見前面架車停左係交差路唔行，開口想E哦既時候先發覺原來前車跣緊呔！好彩停得切架車！轉右之後要落斜，PAPI見前面有車上緊黎，但FEEL 到自己架車跣呔，後面竟然有架樣衰四駒車作想爬我地頭状！PAPI要即刻開車窗打手勢叫停車。對頭上斜車上到黎駛埋一邊泊車。我地架車都停低左。。。其實都係開緊唔够10MILES既車速，但雪地跣呔，咁慢速既碰撞都可以撞凹/畫花車身，好無枉之災架嘛。。。停左車，MAMI先敢同PAPI講好驚呀！PAPI話唔係點解會話最唔鍾意咁既天氣開車呢!

接左仔再去超市入D貨就返屋企喇。明天繼續。。。

小朋友咁鍾意落雪，最大原因就梗係可以玩雪喇！星期六，我地就打扮好全副武装，係後園玩一陣。

掟雪球：呢張影到MAMI‘蝦’緊卡樂B咁。。。


砌雪人：上一次砌雪人，卡樂B剛剛14個月大！望住D雪，唔多知發生緊乜事咁！


今次：都唔係由頭幫到落尾架，但都擺下POSE扮有份幫手砌左一陣咁喇！


啱啱砌好雪人就開始凍，快手快脚影張相留念先！


[星期日晚卡樂B臨訓前又係度胡思亂想：If Pat (個雪人有名架！）melts away into a puddle, I would be very very very very....sad. 唉。。。都仲有幾日凍就諗定呢樣野，MAMI一時都唔識點答佢好！

影完相，卡樂B話仲有一樣野想玩：SNOW ANGEL! 呢頭MAMI話OK，揾緊邊幅地比安全/够滑浄比佢訓落去喇。個頭個傻猪已經等唔切訓左落地，撥手撥脚係度造型！


似嗎？


[PAPI回過頭望到卡樂B訓左係雪上面有D唔高興+擔心。因為卡樂B都仲係咳咳，出黎玩左一陣面仔紅晒+攰，所以都驚會唔會再病呀（TOUCHWOOD！）]

星期日，預告會繼續落雪。很準。。。雖然唔係大大塊，但朝9晚9無停過咁落足一日呀！琴日係後園玩掘到見草既地方都已經白返晒。連雪人都無左塊面。。。


7點食完晚飯，MAMI洗碗既時候發現暖氣CONTROL PANEL無晒顯示，煤氣爐頭都唔著！驚驚呀：两年前落最大雪個日個暖氣壞過一次呀！急急叫PAPI CHECK CHECK。攪左一陣，原來係跳制！好彩RESET左就OK番

預告星期一都會繼續落雪，聽朝一起身就要開收音機，CHECK EMAIL/TEXT MESSAGE，睇下學校/政府有無特别報告。。。

鮮奶饅頭

舊年返香港，卡樂B鍾意左幾樣中式食品。葱花饅頭（卡樂B話係SPRING ONION BUN）係唯一一樣係英國買唔到既！但佢耐不耐就會提起，話想食。MAMI次次都係話有時間就做啦。。。講左成年。

琴日终於試做。不過。。。失敗左！事後檢討：係唔記得發酵個麵糰！一揉好麵糰就走去造型。。。

今日卡樂B又問幾時再整，MAMI其實都覺得琴日既錯失好明顯，要改正唔難。反正材料又有係度，玩多次啦。

琴日做既時候，MAMI既‘BAKING ASSISTANT’（佢自己話架！）好熱心幫忙，量粉，揉麵糰，放饅頭入蒸籠。。。樣樣做齊！


今日？入黎量左粉就走人，剩係得把聲話要幫手就叫我啦。。。都好！等MAMI可以專心D/快快手咁做，比佢嘈一嘈分分鐘又出錯嘛！

係網上揾到呢個
食譜。卡樂B原本想食鹹版，MAMI又自作主張整甜版。。。

MAMI整飽一向都係用機，今次第一次落手落脚自己黎，都覺得有D LEI HEA ，好彩又未至於手忙脚亂。

揉左20分鐘左右個麵糰都應該算滑滑地啦。天氣凍：都係照平時咁放日BOILER 房發酵穩陣D。一小時後個麵糰终於發大了。。。

造型：好唔容易拉到個麵糰似似地長方形。一邊放左葱花（卡樂B想食嘛。。。），另一邊就係原食譜既鮮奶味。

 

卷好就可以切開，放上點心墊底紙，開個焗爐暖暖地做第二輪發酵。

發酵30分鐘，排上蒸鍋。

最後，出爐！


一摸！軟熟既！攤暖後食一啖。。。好好味呀！


卡樂B原本揀有葱花架，但咬左一啖就話D葱太大味：I CANNOT STAND IT! （語氣唔洗咁重呀？）結果KO左個原装甜版！

第二次做，總算成功了！

甚麼事有驚無險？

其實都係人生其中一個必經階段：卡樂B換牙了！

早個幾月，卡樂B投訴話牙仔痛，開始食得唔好，好多時剩係肯用側邊既牙咬食物。幫佢刷牙都話郁到/痛！MAMI望過：唔係蛀牙喎。。。梗係MAMI煮野食唔啱胃口，作D籍口出黎唔食啦。。。

聖誕假期。。。都仲係繼續投訴，MAMI見講左咁耐，而且聖誕+新年可能好難BOOK到牙醫。叫PAPI試下約唔約到牙醫檢查一下啦。咁MAMI又叫卡樂B開口望下隻牙點樣啦。。。

一望！PAPI，唔洗約啦。。。呀仔換牙啦！有隻大牙已經係牙仔後面出緊黎！

MAMI跟住就要同卡樂B解釋換牙同TOOTH FAIRY會黎比個COIN佢。

雖然話有TOOTH FAIRY，但卡樂B都唔係好想自己甩牙。MAMI唯有暫時打完塲：未有咁快，到時再算啦！

過左年，MAMI發現卡樂B D牙仔移左位！以前有個牙罅係正棚牙中間，而家條罅去左左邊！應該係隻新牙郁左D牙位。PAPI每日摸摸卡樂B隻牙都話隻牙都頗鬆啦！快架啦。。。

去LONDON玩個日，望一望棚牙，隻牙高左出黎添啦！快啦，快啦。。。

去LONDON玩完返屋企途中停SERVICE，買左CHICKEN BURGER+FRIES比卡樂B做晚餐。MAMI都知道佢會咬唔開個飽，所以都係搣細細啖比佢一口一啖咁食，食食下。。。卡樂B就大哎：MY TOOTH CAME OFF!!! 跟住就開始喊啦！

PAPI/MAMI即刻叫佢吐返晒D野食出黎。一路比佢水飲，一路猛讃大個仔/叻/勁。。。卡樂B都好努力擠D笑容出黎，但條脷TASTE 到牙血咁UNPLEASANT既味道又即時想喊過。。。

PAPI係呢個時候又問埋D令人擔心既問題：係喎，係咪由而家開始，要成棚牙甩晒架?  MAMI：梗係啦！呢D係MILK TEETH，要換過晒，再出多幾隻大牙先完成換牙嘛！

卡樂B唔知點樣聽錯左D野，即時大喊住好可憐咁同我地講：我唔想一日甩一隻牙，甩到一隻牙都無晒呀。。。

PAPI/MAMI。。。 

返到屋企，MAMI幫卡樂B包好隻牙仔，放左係佢枕頭底。睡前晚禱仲話埋比天主知佢甩左一隻牙，叫天主提醒TOOTH FAIRY要黎！

。。。

一覺醒來，第一件事就係装下枕頭底有無COIN！


放完假，卡樂B帶左個COIN返學校SHOW比老師睇！見到同學媽咪就打大個口SHOW個牙窿比人睇！

卡樂B既假期創作。。。


隻牙同個TRIP ~ BOTH MEAN A LOT TO HIM!

[甩左第一隻牙到今日係第5日，PAPI剛剛報告隔籬個隻牙仔都好鬆啦。。。]