卡樂B今日好叻呀!

佢今日終於明白"分享"嘅意思啦:

1. 餵佢食飯個陣,我會比隻SPOON佢玩,佢今日攞住隻SPOON要餵我食"空氣",重一定要我個口掂到先算數,非常認真...
2. 同佢BATH,比支牙刷佢玩~其實想佢學擺入口,學刷牙.一同佢講"in the mouth"佢就遞起手想擺支牙刷入我個口!
3. 到臨訓要比水佢飲,佢直情要塞個奶樽入我個口...

希望佢下次去TODDLERS' GROUP 仲記得要分享,唔好成日拎埋隔離小朋友D野食啦...

兒歌

相信做左人呀媽嘅都需要用到呢樣野,BB唔肯訓:要用佢嚟暗訓.BB心情唔靚,要用佢嚟RELAX下.有時對住BB講得太多野,講到無野好講,唱歌仔LOR.有時唱慣左,自己無聊,都會哼兩句!

我自問係個全無音樂細胞嘅人,所以卡樂B細個唔肯訓個陣,我淨係會哼"小寶寶,食蛋糕..."純音樂版,"哦"到佢訓為止.

但卡樂B一日一日長大,D咁單調嘅TUNE又點可以滿足佢呢?所以我哋(無錯!艾先生都有份!!)就要開始學唱兒歌.

好唔容易叫姑姐揾到一套兒歌CD,艾先生一開車就播.唔好以為兒歌就好LIGHT,呢套CD可能係重新編曲新製作,D歌仔嘅節拍好強勁GA,第一次播比佢嚇到成個人彈起!不過...我哋發現卡樂B對其中幾首特別喜歡.於是我哋就投其所好學唱個幾首.內容都幾得意GA!同大家分享下啦...

卡樂B最最最...鍾意呢首: Estaba el señor don gato (There was Mr. Cat).內容係講坐喺屋頂嘅貓先生(Don Gato)收到消息,問佢結唔結婚喎!對象係一隻靚貓,貓爸爸係羅馬貓,貓先生好開心,一不留神由屋頂跌左落地!結果貓先生整親腳指同手臂,但最後都獲救,平安無事...

Tengo, tengo, tengo (I have, I have, I have) 係我自己最鍾意嘅(短短哋.易學D...)內容就係小朋友"哂冷" LOR,同人講自己有乜有乜,你就乜都無! 我有三隻羊,一隻比我羊奶,一隻比我羊毛,一隻就成日陪住我.仲有白馬(艾先生話西班牙小朋友好鍾意白馬GOR WOR ~ 唔知點解?!)會帶我去到我出生個條村落TIM AH!

艾先生發現卡樂B近來都好鍾意A Atocha va una niña (A little girl goes to Atocha),所以我而家學緊... 我諗佢鍾意係因為每一段最後個個字係carabi, carabi-uri, carabi-ura....好似叫緊佢個名,同佢玩咁...

以前有"聽歌學英文", 我而家就"聽歌學西文",不過好有難度:皆因西班牙人實在講同唱都好高速,睇住歌詞都跟唔切...

海鮮價...但係我哋係買機票BOR...

卡樂B14個月大了,但見過佢嘅屋企人唔多,其實都諗左一排想帶佢返鄉下GA LA,我就負責D粗重工夫～上網搵平機票,旅遊保險,停車場 搵左一排,終於見到D價錢有下落嘅跡象喇 即刻同艾先生報告先...

艾先生話GO AHEAD，本來琴晚就買GA LA,點知卡樂B好扭計...11點醒醒,1點又醒醒,攪到我都唔敢再上網,收工去陪佢訓

今朝又無時間,要等到下午成點鐘先買得...一CHECK,貴左WOR,但都等左咁耐,費事又要大家失望等過,唯有肉隨砧板上...(...艾先生唔知道張TICKET貴左GA!)

揀好時間,填好表格,PRESS 'PAY',出左另外一個PAGE...

• 食唔食飛機餐呀? ~ 每位£14 
• 要唔要MAKE SURE坐埋一齊呀,窗口位呀? ~ 每位£12
• 寄倉行李每人一件 ~ 每位£16 ...

總知冇蔥搭,想搵多條水草綁下野都要£££

我哋決定係:

• 唔食飛機餐 ~因為上次訂左竟然冇派比我呀,但係會自己帶三文治小食上機;
• 唔加保証坐埋一齊嘅附加費,但係會早D去排隊CHECK-IN劃位.

到最後,都要比多幾十鎊先埋到單!  ANYWAY,返鄉下探親,此刻無價...

寫左幾日BLOG

...靈感有如泉湧...有D欲罷不能的感覺! 所以呢幾晚都～好早～瞓. 冇法啦:日頭喺屋企,一定係ANY MINUTE ON CALL,有時就算食都冇乜時間食,就算有,都系呢度10零分鐘,個度2/3個字...開得機嚟~卡樂B又醒.
但係好開心呀!因為發現原來有D FRIENDS 都有寫開BLOG嘅,咁大家又有多個地方交流下, KEEP IN TOUCH 咁...幾好呀
寫BLOG對我嚟講最大嘅問題就係要打中文. 我淨係識拼音(同小小廣東話)輸入法,但好多廣東話係拼音出唔到嘅...撞正個字寫來寫去都出唔到,我會
仲有...我竟然豬咁蠢到喺我個部已經裝左中文輸入法嘅PC度用網上輸入法,CUT嚟PASTE去先寫得一行,死唔死?
不過我仲有好多野想寫GA,加埋你哋嘅支持同鼓勵,我會繼續寫落去GA! 得閒多D入嚟睇呀!

上圖書館去...

而家好多人都話小朋友嘅閱讀興趣係要從小陪養, 而呢度D爸爸媽媽又真係好早就開始比書D BB睇/玩,睡前同佢哋睇/講故事. 於是我咪學人做埋一份,帶卡樂B去圖書館見識下...


其實呢間唔係正式嘅圖書館,係一間CHILDREN'S CENTRE,係政府喺每個社區攪嘅幼兒到青少年一站式服務中心.



有一個AREA有圖書/DVD租借服務,又有D FUNCTION ROOMS攪下活動


卡樂B嘅TODDLERS' GROUP都係喺呢度GA! 清潔嬸嬸企個個位就係PLAYROOM啦!


一黎到,卡樂B就去書架揀書.


仲睇到入哂神添...


嘩...乜印度文你都識架,咁咪仲叻過MAMI?




呢張就係借書證啦! 有乜咁特別？

1. 借書證係用卡樂B自己個名申請GA! (睇怕佢應該係家族中最年輕的"讀書人"LU)
2. 最多可以借6本書...每本3星期(可以網上續借,不過要我幫佢LOGIN)
3. 卡樂B借嘅書,如有遺失,損毀...唔洗罰錢 (好彩...因為佢已經將其中一本揭到滾瓜爛熟...)

"一卡傍身,世界通行..."

睇吓今次借左D乜書先...

卡樂B一見到呢本就撲埋去,因為BANANA係佢最鍾意嘅生果!

URGENT CARE CENTRE

琴晚收工遲左5分鐘...加上會車埋同事走,所以成10點先返到屋企...其實艾先生一早已經講定要睇"24"(10點開場),我都打定數自己攪掂卡樂B,等佢訓左我就可以整其他野...最後艾先生都OFFER同卡樂B換片,換睡衣,咁我就去開奶...

開開下...艾先生又叫我去睡房,唔通卡樂B又...

唉...流鼻血呀!~上一次係2星期前發生嘅,於是佢又話要即刻去急症室.拿拿臨又要著衫,執奶粉尿片袋撲去醫院~我好肚餓,仲好急TIM...

去到急症室,登記左都要等成個鐘先見到姑娘做初步評估分流...等得嚟卡樂BD鼻血都停左LU,姑娘話我哋走得LU,如果都仲想見見醫生就要等4個鐘度啦.因為兒科急症室得返一個醫生ON DUTY,成人急症室同搶救部勁爆,D醫生要去個邊WOR...

艾先生都仲係想見見醫生,但唔係等4個鐘...於是姑娘提議我哋去隔籬嘅URGENT CARE CENTRE...

吓...乜嚟架??? 我哋去親急症室都會先經過URGENT CARE CENTRE,我成日以為係D URGENT 到連急症室都去唔切(真係一個舖位嘅距離GA JA!) 嘅CASE用嘅？姑娘話其實急症室係ACCIDENT 同突發緊急情形去嘅,卡樂B唔係...所以去URGENT CARE CENTRE啦,而且個邊等一陣就有得睇...

更加唔明...艾先生再問:咁個邊係乜人幫我哋睇症？姑娘答話係醫生LOR!

更加更加唔明...但係姑娘話過去睇完唔滿意,可以返黎繼續排隊.咁我哋就過隔籬睇下究竟URGENT CARE CENTRE係什麼葫蘆買什麼葯！

入到去,登記左,睇左D單張,真相大白！原來喺呢度有乜唔舒服想睇醫生,而你睇開嘅診所又FULL哂,你可以打電話問症,接電話嘅係一D受過特別訓練嘅醫護人員,佢哋會評估你嘅情形,認為有需要就約你去URGENT CARE CENTRE見醫生.哦...咁即係24小時嘅WALK-IN CENTRE 囉！

最後...由於係午夜12點換班,我哋等左成半個鐘先有得睇.醫生個樣似未訓醒,係就係叫做有打TIE,但"呢啡"到好似買股票一夜破產一樣咁樣衰,問佢點解卡樂B會咁,佢話唔知BOR...艾先生即刻抱起卡樂B走人～xz*£y&")g!z%...攪來攪去,得個大頭佛！

p.s. 卡樂B其實都無乜事嘅,不過琴晚咁攪,佢都要成1點先有得訓,今朝7點又要起身...雖然都有2個鐘MORNING NAP,但係都補唔返...所以今日去TODDLERS' GROUP個陣好扭計,唔多肯玩...

三文魚菜粥

夠鐘煮飯比卡樂B食LU...

菜切好,主要都仲係比菜葉多,菜莖留起D比自己食.

三文魚我就用姜清蒸,我比較懶...成日都想煮完洗得越小碗碟越好...所以就用個煲,下面用水"祿"菜,加蒸架,一煲過!

三文魚蒸熟拆肉,加埋落D煲好左嘅粥仔度,收火焗多一陣.

菜用較剪剪碎,食得!

好耐無飲過嘅...

青/紅蘿蔔豬肉湯

行CHINESE SUPERMARKET,咁啱見到有青蘿蔔賣,不如買隻返去試下煲湯比卡樂B飲先...
材料:

• 青/紅蘿蔔:各約1磅
•  豬肉1磅(我買去左骨嘅豬脾肉,無咁肥)
• 無花果4只
• 南北杏小量
• 果皮一小塊

青蘿蔔係成煲湯嘅主角,當然係最貴嘅材料啦! 雖然英鎊疲弱...佢嘅身價都仲值HK$35 GA!　紅蘿蔔呢～仲有一半未用,１０蚊都唔洗！


LEG OF PORK 係CHEAP CUT,雖然叫做麻煩D要去骨先賣,但都係廿零蚊就有交易!我要做嘅就係切皮同割走D肥油(比我想像中容易WOR!)


處理好左嘅豬肉要"拖水":滾水放舊肉落去,煲一陣等D SKUM出嚟,唔係煲湯會成鑊泡...


滾水全部材料落煲,返滾之後轉慢火煲2個鐘,間仲睇下要唔要加水.


得左! 卡樂B飲左一小碗,我仲整碎D青/紅蘿蔔比佢送粥,YUM YUM...