聖誕快樂！

大家好，又忙左一排。。。終於開始兩星期既聖誕假期，趁有少少時間整番張賀结聖誕卡同大家講聲聖誕快樂先。。。

Free picture collage customized with Smilebox

我們的可口可樂

係超市見到D印左名既可樂好耐啦！但MAMI知道一定無我地既名，所以都無想過要去揾。

又知道有EVENTS可以去印名，但SUMMER實在太忙，成日都唔記得上網CHECK幾時會黎我城！

哈哈！好彩有老死係城見到WHATSAPP MAMI。MAMI又咁啱又出咗城，YEAH！

人龍時長時短，我地排左30分鐘左右。。。


排緊隊都有CUTE版裝贈飲。



卡樂B自己黎，打完名就去氣水機等。。。


等左一陣都無出黎，要可樂小姐幫手ORDER多一次。
 

YEAH。。。


望真D，成個LABEL都係印出黎架！


得MAMI同卡樂B兩個人排，又唔够時間排多一次，今次PAPI又無份LU。。。

南下三日两夜

卡樂B第一年放暑假，MAMI一早都計好晒數係卡樂B返學既日子努力返工，卡樂B放假就返少D。我地城既學校比其他城早差不多兩星期開始放暑假。唔返香港，咁本地遊都好呀! 於是MAMI就攞左一個星期假去玩囉

本來用太陽報送既LEGOLAND入塲券係9月頭既星期日，但有朋友既同事抽到7月中WEEKDAY入塲券唔去得。MAMI/PAPI放假時間FLEXIBLE，所以就SWAPPED 左套入塲券，提早去LEGOLAND玩。

原來上一次去LEGOLAND已經係兩年前既事。。。

舊年LEGOLAND RESORT HOTEL新開張。

 

係遊樂塲一面既入口有遊樂設備+餐廳，唔係酒店住客都用得架！

 

今年新開左DRENCH TOWERS，擴充左DUPLO  VALLEY個WETPLAY AREA。


都唔係第一次去，卡樂B都好知道自己想玩乜：揸車！

今次開車比以前幾次好好多，識得揸穩個架駛盤，唔再係亂扭亂轉。所以全程都無撞到路膊，無同其他車有碰撞。

咁有進步。。。出張駕照比你啦！


DRIVING SCHOOL係園内另一個揸車遊戲，比6-13嵗小朋友玩既。MAMI一早講名要係L-DRIVERS玩得好，MAMI先會考慮比唔比玩DRIVING SCHOOL。既然今次牌都攞左，就比佢玩啦！

第一個CHALLENGE係係閘口，工作人員會問小朋友幾多嵗。排隊前我地都同卡樂B講左，一定要答6嵗，唔够嵗數可能唔比玩嘛。。。

問到卡樂B，佢都停左幾秒，然後好小心咁答‘SIX' 過闗！大家坐定定睇左個VIDEO就出去攞車。

又係揀黄色車，兜左好耐先都到近MAMI企個邊，HIHI咁又開走左。跟住又識得停紅綠燈wor，幾得意。


玩完DRIVING SCHOOL，都差不多時間醫肚啦！

上一次去無RESEARCH好有乜食！求其去左一間CAFE食左唔好食既三文治/沙律就算。行行吓先發現原來有PIZZA/PASTA/SALAD BUFFET！今次PAPI一早就講定要食PIZZA！

係門口等左一陣就有位女侍應帶我地坐低，女侍應解釋左收費/BUFFET運作之後，卡樂B同女侍應SOCIAL左一兩句。卡樂B好留意人既名牌，咁啱女侍應既名同係酒店接待我地既RECEPTIONIST+一套卡通片既女主角都係同名。卡樂B覺得好神奇，於是就問女侍應有無睇過套卡通，大家倾得好開心。

之後MAMI帶卡樂B去揾食既時候，女侍應再回到我地既檯遞上收據之外，仲送上左一個GOLD BADGE！


LEGOLAND一向都有唔同款既BADGES 包係兒童餐入面送比小朋友。通常係印上左MINIIFUGRES既。但女侍應話覺得我地一家人好FRIENDLY/有禮貌，所以决定送一個金色既比我地。

PAPI一頭霧水。。。哦。。。THANK YOU。。。不過。。。個GOLD BADGE有乜用呢？ 可以攞去CUSTOMER SERVICE换免費入塲一次呀！

MAMI同卡樂B揀完野食番黎見到個GOLD BADGE當然知道發生乜事啦！因為MAMI係EBAY BID過一個返黎仲未用！所以下次再去玩，剩係比一個人入塲費就得喇！真係一個好開心既驚喜。。。

今次南下係正今年夏天最熱既幾日，MAMI幫卡樂B帶定濕身装備，等佢可以係WETPLAY AREA玩下/降下温。

第一次去WETPLAY，初初唔敢玩架。。。剩係係外圍行行吓。慢慢就大胆啦！滿塲走。MAMI無濕身装備，只可以係外圍兜黎兜去揾仔！

最後當然係玩到唔捨得走喇！但PAPI/MAMI企係度乾晒左成個鐘喇。。。


今次去玩，卡樂B都仲係鐘意D比較JUNIOR既RIDES，但只要玩得開心，WHY NOT？

呢幾年南下PAPI都話想去WINDSOR行下，今次留多一晚就有時間去行下！第二朝係客棧食埋大大份早餐先出發！


泊好車第一件想做既就係遊船河！沿住泰吾士河可以見到ETON，馬塲，過千萬鎊有私人碼頭既豪宅。WINDSOR CASTLE！竟然仲見到有人游水！又係大熱一日，但係船上都有風，好RELAX呀！


遊完河就行番入城，係幾個主要景點影返D到此一遊相。

 

回程前，又係WINDOR做小小SHOPPING。

今次南下玩左3日2夜，大家都覺得好盡興，係時候返屋企訓下自己張床！况且。。。呢個暑假仲有好多其他活動呢!

 

去了急症室。。。

其實卡樂B耐不耐都會流鼻血，年紀小既時候當然會驚/喊。但見得多，佢都學識左快快掩住個鼻，叫PAPI/MAMI幫手/善後。。。

但今次情况係下午係LAKE DISTRICT已經流左一次，5分鐘左右就停。晚上睡著之後，鼻哥痕一痕，坐起身用手一抹就停不了！而且流出來仲有些血塊！

MAMI有些擔心，DADA覺得帶卡樂B去急症室比醫生檢查一下比較好。

到左急症室大部份時間都係係度等。等既時候卡樂B又再流鼻血，又係差不多15分鐘先停。。。

等左差不多一小時，急症科醫生見我們了！問左症醫生又失踪了！

又坐左成個鐘，護士姐姐過來幫卡樂B搽麻醉藥膏。原來醫生想卡樂B留院做BLOOD TEST。

上到兒科病房已經係零晨兩點幾。又要繼續係TREATMENT ROOM等兒科醫生來。

我們太累了。。。釣住魚等醫生。。。

四點幾。。。醫生终於來了。

醫生要幫卡樂B量心跳，但卡樂B見到那個發光的手指脉搏器，喊晒口唔肯帶上手指呀！護士姐姐讃佢靚仔/乖乖，又話個機器可以知道佢KISSED過幾多個GIRLS，佢就肯帶上。答案係99! 佢居然即刻KISSED左MAMI一吓，叫護士再CHECK，睇吓係咪變成100。。。[後來返到屋企要見家庭醫生FOLLOW UP今次入院，佢都仲好興奮咁話比醫生聽自己用左個咁特别既儀器！]

到要抽血既時候。。。佢好驚呀。不停咁喊。我地要不停TUM佢，又要揾野分散佢注意力。最後。。。我地叫佢讀比大家聽墙上面既NOTICE講乜！佢又肯讀。但喊住口咁讀，聽落都真係凄凉又好笑！幸好,醫生都好好手势,好快完成抽血呢個程序。

卡樂B要留院，MAMI當然會留低陪佢過夜啦！但佢一聽到醫生咁講都即時又大喊起黎。

 

终於等到入病房，護士姐姐都要出入幾次做番個入院紀錄，要量血壓，卡樂B怕個血壓計束住手臂唔舒服，量左幾次先到。手臂被扎到有D微絲血管爆左，好似出MEASLES既紅疹咁呀。[兩日後D印先退番呀！]

攪一大輪，已經係朝早5點鐘，天光啦。。。煎熬左一晚，卡樂B终於可以抖番幾粒鐘。

早上醫生巡房時話驗血報告正常，但由於之前卡樂B一直都有經常流鼻血呢個問題，所以醫生會預備一封信比我地既家庭醫生做今次入院既跟進。等左個幾鐘攞埋封信，可以同醫院講BYE-BYE，番屋企食番過LATE LUNCH！

今次既突發事件，無PAPI係身邊，卡樂B都算好勇敢啦！

卡樂B對於今次入院既感想係：


真係好多謝有DADA陪伴/幫忙。。。DADA姨姨，WE OWE YOU ONE！ 

湖區一日游

今個暑假好忙，但好開心呀！因為可以同卡樂B上曼城探DADA。DADA真的盡地主之誼帶MAMI同卡樂B玩左好多地方。MAMI尤其興奮既係當中兩日既遊山玩水。遊山地點係山景/田野景色標緻既PEAK DISTRICT。玩水就一定要見水，所以我地去左湖區（LAKE DISTRICT）。


又係十幾年前去過之後就一直都未有機會再去。湖區離曼城差不多兩小時車程，但比起由MAMI城出發真係近好多。所以MAMI都好把握機會去重温吓呢個旅遊景點。

同大多數既遊客一樣，我地第一站都係先停WINDEMERE。卡樂B頗有興趣餵天鵝。MAMI有禽鳥恐懼症架嘛！所以呢個項目係由DADA同哥哥（DADA既HONEY呀!)付責！MAMI就係中距離位置等候。


呢個小朋友餵餵吓D鵝又餵埋自己。。。


餵左天鵝，大家就去參觀一間介紹BEATRIX POTTER/PETER RABBIT既博物館。博物館不大，但陳設真係帶大家進入左童畫世界一樣。


參觀完就係附設既CAFE食埋個HIGH TEA。味道唔錯呀！


食飽飽，休息過後就向AMBLESIDE出發！入到城揾到兩小時免費泊車既車位。咁點知架車幾點鐘到，泊到幾多點走呢？

原來係要入附近既舖頭攞個PARKING DISC SET好時間擺係車頭，咁就一目了然啦！


先去BRIDGE HOUSE。下面就係條河。幾得意。卡樂B好興奮啦！要自己行上去坐吓，影下相WOR。。。


睇完BRIDGE HOUSE，跟住就行上山睇瀑布。條山唔難行，10零分鐘就見到第一個瀑布。

唔好期望似咩NIAGARA FALLS，IGUAZU FALLS個D世界奇景呀！

大家停一停，又繼續上山睇埋第二個。

呢段路比較抖斜少少，地上面又有水。所以大家都行得比較小心。


AMBLESIDE仲有幾個景點可以參觀，但早上入湖區既時候MAMI係FB打左卡，一位住係湖區既朋友見到即刻問MAMI會唔會過去見一見面。其實真的難得會上湖區，相請不如偶遇。所以MAMI又要DADA改行程。。。

見過3個小朋友，大家閒聊一下，又到時間回曼城。

回到曼城吃過晚餐，卡樂B洗過白白後都頗快就訓著。MAMI滿以為可以RELAX一下就覺覺猪，可是卡樂B訓到午夜既時候流了很多鼻血。。。我們要帶卡樂B去急症室呀。。。（待續）

PICK YOUR OWN & MAKE YOUR OWN

自從舊年去過士啤利園自己摘士多啤利，PAPI一早都話左今年要再去！所以公公婆婆黎既時候，我地就趁好天去左第一次。


同我地差不多時間到達既係一行十幾人既强國人！果園無收入塲費，摘幾多走既時候過磅比錢。但MAMI係見到幾個强國人就咁踎左係度密密口係咁食！PAPI見到就叫我地唔好行咁近班强國人，老板仲特登行過去同佢地講唔好係田度食！真羞家。。。

呢一次因為果園剛剛開放，未係當造，果唔算大粒，所以都摘左一陣先可以收工。


埋單既時候過磅3.5kg。


咁多點食得晒？留起一部份就咁食，其實大部份都係用黎整果醬。

第二日送左卡樂B返學就即刻返屋企開工。有公公婆婆幫手，好快就PREP好晒D果肉。


上幾次做都係用預先調校好既JAM SUGAR，今次買左普通沙糖同果膠（PECTIN），試下自己溝。

今次一次過整多D，係想比幾樽公公婆婆帶返香港既！唔想果醬儲存出問題，所以MAMI好認真開埋焗爐高温消毒D樽呀！


分左三次煮，一共有10樽制成品！


比左五樽公公婆婆帶返香港。好可惜既係有一樽唔醒起無放入寄倉行李，過海闗時被没收投籃。。。

第二次去: 係LOCAL NEWSPAPER見到另一個果園既廣告，唔遠喎，咁卡樂B放暑假我地又去PYO。。。

一去到就好鍾意呢個果園，點解？因為D士多啤梨係種係升高左既泥盤上面，唔洗彎身踎低摘。田有膠幕上蓋，落緊雨都可以照去！舒服/方便好多呢！


最緊要係：呢度既果比另一個果園大。而且D果好靚，絶少係摘左先見到個底有蟲蟲咬過唔要得。所以好快手就可以摘够收工。


雖然話去PYO唔好即摘食咁攞人便宜，我地有教卡樂B架！但始终都會試食一兩粒咁囉。。。仲滴左D汁落件衫。


最後摘左差不多3kg，整左七樽！又送左幾樽比朋友。


總結兩次加埋有10樽存貨左右。够食到明年夏天LU！