聖誕禮物篇

一早已經寫左信比聖誕老人，仲係唔止一封。。。


某日見係屋企寫個封仲未寄出，心都慌埋！MAMI将封信放入手袋話即刻返工經過郵局幫佢寄啦！
卡樂B：BUT MAMI，THERE IS NO ENVELOPE。。。
MAMI：OKAY，OKAY，MAMI WILL DO THE ENVELOPE，DON'T WORRY。。。

平安夜: 食過晚飯，PAPI/MAMI話要早早訓覺呀！唔係SANTA見你唔訓就唔會入黎送禮物架啦。。。卡樂B竟然自動波走去厨房準備曲奇餅/蘿蔔/水！

[兩年前PAPI幫手做過一次咋，咁都記得？禮物真萬能！]

NIGHT NIGHT。。。

聖誕日: 卡樂B訓醒第一句説話係：HURRAY，IT'S CHRISTMAS！PAPI落樓開好暖氣，著左燈，呀仔就即刻去大門口装下D 留比聖誕老人同鹿既曲奇餅/蘿蔔/水仲係唔係度！

有餅碎，PAPI話可能佢地趕住走無食晒。。。卡樂B聽左有D緊張呀：無食晒，會唔會無禮物比我架。。。

TEASED左佢咁耐，係時候要開估囉！


拆禮物之後，卡樂B就話’IT'S TIME FOR A PICTURE!' [做左MAMI個仔咁耐都知道MAMI想點啦。。。]

其實佢咁識做係因為知道一影完相就可以即刻開始玩D玩具囉！

一路拆禮物既時候，可能心情太興奮，完全無講多謝呀！之後MAMI帶佢上房换衫既時候，卡樂B一入到房就即刻對住空氣講‘THANK YOU，SANTA!' [算係好過乜都無講咁啦。。。]

DOLL HOUSE肯定係卡樂B今年最FAVORITE既聖誕禮物！

佢講左好耐想要一台架啦！PAPI一聽到就話唔好[感覺太女仔喎。。。] MAMI就覺得無所謂，反正MAMI細個都無機會玩過，WHY NOT？

有朋友報料呢套：木色既！SIZE唔大，唔洗驚砌好無位擺！

除左間屋之外，仲包埋全屋傢俬 +1家5口（2大人，2小朋友，1BB）。唔係既話，砌好得間吉屋，點玩喇？

MAMI砌好間屋之後，心情勁靚既卡樂B就係度一路唱聖詩，一路佈置新居。


卡樂B當正呢間係我地一家住既屋黎架。。。[發左達：有4層樓架！]

日日都將D傢俬搬黎搬去。佢會將電視/沙發搬上閣樓，等PAPI可以静静地歎電視。。。

[見唔見塊墙花左呀！有人話要係閣樓加道窗喎。。。]

另外，PAPI又幫間屋添置左一個FIRST AID BOX。


臨訓前，卡樂B會收好返晒間屋，但兩晚都比MAMI發現棄嬰！問佢點解唔收埋BB，佢話：'THIS IS OUR HOUSE，AND WE DON'T HAVE A BABY!'


而家卡樂B（同MAMI）每日都好忙：唔係玩呢個玩具就係玩個個GAME，玩玩下又要做下鬼畫符，剪剪貼貼，ETC。。。

最後，送上卡樂B係學校學會一首關於聖誕老人既歌：WHEN SANTA GOT STUCK UP THE CHIMNEY。

DR. SEUSS

返左兩個幾月學，MAMI每日都會同卡樂B讀故仔書，呢個仔暫時對閲讀都仲頗有興趣，有時話唔讀咁多，早D訓覺都唔開心，驚讀唔够數MAMI唔簽閲讀卡，自己個班會係閲讀獎勵計劃中落後。。。11月尾，卡樂B已經完成左第一個READING MILE CYCLE，得到左個GOLD AWARD WRIST BAND！佢好開心呀! 話要留返黎報置聖誕樹。

MAMI見佢讀得咁落力，又揾下其他故事書比佢試下啦。諗起幾年前朋友送既CAT IN THE HAT。個陣細個唔識睇，就剩係MAMI讀比佢聽。

但跟據介紹，5嵗左右既程度就可以讀到喎。。。就比佢試下讀唔讀到先！

果然！卡樂B一開始讀就鍾意左本書!

點解？

故事簡單有趣，佢一路讀就一路話：THE CAT IS CRAZY！MAMI有時見夜，要收書，佢都唔肯！

用字方面，大部份都係初學閲讀常見3-5個字母組成既詞語，而且好多生字都係押韵既，識得基本PHONICS既都可以讀到全書7-8成既内容。其餘既讀錯少少，MAMI幫幫手又加D想象力，都會估到個個係乜字，成句點解。

對小朋友黎講，咁大本書自己讀到/明白咁多，好容易就令佢地多左信心/興趣繼續讀落去。

DR. SEUSS寫過一系列既兒童故事書，内容用字深淺都有。剛剛MAMI見有特價，就買一套係屋企看門口，卡樂B可以慢慢睇。。。


完成左CAT IN THE HAT, MAMI揀左FOX IN SOCKS。。。

FOX IN SOCKS既句子，勁押韵/好翹口！


睇就無問題，但要讀出黎，MAMI就覺得比大人讀都認真唔易呀！所以卡樂B有時都會讀到無乜心機。。。

點算？

老師都講過初初做閲讀，小朋友要熟左個故事用詞先可以幫助發展閲讀既FLUENCY，佢鍾意既故事，可以讀完再讀。唔熟/難D既故事，更加要讀多幾次！不過當然唔可以强逼性咁不停番讀。

所以MAMI會决定每次讀幾頁，讀完新既部份又抽番以前讀過既一/兩頁讀多次。除左等佢可以慢慢消化/明白故事内容，又可以比多D機會佢練習下D發音。

呢本書係要花多D時間先可以完成，但無所謂啦：總好過半途而癈嘛！

趕趕趕。。。又到聖誕！

聖誕禮物: OF COURSE超大部份都係卡樂B既! 最早個批係8/9月趁有减價已經買定，12月頭就包好晒，收返埋晒係車房。。。

卡樂B都仲好相信聖誕老人，所以雖然屋企擺左聖誕樹，D禮物都仲係要平安夜等佢訓左我地先可以搬出黎。。。

聖誕卡：今年前前後後買左差不多60個卡。[讀左書既小朋友通常會全班個個都派，仲有老師，校嬸，ETC。- 好鬼大工程！]

12月頭就開始督促卡樂B寫卡。MAMI想剩係叫卡樂B付責簽名，但呢個仔又固執，要自己親手寫抬頭/印圖案，用多好多時間呢！但都總算12月中前完成全部寄送。

CHRISTMAS PLAY：全學最低班既小學雞，劇目一定係FIRST NATIVITY架啦！

每日老師都會同小朋友排練，但到正式公演都仲係好 ‘蝦碌’：唔記得台詞，行錯位實有。卡樂B係牧羊人之一，有隻羊要成日跟住佢，但當日隻羊心情唔靚，剩係不停啜手指！不過成班小朋友唱歌又真係CUTE到呢。。。

SANTA'S GROTTO: 本來預算同卡樂B慶祝生日既週末去兩個GROTTOS，點知兩個都鬼咁多人等，係講緊一小時以上既等候。唯有放棄！

第3個GROTTO，都等左成半個鐘，入到去個SANTA 同個ELF都好COOL，倾完一陣計同卡樂B影左張相就算，但張相SETTING好差，卡樂B坐一邊，另一邊係一張空凳，連個鏡頭都懶移！張相咁難睇，問可唔可以影多張都話要等多半個鐘，最後梗係唔買張相啦！

卡樂B每年都有SANTA合照，今年唔可以無（MAMI話既！）所以MAMI又要上網再揾邊度有GROTTO，又有朋友報料，揾到第4個GROTTO！

PAPI有3次不愉快經驗，呢次去到話坐係車度等我哋。MAMI當然話NO啦！LUCKILY， IT DIDN'T DISAPPOINT AT ALL!

CHRISTMAS DINNER：同往年一樣，食中式CRISPY DUCK+PAN CAKES。平安夜一早就去超市，好彩有最後兩盒。今年想買聖誕木頭蛋糕架，行左兩間超市：竟然一盒都無剩。。。整定今年無得食！

今年都係同往年一樣：唔係白色聖誕，但今年係勁落雨。。。真無趣。。。聖誕+新年MAMI同卡樂B有兩個星期假期，之後可唔可以有其他活動就要睇個天啦！

最後，梗係要同大家講句聖誕快樂啦！2013年事事順利，身體健康！

鬼畫符

講下卡樂B學寫字啦。。。



卡樂B係屋企一向都少揸筆，唔多唔少係MAMI既畫牆恐懼症造成。

上左RECEPTION，都真係要認真準備日後學習上需要既技能啦。

不論家長有無係屋企自己教過小朋友寫字，老師每個星期都會派幾張印左字母既HANDWRITING SHEETS比小朋友返屋企練寫，順便練埋個幾個字母點發聲。

練發聲卡樂B問題不大，但一要寫字就慘啦。。。

明明鬼咁精神睇緊電視都可以即刻狂打‘喊路’，猛話好攰。寫唔够兩隻字就話要去廁所。過一陣開始講東講西。。。MAMI耐性好有限，好想佢快快手手寫完收工。想咋！現實梗係無咁順利啦。。。

於是每次練習都係教到由細細聲氹變到大大聲閙，唔洗講都知卡樂B梗係喊晒口啦！

MAMI唯有問老師問點算好！老師既ADVICE係每次寫10分鐘就要停，唔係小朋友專注力開始下降，再逼效果都唔會反彈/變好。又同卡樂B講左要比心機試多D寫字。每個星期又加派D印有横直虚缐既圖畫比小朋友跟住填，練習隻手定D。

MAMI見卡樂B揸普通鉛筆好似好吃力，揸學校既三角肥筆好似寫得好D，於是又换過D筆比佢，希望有幫助。

繼續每星期既鬼畫符大戰。。。

某日，又寫到趕煮飯，趕開飯，趕食飯，趕訓覺，卡樂B寫到唔想寫，喊晒口，MAMI閙到無氣再閙既時候，MAMI唯有唔再出聲，咪左入厨房煮飯，連隔幾分鐘出去CHECK下都費事做啦！

過左一陣，卡樂B竟然自己寫好一張‘r’字拎入厨房比MAMI睇！

開始對揸筆少左抗拒。上星期開始，仲開始寫多左少少其他野呢！估唔估到佢想寫乜？


CARLOS [l，寫多左，删去！] IS 4。


DAD LOVES MI [ME，唔記得點串，用PHONICS拼成MI，很潮的寫法！]

第一次寫生日卡比同學仔：有名，有GREETINGS [HAVE FUN], 簽好名，仲有XX（兩個够囉喎！]

呢個星期既大制作係寫信比聖誕老人！MAMI同PAPI一路都有提卡樂B今年要寫個WISH LIST比聖誕老人，係屋企都有一個LIST寫緊。但當日經過百貨公司玩具部既時候，卡樂B一見到個郵桶同信紙就二話不説，即刻坐低寫信！


信紙已經印左DEAR FATHER CHRISTMAS都唔理，自己就開始寫DEAR SANTA。。。[寫錯左又無得刷，好MESSY。。。]
I AM GOOD [佢想寫I HAVE BEEN GOOD。。。 但趕時間嘛，MAMI教寫簡單D。]
DOLLS HOUSE PLEASE。

希望聖誕老人明佢寫乜啦！

呢個仔。。。真係逼唔黎，要等到左某個POINT，時機成熟/開竅先得。。。

講乜話？

卡樂B入學既時候有表格要填第一語言係乜。PAPI係西文人，MAMI係中文人，但卡樂B係英文人！

無法啦。。。其實卡樂B細個個陣，PAPI好多時都會同佢講西文。MAMI就中文/英文/西文都講。一嵗幾前，卡樂B對西班牙文既反應好好架，就連初初學講NO，都係西文發音既NON。大大下，睇得電視多，同平日PAPI/MAMI係屋企都係英語對白，卡樂B就變左英文人啦。。。

又唔至於乜中文都唔識聽。但好多時都聽出個大頭佛：

有次MAMI同卡樂B提起某某表哥，卡樂B就懶醒咁話: 表哥’S NAME IS BILL [表]！

諗住佢咁鍾意食雪糕，就教ICE-CREAM既中文點講啦！唔係唔識話比公公婆婆聽嘛。點知教極都唔記得！問親佢乜野係雪糕，佢就答：SUGAR！

朱古力：佢比較認真學呢個字，但發起音黎好肉緊先讀到個朱字，好攪笑！

最識得講既中文字係：唔得！因為MAMI成日問佢比MAMI咬一啖得唔得。所以佢一定好大聲話唔得！咁。。。錫一啖呢？得！

最巴閉既一次：係電視學識用普通話講紅蘿蔔，MAMI講紅蘿蔔，佢即刻改正話“胡蘿蔔”先啱！其實佢只係識得幾個中文詞語，咁都比佢捉到。。。

佢覺得自己係識中文架，某日PAPI講比MAMI聽電話响，知道應該係公公婆婆打黎，但自己同公公婆婆雞同鴨講，所以無接電話。。。卡樂B聽到呢度就插嘴，“DADDY，YOU KNOW CHINESE。YOU CAN SAY恭喜發財，身體健康！”


西班牙文，而家剩返D乜呢?

同班同學中有個原來係西班牙媽咪+英國爸爸，自從某次係超市撞見問過大家郷下之後，卡樂B每朝見到同學仔既媽咪就西班牙人上身咁，大大聲同人講’HOLA！‘[HELLO]，放學又懶醒咁’ADIOS，AMIGOS！‘ 同學仔其實係比較文静/怕醜，次次都咪埋唔出聲。同學媽咪都好開心同卡樂B玩幾句。

係屋企，佢最鍾意食完YOGHURT之後講SE ACABÓ! [IT'S FINISHED]。叫MAMI過去睇野就郁晒手指講’VEN AQUI' [COME HERE! ~ 好似叫狗咁。。。唉！]

以前識得既生字，而家都應該唔記得七七八八，甚至八八九九。。。屋企都有D西文讀物既，但開左學就難揾時間做呢D額外野LU。。。
識講咩話，就係咩人。人地問卡樂B佢係咩人個陣，佢既答案係：I'M HALF CHINESE，HALF SPANISH & HALF ENGLISH 。。。

UPDATE：卡樂B講中文既CLIP:

開學篇 ~ MAMI的適應

卡樂B開學差不多兩個月MAMI既ROUTINES都調較得七七八八啦！

起床時間同過往分别不大，卡樂B都慣左早起送MAMI返工，所以而家返學都係一樣：6.45-7.00左右啦！初初幾日，怕卡樂B食早餐會整污髒校服，會等食左早餐先换校服。攪到臨尾趕出門口時好緊張。而家會一起身就换校服，著件屋企外套食早餐，條褲就要食得企理D，唔好整污糟。

MAMI要早D换好衫落樓陪卡樂B食早餐，呀仔食早餐超慢。。。MAMI同PAPI達成共識：早上唔可以開電視！少樣野令呀仔分心，希望早餐食得好少少啦。。。

食緊早餐同時，MAMI要執自己返工既飯盒/小食。當然要打理埋卡樂B既返學用品：水樽/纸巾/BOOK BAG。初時，樣樣都試過帶漏：MAMI帶左飯盒無帶食具，成個禮拜都唔記得帶糖返OFFICE冲茶。卡樂B就無水樽，另一日就無紙巾，又試過交少飯錢。。。而家可以早一晚執定既就執定，MAMI又會同卡樂B講要CHECK要帶乜返學，希望佢快D上手，可以幫手提醒返MAMI。

大家一齊出門口，先送卡樂B去學校，泊好車行3分鐘到學校，入課室陪卡樂B 10分鐘左右先BYE BYE，等佢可以SHOW下比MAMI睇做左既手工掛左係邊度


又或者一齊坐低畫下符咁啦。


打鐘，MAMI走人又行返3分鐘上車返工。OFFICE附近最近改左路，以前車到門口，而家要行多幾分鐘。返到OFFICE，好多時坐落唔夠半個鐘都已經要去冲杯茶回回氣/HEA下先得。通常1點前食LUNCH。以前2點放工，LUNCH BREAK無耐就走得。而家做到2.45先放工，一到2點就飯氣攻心，釣魚釣到(好驚撞親個鼻呀。。。）。唔係就要勤D起身去洗手/洗杯。。。一够鐘就要即走！盡量要課室一開門就見到MAMI係度等緊，唔係既話，遲左凑仔，學校話小朋友會變得無安全感。。。而且好多時老師會貼小告事係門口，唔早D到週圍望下就會錯過/做漏左都唔知架！


MAMI又要重新學習學校既規舉：某日等緊入課室前，卡樂B話急急，MAMI見仲有成5分鐘先開班房可以用班房洗手間。於是急急脚帶住卡樂B見開門就走入去學校去揾其他洗手間。點知比OFFICE既書記大嬸見到我哋係一個唔應該出現既地方出現左。。。MAMI被丙：“點解你會係呢度架？” MAMI當堂打左個突：吓。。。揾洗手間咋。。。乜原來唔跟門口出入又唔啱規舉架？MAMI唯有話卡樂B急但課室又未開門。。。卡樂B好記住呢件事。過左一日，佢見到老師都仲要問住點解MAMI帶佢去洗手間都要比人丙。。。經過呢次，MAMI會小心，唔會再行差踏錯啦。。。

改左工時，MAMI變左遲返遲放，都OK既！但最大問題係：MAMI想學校假期既時候返少D鐘，所以改左TERM TIME一星期返4日工。返左咁多年開3停4既日子，而家返工返到星期三（第3日既公作）就成日覺得跟住係星期五，唔洗返！記得返原來仲有1日工（星期四）要返既時候。。。感覺好唔好受呀！

幸好星期五都仲係唔洗返工既休息日，HURRAY！可以有返D ME-TIME。想去LEISURE CENTRE參加運動班，又想去學校做PARENT HELPER （乘機可以見下呀仔嘛！）SO FAR都未落實呢日會做乜。試過本來報左名學整麵飽，點知卡樂B大傷風返唔到學。唯有兩母子都留係屋企。

卡樂B未入學既日子，好多時MAMI都會帶卡樂B出城辦事/行下，順便食餐飯。MAMI曾經幻想過無卡樂B煩住，自己可以RELAX一下，享受一個午餐。初初幾個星期無左卡樂B呢隻飯腳，出街揾食好無癮呢！[但自從MAMI揾到地方走佬之後，又有D樂趣去發掘下唔同既口味。]以前可以WEEKDAY去外邊玩，人少D，樣樣都易D。而家只可以星期六/日同其他人一齊迫。。。最大大大改變係：再唔可以買淡季平價飛機票外出啦！學校假期（暑假除外）大多係1-2星期，仲一定係旅游旺季，安排返香港/西班牙探親真係幾有難度，莫講話出外旅行啦。。。

另外新加插既其他ROUTINES：MAMI星期六要洗好晒所有校服ITEMS。星期日燙好一星期所需衣物。

其實。。。係咪將呢個工序轉移到PAPI身上好D呢？WKAKAKA。。。

又走佬。。。NOTTINGHAM ~ 行！

應該出個新CATEGORY叫走佬日記。。。[吓。。。走一次，兩次都唔止，仲陸續有黎？]

係一頭住耐左，好多野見慣晒唔再新鮮，就算成日去都剩係會做指定動作，去到悶就索性唔再去。PAPI就係咁心態：成日話唔鍾意NOTTINGHAM！因為個商塲舊（呢個我讃成），購物點分散（其實去到通常都係飲茶/WINDOW SHOPPING，當散步週圍行下囉）。。。就算有時話去BIRMINGHAM嫌遠，MAMI提議去NOTTINGHAM都照BAN！所以今次走佬就揀NOTTINGHAM！

呢世人第一次踏足NOTTINGHAM係16年前。那些年。。。MAMI仲係用緊菲林傻瓜機，好慳住黎映，寫呢個POST時望返當日映左乜相。。。


原來得一千零一張，勁無FOCUS，都唔知想映乜！唔講仲一定無人知係NOTTINGHAM！唔映好過！

印象中有映過既此地一遊相，好可能係同學映左我睇過就以為自己都有一張。。。[老人痴呆啦。。。]

ANYWAY，今次去好想週圍行下，整理下D記憶。

搭COACH，50分鐘車程（即日來回£6.5），搭火車半個鐘就到（不過車費係£15！）。唔洗講都知MAMI會揀前者。未够11點就到達。天氣仲好唔錯，MAMI落左車就即刻去觀光。

COACH STATION有單車租，但市中心唔大，又有上落斜，又要煩揾地方鎖車，MAMI都係信11號巴士多D！


第一個STOP係NOTTINGHAM CASTLE。

沿途經過既一條石仔路以前有咖啡室，小商店，今次去到已經丢空晒。另一邊既一間中世纪建築物仲掛晒牌出黎‘FOR SALE'，屬於二级古舊建築物，维修保養不易，用途又會諸多限制，睇黎都幾難有買家有興趣。。。


一講NOTTIGHAM就醒起ROBIN HOOD。CASTLE都有ROBIN HOOD有關既銅像/雕飾：


行過去CASTLE入口，好少見既人頭湧湧。。。奇怪一問點解今日咁旺，原來係每年一度既啤酒節，所以MAMI係門口装左一眼就走人。CASTLE可以下次同卡樂B一齊先入去。

後來經過旅游資料中心就知道晒啤酒節詳情：入塲費每位15鎊（包1大+14杯細啤酒）。但MAMI好多年無飲酒，就算想飲返杯都唔會日光日白呢個時候飲啦。。。飲大左既話全日既活動咪要取消？


去完CASTLE，幾分鐘就去返到市中心廣塲。廣塲不時都有各類型商品PROMOTION，今次見到RENAULT展示呢架電車仔：TWIZY。現塲見好似可以用普通車既電池搭過去充電。車身係膠做既，後座打開係儲物箱，有4個轆，所以要有正式私家車牌先揸得。見到有人試揸，行得好慢。呢D車仔概念都係環保，省位，但會唔會大行其道，真係到時先知！


繼續行。。。行返去以前成日幫趁個間茶樓望望啦！經過MAMI好鍾意既一間ZARA。TYPICAL ART NOUVEAU STYLE，係出面企下/欣賞一下已經好開心，要買ZARA自己城都有，唔洗晒時間入去啦！

茶樓。。。當年同PAPI第一次飲茶既地方，PAPI仲食左呢世人一千零一啖鳳爪！但最後去個幾次，PAPI食完無耐個肚都唔舒服，所以就唔再去。今次黎望下：已經執左！同一位置開左間平價中式快餐。OK！得個知字。

行遠3分鐘係一間MAMI想去探索下既ASIAN SUPERMARKET。網上見到資料以為係新開既，但一入到去，比我城個幾間仲要差！D貨堆到無位行，仲有一陣霉味。。。收銀後面有機賣珍珠奶茶，但見間野咁唔企理，梗係唔幫趁啦！都應該唔再去，後會無期啦。。。

咦。。。書局出面有人排隊，一定係有簽名會。行過去望望：STUART BROAD [網上資料話此人：6尺5寸高，86年出世，係我地呢頭長大既80後板球球員]會係度賣親筆簽名既自傳。書/板球MAMI都唔好，繼續行。


唔行嗰個好悶既商塲，NOTTINGHAM有幾條步行街好好行架。。。雖然NOTTINGHAM人口比我城少，但居民消費力唔弱架！所以大百貨公司JOHN LEWIS係度都開左好多年。呢度既品牌店舖比我城多架！亦有一D好ORIGINAL既精品店/手工鞋匠/餅店。呀！MAMI仲發現NOTTINGHAM市中心有好多飛髮舖（真係男士幫趁嗰D BARBERSHOP wor）。。。唔知點解呢？


行下睇下，成點鐘先去揾野食！食左乜。。。呢度有講！

食飽飽之後行埋最後一間想睇既舖頭：LAKELAND。

今次行程無上貨呢個項目，MAMI剩係買左兩樣野：比卡樂B既ROBIN HOOD故事書（上次去SHERWOOD FOREST想揾架啦，但竟然無！今次係旅游中心買到。）另外就係呢個厨櫃架。揾左好耐先揾到啱SIZE，間多一層擺D矮細D既調味樽，而家D樽仔唔洗叠住上，攞起黎方便/安全好多。。。


回程時。。。BOOKED左位個班3.20pm COACH竟然DELAY！MAMI計啱時間PAPI完凑放學就開車過黎車站接埋一齊返屋企嘛。。。點知話4點先埋站，梗係唔得啦！即刻又要返站頭揾人改車票。下一班車就算準時都要遲成半個鐘先返到。無法啦。。。車一到MAMI就企定車門口等司機查票上車。但司機話要比原本訂左呢班車既乘客上晒車有位剩先到其他人後補。。。等得好心急，好彩MAMI都上到呢班車，但返到城比原定時間遲左45分鐘。

午餐實在食得太飽，MAMI無食晚飯，PAPI同卡樂B好似食左薯仔/炸魚/焗豆晚餐。。。