Almalyho 卡樂B媽咪: November 2009

Saturday 14 November 2009

熬火車

某日...
艾先生:個次你同卡樂B去睇THOMAS TANK ENGINE坐左火車囉?
卡B媽: 係呀,蒸汽火車黎架

艾先生: 不如我地揾日搭火車啦,唔洗去好遠,坐半個鐘左右就最好...
卡B媽: 好呀!NOTTINGHAM囉 [哦...原來心有不甘無同卡樂B搭過火車,電器化都照殺

]

於是我上網買火車票同訂坐...

英國交通費出名貴到飛起,要平就要幾個月前買定...LAST MINUTE買飛D價錢真係啪得住飛機票咁濟

. TICKETING制度係賺頭蝕尾: 好多時單程票同來回票只係差幾鎊甚至幾十便士,所以有時就算回程有車坐,為免有差錯要自己搭返火車走,我都寧可比多些少買埋回程,買個安心

大部分班次都可以買飛時免費劃埋位,上到火車就對號入坐,當然都會有人剩係買飛,上到車先揀位...我地為左想個旅程安排好D,當然劃埋位.

世事無絕對...我地梗係又出事啦

火車開12點30分,因為要揾位泊車,我地已經提早開車出城.由於開始"近"聖誕,多左人出城購物,星期日街位又唔洗錢,攪到D車位好難揾.終於兜左20分鐘成12點先揾到位,拿拿聲去車站D售票機印D飛出黎就即刻入閘.

火車一到站停3分鐘就準時開走,我地就摺定PUSHCHAIR,"咩"晒所有野上身準備上車...一上到車,攞住張飛對號,對號,對...有人左坐我地個位?我地都未出聲,個姐姐好快就話呢班車無劃位.我就唯有見位就坐低先算.後來聽到CONDUCTOR話因為電腦故障,LOAD唔到訂座資料上車,所以全車自由席,任揀任坐!我地呢D中途上車嘅就真係唔好彩

.

火車行到一半就到左一個機場接駁站,好多人都落車,我地先可以坐返埋一齊(10分鐘咁大把!)
雖然你唔洗買票,但你都唔洗坐檯架...

卡樂B在巡視車箱...

向後行好D,有小食吧呀...

到NOTTINGHAM,又係先去祭五臟廟!出返黎,陽光普照...仲已經有聖誕裝色裝飾.

不過我地就趁卡樂B午睡乘機SHOPPING...

又係時候要返歸.午飯後有一袋打包,SHOPPING有兩大袋收獲[買完出黎艾先生就話係咪有車好D呢?],所以我地上車嘅部署就要更加小心. 點知...我揾黎揾去都唔到張劃位票(因為入閘/劃位票係分開兩張印出黎架),一定係上一程趕入閘跌左都唔知

唯有硬住頭皮上車見位就坐,呢班車又係電腦故障無訂座資料顯示,不過好不幸地我地安頓好後有人攞住張劃位票黎攞返我地個位[點解我地去程個姐姐又唔肯比返個位我地

] 艾先生為免卡樂B要同我逼埋一個位就抱住卡樂B企左去輪椅停泊區.我就坐係度看住所有雜物.

落車啦! 艾先生終於鬆一口氣

,急急腳上返佢嘅愛車,簡直有回到家嘅感覺

.艾先生仲話再有下次嘅話,佢會車我去火車站我自己搭火車,佢自己揸車過去等我...

雖然今次天時地利人和都夾得唔好,不過我始終都好享受搭火車嘅樂趣.就算艾先生以後唔陪我搭火車,等卡樂B再大D我都一定揾機會帶卡樂B搭多D火車去唔同嘅地方睇下野,揾朋友聚聚!

Saturday 7 November 2009

卡樂B的雙週記

過去嘅兩星期發生左好多事,仲每件事都係我擔正主角...

10月16日: 完成巴塞之旅

10月18日: 參加一個生日聚會,下午去PLAY CENTER 玩,夜晚上酒樓食飯 ~ 咁大個仔都未試過出去玩足成日,好開心呀!!

10月19日: 趕去見我嘅偶像:THOMAS

...

10月20日: 忙得好開心,不過撲來撲去少休息,我開始流鼻水

...係屋企休息左一日

10月21日: PAPI MAMI帶左我去NURSERY,陪我係個度玩左個幾鐘就帶返我返屋企,佢地臨走仲同D姐姐,小朋友講: SEE YOU TOMORROW...[講真！個度無電視睇,我覺得麻麻地好玩

.]

10月22日: 果然! 我地又去NURSERY啦!今次PAPI無落車,剩係得MAMI帶我入去.入到去...MAMI陪左我一陣就叫個姐姐帶左我去隔籬間房,一返出黎就唔見左MAMI

, 跟住都唔知過左幾耐,我朦朦朧朧聽到PAPI把聲,一打開眼,真係PAPI呀

...可以見返PAPI實在太好啦! 比PAPI抱返住,我就即刻

10月23日: 都係去NURSERY...可惡嘅MAMI

又重施故技,叫一個姐姐陪我睇車自己就趁機逃走... MAMI,你唔係度我連奶奶都飲唔落...喊左好耐都未見你地黎,喊到好攰...唔知點樣我就跌左落地 ~ D姐姐話我坎到鼻哥流鼻血喎

好似等左幾個世紀咁耐[MAMI註: 其實係3個鐘左右]...PAPI終於出現啦

！姐姐解釋左一次事發經過, 叫PAPI簽左意外通知書,我地就返屋企...

休息左一陣就去接MAMI放工,MAMI一見到我就話:哎呀!點解連嘴唇坎瘀左都無人見到

PAPI又即刻打電話去NURSERY再同佢地問清楚意外時嘅情形,又再一次叫佢地要小心睇住我,因為大家都唔想再有意外發生.

10月24日: 我好咳咳呀! 夜晚仲咳到嘔左幾次,MAMI要夜麻麻換晒D床舖

.

10月25日: 又疴又嘔...

10月26日: 因為我都仲係唔多精神,MAMI陪我一齊係NURSERY玩,等我可以繼續熟習環境,有個姐姐見到MAMI都黎左就同MAMI再解釋一次意外經過,不過MAMI個心話:點解意外時話同我一齊個個姐姐個名唔同左嘅

PAPI黎接我地返屋企嘅時候,又帶左我去見校長. 校長見到PAPI就話佢都知道我坎親,不過當日我係比較PLAYFUL[即係曳曳],所以就整到囉...竟然屈我

PAPI即刻就打斷校長又話比佢知D姐姐唔係咁講BOR,校長打左個突,之後就話佢會問清楚件事係點.

10月27日: 我繼續疴,MAMI就繼續洗衫...

10月30日: 本來要返NURSERY, PAPI同MAMI商量過之後覺得一個簡單嘅意外都可以出現咁多個版本,佢地好難再信任間NURSERY,如果校長問過D姐姐,揾到邊過姐姐講大話,做左"金手指"嘅我可能會遭受不友善對待...所以我地同校長講我退學啦. PAPI, MAMI要揾個第二間NURSERY.

PAPI見我都好似好返帶左我地去PIZZA HUT食下午茶.點知我飲左SQUASH,食左少少POTATOE WEDGES就即場嘔...夜晚又繼續疴

10月31日: 萬聖節咁HAPPY