籌款方法都不少架：
有大型運動比賽好似世界杯/歐州國家杯/ASHES咁，都會有同事`發起玩SWEEPSTAKES。參加既就攞D錢出黎點自己認為會赢既一隊。籌左既錢會撥出一部份買一個禮物比WINNER，其餘既就捐比慈善機構，一班同事牙較戰之餘又可以做善事，何樂而不為？
啱啱過左既聖誕節就有大型聖誕卡擺左係休息室，捐D錢就可以係卡上面寫上祝福，唔洗個個同事都派卡，既慳錢，又環保！
大節過後，又有得玩！今次係因為同事參加CYCLE KENYA呢個活動：同事要係KENYA 用5日時間踩400KM單車，籌到既錢就會捐比WOMEN V CANCER支持對抗呢D危害女性既疾病。
點玩？前個星期同事就呼喻大家捐出D唔合用/唔想要既聖誕禮物出黎做TOMBOLA既禮物。
抽籤决定左：張票最後一個數字係0或者5就有獎。
同事就將D 0字/5字尾既票頭貼係禮物上面。
票尾就混入埋其他無奨既彩票度比大家抽。捐一鎊就可以抽5張。
獎品係乜？唔該自己對/揾啦！
我都貪得意玩左一鎊銀，有一張中左呀：555！
奨品係：雙喜花樽一個！
仲有D奨品都幾吸引我架，如果聽日返工仲係度，可能我又會出少少錢，買多幾個希望開心下！
No comments:
Post a Comment