最好的室內運動

好天左一排,卡樂B每日都有機會出花園或者出街散步.今日天氣麻麻地,灑過下幾滴雨,草地都有D濕...我就麻麻地想放佢出去走,無得出去就要做第二樣運動黎消耗下D體力,唔係既話...呢個小朋友係會死撐話唔眼瞓...攪到黃昏先黎瞌眼瞓,到左夜晚就大鑊!
 
PAPI於是出動殺手柬...
 
[舊年暑假買左呢樣野,PAPI唔想買架,但係真係勁平,抵受唔住既MAMI唯有脅持PAPI去抬佢返屋企...                          

]
 
一攞到出黎就已經笑晒口

 
一路望電視,一路玩...頭幾輪好似上左鍊一樣,滑完一次又一次,無停過!                                                                                    

 
呢D曳曳玩法,唔洗教都自然會識!

 
過左10分鐘左右,開始放慢啦,仲坐低埋休息添 ~ 我地奸計得逞啦! 哈哈哈...                                  

 
見佢咁攤係度: 喂! 攰啦? No no no...

最後...卡樂B小睡後返到落黎一望就一臉疑惑咁問MAMI: SLIDE? MAMI話: 無呀! 唔通我發夢...