馬不停蹄，又再南下!

去完LEGOLAND返黎未坐定，MAMI又帶住卡樂B南下！去倫敦MEET-UP香港過黎既死黨！

PAPI無報名參加，MAMI同卡樂B自己坐CHOO CHOO TRAIN落去！

個零月前買票。卡樂B唔洗買票，但人滿無多餘位就要坐MAMI大脾。上網訂票個陣望望：咦...頭/二等既票價相差無幾BOR！今次就豪D坐頭等啦！張椅大D，萬一要坐大脾都無咁逼嘛！[而家ONLINE買火車票都有CASHBACK，MAMI又執返幾十便士入袋。。。哈哈哈！]

來回票+訂坐票+地鐡票+收據=6張PRINTOUTS! 袋穩呀！唔係就會好似上次咁，揾唔返個指定席，變左無位坐架啦！

星期日通常都有鐡路維修/保養工程，火車會改道，行遠D/慢D，平日最快一個鐘既車程，今次要差不多兩個鐘完成！

好彩地。。。卡樂B帶埋好朋友MEKKA PAKKA一齊去。

上到車，食左早餐，就開始玩！

車程最後比原定時間早左10分鐘到站，死黨亦一早到達坐定定等我地出黎！

英國天氣“3時花，6時變”，我地只係簡單想定左幾個地點，到見面當日再視乎天氣/時間/精神状態先落實去邊度玩！

2011年10月2日竟然係晴天，仲好熱（天氣反常既10月熱浪！）。可以户外活動。我地就决定去COLUMBIA STREET FLOWER MARKET行下。

哎吔。。。地鐡又維修！唯有上地面搭巴士啦！

COLUBMIA STREET既花市同香港既花墟好似：一樣成條街擺滿花檔，一樣係幾吊脚既地點。落左地鐡/巴士都要行成10分鐘左右。我地行行蕩蕩又MISSED左個街口，又要問人點行返轉頭！最後都揾到花市位置。又同花墟一樣：人頭湧湧！

寫呢個BLOG個陣CHECK返D相先發覺原來當日影左好少相咋！無法啦：天氣熱，人又多，卡樂B都唔係好慣，所以都要多照顧/望多佢兩眼呀！

花種類繁多，價錢都唔錯。我最想買個盤無花果囉 [保證有收成嘛！] 但點抬住上火車呢？。。 。哈哈哈！

行完花市，都係要搭巴士走！坐住熱狗巴士，熬到卡樂B訓左！都好！有個小休差下電，唔係實無力跑埋下半塲！

巴士出到牛津街總站我地就落車。上一次黎牛津街SHOPPING，大大話話都成10年前LU。講路過既話。。。都應該係4-5年前既事。真係變左個郷下婆。。。原來而家開多左咁多國外流行品牌旗纜店，MAMI都只係可以經過門口嘩一聲就要繼續行。因為下半塲主力係食！

去到茶樓，等到位就即刻點野食啦！叫滿一檯，好似前世未食過咁！

但好唔好彩，卡樂B每次食點心必食既芋角已經沽清！[早知唔特登行過黎食中餐啦！]

食過LATE LUNCH又要回程LU。。。短短幾小時既MEET-UP，卡樂B都同MAMI既死黨混熟左，一路行去月台上火車都仲一路轉頭講拜拜。下次再見會唔會唔肯走呢？？？

又南下一遊

今年父親節南下玩左兩日，PAPI又玩上瘾，叫MAMI等D小朋友開左學又揾個週末去玩多次。

今次都唔洗做乜特别RESEARCH，就係照上次行程一樣就可以啦！但MAMI都要CHECK清楚D细節。

一CHECK！我地食點心既指定地點装修，要轉移陣地：揀左倫敦外圍同一集團既分店。

食物水準。。。係差少少既。最大問題係服務唔多好！PAPI話無下次！

去到酒店。。。本來想睇飛機，可能季節/風向唔同左，又或者係跑道維修保養，今次D飛機無係最近停車塲既跑道降落呀，呢個行程要臨時取消!

唔緊要啦！横掂都已經天黑，又大風，去餐廳食少少野就覺覺猪準備聽日既活動啦！

第二朝，唔洗好似上一次趕餐死咁去麥當當食早餐，但入到去都頗煩忙，等左一陣先攞齊晒D野食開餐。

食飽飽就向LEGOLAND出發。PAPI已經認得路，好快就去到目的地，泊好車！



今次MAMI做足功夫，係網上揾到一PRESCHOOLER加一大人既特價COUPON，一大一细慳左50鎊！仲有一大人又點入塲呢？MAMI係網上投到轉讓既COMPLIMENTARY TICKET，盛惠10鎊（又慳30鎊！）今次好抵玩呢！

上次黎玩，每個RIDE都係等10/20分鐘左右，MAMI都已經覺得少人/易玩架啦。開左學，成個PARK都静晒，今次係。。。1分鐘都唔洗！

所以卡樂B呢頭玩完一次駕駛學院，一落車就行返轉頭又玩多左一次。够晒數！



上次卡樂B見到有水既都唔肯玩。今次竟然比MAMI/PAPI帶住就上左賊船都唔知！

好難得地一家3口坐左一次船仔，個圈都頗大，如果PAPI唔上船，MAMI都可能揸船揸到手軟。



MAMI真係好想坐今年最新開既ATLANTIS SUBMARINE VOYAGE ~ 潛水艇水族館，所以就同PAPI講當散步咁散入去排隊，希望卡樂B可以唔覺唔覺上左船。

好好彩，行到水族館，係無人既，即入！PAPI/MAMI就呃住卡樂B話去揾OCTONAUTS (卡樂B近來好鍾意既一套卡通動畫）。

一隻潛水艇應該可以坐10個人左右，但當日我地得我地同另一個FAMILY，人少少無咁CLAUSTROPHOBIC，真係一個大幫忙。

卡樂B其實都知道唔係OCTONAUTS，自己話比我地聽而家係係潛水艇入面，咁就好做啦！大家就一齊睇下D鲨魚/魔鬼魚/LEGO砌成既海底世界，ENJOY THE RIDE！


坐完潛水艇，帶卡樂B去坐兩次DINO-SAFARI。坐完，卡樂B話攰，玩够啦，連LUNCH都話唔食，要返酒店（CHECK OUT 左啦，仲邊度有得返呢？），於是我地就提早開車北上返歸囉！

而家都仲可以閒日/淡季同卡樂B去玩，避開人潮，下一年卡樂B正式入學就去邊都要等學校放假先可以，即係人多/旺季收費，真係要趁今年最後一年要去玩多D先得！

博物館遊踪：ABBEY PUMPING STATION

趁住有FUNFAIR，又帶左卡樂B去行參觀下D歷史建築物。

呢個係PUMPING STATION，以前付責將係城收集到既污水PUMP去城外既污水處理廠。PUMPING STATION有百幾年歷史，其實都用到60年代先關閉。除左機械部份，建築物本身設計/装飾得好靚。

呢组PUMP係同類型既PUMP中保存得最好，4個之中有3個已經復修好，可以運作。

一入到機房，好暖呀！D碌好大呀，仲係轉緊架！

爬兩層樓梯就上到PUMP房頂樓，見到PUMP既另一部份好似摇摇板咁一邊上一邊落咁郁緊。

除左呢個主角，仲有D展覽介绍各種機電/科技產品。

小朋友就梗係手多多鍾意摸呢樣，玩個樣。入到黎就可以學吓織野，够手力既就可以試下手動發電點著個燈泡。

卡樂B見到電車/纜車呢D有碌既物體，真係玩到唔捨得走！

動畫係點黎既，呢個小實驗話你知。

呢個用黎做乜，MAMI睇唔明囉！

因為係FUNFAIR活動，週圍都擺多做好多舊機器/舊車比大家見識下。

坐小火車，行到一半停左！個車頭仲走埋！改用另一個車頭拖返埋站！

當日仲有乜玩？可以放船仔，可以睇PUNCH & JUDY，搭古老巴士去城。



卡樂B對於沙既興趣普通，但臨走個陣，沙池少左人，都走埋去玩左一陣，但只限係池邊玩，仲未肯赤脚踩落D沙度！

最後既節目：食一啖雪糕。唔好以為食左好多先影相呀！個雪糕佬真係好MEAN，咁少都比得出！早知MAMI堅持要到麥當當先買啦！

火燭館開放日

 星期六屋企附近既消防局攪開放日，卡樂B對消防員既興趣普通，但MAMI一向都係抱住多睇多見識既態度帶左卡樂B去八下！
消防員制服既顔色，同MAMI（記得）係香港見開既唔同。鮮色D應該好D既！但都有兩SET唔同既，我想係視乎當日任務/性質决定要著邊套啦！

週圍都見到呢D一堆堆既物體，連車上面都有，看似混亂，其實係已經預先套上左條褲既高筒靴，雙脚一插入對靴，揾手一抽褲頭就著埋褲 ~ 平日趕出門口返工都可以試試呢個方法！



開放日又有D小遊戲比大家嚐試操作D拯救工具：

救火喉：係小朋友都鍾意玩水，所以呢個項目好受歡迎。每次一開水喉，就有兩個消防員跑黎跑去做人肉箭靶比人射水。MAMI問卡樂B去玩水好唔好，卡樂B話唔想淋濕消防員，唔玩！



箝：要用個箝攞起隻蛋，當然係唔箝爛為之成功，但原來用少少力都會箝爛隻蛋，呢個唔易玩呀！



坐迷你火燭車：哈！卡樂B竟然唔肯排對，唔坐！



但卡樂B對D真實既火燭車装備就有興趣多D。




除左睇装備就係睇車既牌子！



當然唔少得既就梗係拯救示範。



唯一想玩完又玩既就係MINI GOLF, 仲要玩到出晒猫，擺到個波係洞口先撥個波入洞。。。



今日又鍾意玩手指，一做到五都唔厭！


行行下又够鐘醫肚/返歸，咁又一個暑期節目！

CADBURY WORLD

今次聚舊既其中一個項目係參觀呢個以朱古力為主既旅游點。我地一行8人去，都唔算人少，入塲費都山大斬埋有柴，MAMI就周圍揾下邊度有優惠啦！結果係EBAY揾到大人全費/小童免費VOUCHER，攪掂左全團3/4人既入塲。卡樂B唔洗入塲費，MAMI就揾左另外一張成人8折入塲既VOUCHER。咁就大家都可以慳返少少錢！

吉百利世界係室内景點，基於安全理由，要好嚴格控制塲内人數，去參觀就要預約入塲時間。如果WALK-IN，就要等到有QUOTA先入得，[暑期旺季，WALK-IN要等個零兩個鐘架！]

够鐘就可以開始參觀。工作人員查左飛，就每人派2排朱古力。


朱古力到手，小朋友們就即刻開動！邊食邊看展覽：可可係點揾到既？朱古力係點發明既？吉百利家族又點樣經营呢盤生意。



到左包装部，又有朱古力派，今次派DAIRY MILK，努力，繼續食呀！ 包装部係參觀唯一可以見到既廠房部份，但唔准影相架！大家就跟住一條長長既走廊望到D朱古力係輸送帶經過，包好，入盒。


跟住去CADABRA （坐車仔）,望下D MINIATURE佈置。上車前講左見到有鸚姆就望鏡頭笑笑啦，點知個個都東張西望，掛住影相。。。哈哈哈



跟住係朱古力造型示範區，可以摸下個暖暖既朱古力罁，又可以見到D技師同D朱古力装身。



卡樂B一見到，就話要買比DADDY做禮物！呢個係實心，唔係空殼黎架！所以都重重地架！



未食够既朋友，可以試食朱古力漿，卡樂B當然唔會放過任何食朱古力既機會。今次仲食左兩次！



下一個部份係ADVERTISING AVENUE，精選左咁多年既吉百利廣告擺返個SET/放D片比大家回味下，D擺設全部都係啡色，望到MAMI眼都朦晒!



接住就係去遊戲區：可以玩好過瘾既彈叉，彈既唔係石仔，係CREME EGG。



又可以係用投影機玩抛波，擺POSE。



卡樂B最鍾意扎扎跳，所以玩呢個GAME玩到唔肯走！投影朱古力浆PUDDLE，卡樂B唔發晒狂踏就出奇啦！成排朱古力投影左係塊地度，大家就努力跳，要DUMP碎晒D朱古力為止，ROSES朱古力落到黎，都係要用脚踩開包装纸。好幾經辛苦先拖到卡樂B離塲。



行左差不多3個鐘行晒個室内展館。

時間/天氣關係，我地唔可以出去户外游樂區玩。



另外，吉百利家族經营朱古力廠，亦一手一脚建立起BOURNVILLE呢個社區。吉百利世界既單張都有介紹呢個社區設施既位置，例如：學校，男女分開既悠恬塲所，球塲，教堂，浴室等。員工宿舍仲係當年流行既ARTS & CRAFTS風格。成個社區就係一個模範村，後來好多新發展社區係參照BOURNVILLE開發而成。所以，户外都係好值得行下既地方。


午飯時間，個個小朋友都坐定定開餐。

開完餐，就去買返D手信返屋企。最後，卡樂B揀左朱古力售賣機（好似話係比DADDY既禮物）



MAMI其實幾年前都黎過一次，今次再黎都無覺得悶BOR，因為都唔記得晒望過D乜，再去感覺一樣新鮮/好玩！

薰衣草園

本來同卡樂B去公園係去FUN FAIR玩下，點知行下遠D，行下又遠D，去左公園另外一邊，發現左個薰衣草園！

MAMI梗係好興奮呀！成日想去都無得去。

雖然呢度细细地，但一行入去都好香呀！

有花香就有小蜜蜂採蜜啦！連甲蟲都黎凑熱閙呢！


卡樂B又點呢？現塲真係有唔少蜜蜂，卡樂B又唔慣係D樹度穿來穿去，所以都有D唔自在架！

但佢當日都幾乖乖，跟住MAMI行左唔少時間等MAMI影相。

所以MAMI影完相就買左雪糕獎勵下呢位小朋友。