窮人露荀，正確名稱係SAMPHIRE，成日睇電視D厨師煮海鮮都會推介呢一隻係海邊沼澤生長既藻類植物，話易整，好食，又平（住近海邊既可以係退潮時候自己去採添呀！）係超市見到，一盒都係鎊零銀，一試無妨啦！
點整？開盒，用水冲下。滾水落，2/3分鐘捞起，淋上熱溶牛油就得！
MAMI用黎配檸汁牛油帶子，又係READY-PACK，開左盒慢火煎熟就得！
食後感：窮人露荀味道算係可以，但無想象中咁好食。口感似是咬膠條咁！所以試過就算！其實而家露荀都好平/好平民啦！下次都係食平民露荀好D。
咁卡樂B又食乜呢？係香港發現原來煎魚柳都易整又好食BOR。所以MAMI就整左一份比卡樂B，好過成日食魚手指呀！
卡樂B近來好鍾意飯糰，每晚都要自己做大小飯糰各一比自己。加上幾片紫菜。唔覺唔覺就成碗大人份量既飯落晒肚！
PAPI開夜，唔洗理佢，兩母子咁又攪掂一餐，食飽飽，訓覺覺。。。
真係俾你搞到我個肚咕咕聲!!!
ReplyDelete嘩！ 乜你咁亱呀？
ReplyDelete個飯糰好得意....
ReplyDelete係呀，所以卡樂B呢排好肯食飯！
ReplyDelete自己做特別好食嘛.
ReplyDelete我都覺得係呢個原因。。。
ReplyDelete冇見一排,卡樂B大左好多呀!
ReplyDelete佢係咪胃口好左好多呢?希望佢快高長大!:]
謝謝！返黎之後，我特意改左佢一D唔好既飲食習慣，正餐食得多左，又肯食多D唔同類型既野食，所以我都覺得呀仔大隻左D.
ReplyDelete