今晚既主角係。。。

今晚食乜餸？

都有3餸架：鬼佬節瓜炒木耳/红蘿蔔絲，燒排骨 ，仲有個碟呢？

哈哈。。。估唔估到係乜？

貼士如下：

材料：猪腩肉/蒜頭/豆豉//薑茸。[鍾意辣可以加埋辣椒]

做法：猪肉洗乾浄，抹乾水就落鑊爆香。蒜頭/豆豉又係落鑊爆香。猪肉放入蒸砵，鋪上爆香左既蒜頭/豆豉/薑茸。大火蒸1小時，熄火焗個零鐘。

蒸同焗呢個步驟要重複幾次，所以分幾日做方便D。

4日後，TA DA。。。

呢個係客家菜~豆豉猪肉砵！[多得BLOG友既介绍，我先知道有呢個咁得意既菜式。]

問題：嘩！猪腩肉，個餸肥唔肥架？

我都揀盤瘦D既猪腩黎整。而且每晚蒸完攤凍放返入雪櫃，第二日攞出黎就會見到D 肥油凝固係面，我會執起呢D油先再蒸。

如果無肥肉，D肉會越蒸越乾，‘鞋’晒口，食個陣切返D肥肉唔食咪算囉！

D猪肉好淋，一夾就開，D豆豉都好好味，好送飯。

食食下呢個餸，我就諗：唔通豆豉鲮魚都係咁整既？