倫敦 - WESTFIELD CITY

呢個聖誕前後落左好多雨，攪到無MOOD出街。但過左年第一個禮拜又幾OKAY喎！所以拿拿臨又想揾D地方行下。MAMI提議倫敦，而且一諗就諗起STRATFORD既WESTFIELD，奥運期間梗係唔去啦（貪人多咩！），而家曲终人散咁耐，應該可以啦。。。同PAPI一講，佢都話可以去見識下。


HURRAY，出發！

PAPI做司機，一定要比時間佢休息够先可以出門。結果12點先出門口，去到倫敦又比個SATNAV點左條最繁忙既路缐。結果成4點先到。去客棧放低行李就跑落商塲揾食！


去到FOOD COURT真的人山人海。揾到位就去買野食，PAPI想食既炒河又沽清。。。幸好個星州炒米都唔錯。食過EARLY DINNER就行下啦！

商塲既飲食選擇好多：各式連鎖快餐/薄餅店/家庭式餐廳。。。有！想揾個檔口仔買果汁/咖啡/蛋糕/三文治/雪糕/朱古力/DONUTS/CREPES。。。有！各國美食：中國/日本/印度/越南/意大利/黎巴嫩/加勒比海/墨西哥/英國。。。有！梗有一間啱食啩。。。

其實行商塲最悶既都應該係卡樂B喇！所以食左飯行左唔够一陣佢就話番客棧。。。好彩有個PLAYAREA比佢玩一陣！


即係PAPI/MAMI唔洗行，企係度等佢玩！~ 大家遷就下啦！

結果第一日既節目晚上7點就完結。明天請早。。。

第二朝係星期六，卡樂B都係7點鐘就訓醒。原來商塲既麥當當早上7點就開門！不過我地都HEA到過左8點先落去。

嘩。。。晨早流流，個FOOD COURT同琴晚係兩個世界！無乜人，認真環境優美。。。

食過早餐，PAPI要返去客棧訓多一陣。MAMI就同卡樂B開始第二回既探索！

MAMI事先做左RESEARCH，揾左幾間我城無既舖頭去做重點參觀！

第一間：MINI STORE。屋企附近有好大間代理陳列室，卡樂B成日話要去 （運吉咩！）但呢間係品牌概念店，會賣其他MINI LOGO既產品，唔洗買車都可以入去行下。

 

卡樂B見到兒童版電動車同埋D路牌已經好開心。不停玩架車D制同轉路牌。。。

MAMI就梗係週圍隨便睇睇。。。



哈哈！揾到平野！


原價36鎊既POLO TOPS。。。减到9鎊，25折！唔買有D對唔住自己。仲買左幾粒雪櫃磁石，玩得架：拉後上鍊就飚走架啦！

不過，下星期呢間舖就關門。原來呢間MINI STORE係短期租約/POP-UP形式經营既。趁WESTFIELD新開張/人流多就擺間舖係度PROMOTE下MINI。

臨走，MAMI問SALES可唔可以比卡樂B坐一坐架MINI呢？SURE！NO PROBLEM！



MINI STORE都算係同時滿足左我地兩母子既一個好地方!

第二間：UNIQLO。一年都會上網幫趁幾次。呢度有舖可以摸下件貨/試啱先買又梗係要去望下啦！

開心大發現：改褲服務！係香港，有得改既通常都要等幾日。係英國，MAMI未見過有舖頭咁做。自己買左拎出去改最平都要7-8鎊仲要起碼5日先起貨。但UNIQLO係即日改好+免費。MAMI覺得唔利用下呢個優惠又係對唔住自己。。。揀啱/試身/PIN好長度/比錢，過兩個鐘就可以COLLECT！I LIKE IT！

趁等攞褲既時候去食午飯。今次去另一個FOOD COURT。好處係大家可以揀自己喜歡既食物，買左又可以坐埋一齊食。

點左食物就派個震機比你，整好就PAGE你去COLLECT。好方便。

PAPI再接再勵食炒麵，卡樂B有炸魚/薯條就得，MAMI左揀右揀，叫左越南湯粉+春卷。



竟然有SPECIAL EDITION既DIET COKE！PAPI問要唔要留起個罐WOR。。。BTW，係FOOD COURT買飲品，同樣係罐装DIET COKE，卡樂B個罐£1.5, PAPI個罐£1.95，MAMI買越南粉個間賣£2.2！價錢相差成70p （港幣$8.X!)

商塲係正倫敦奥運主塲館隔籬，黎之前MAMI話天氣好既話行過去參觀下都好呀！但食飽飽之後，都唔想出去食風LU。。。


望到個STADIUM嗎？係咁意影張到此一遊啦！NEXT TIME, NEXT TIME。。。

攞埋改好左既褲，去超市買少少糧草就上車。回程既時候，發生左一件令卡樂B有驚無險既事。。。