上次黎，大門口装修緊，今次見到有D眼前一亮呀！呢個部分叫HIMALAYA，所以部份装飾都頗ASIAN：
一邊係餐廳，另一邊係售賣紀念品商店。就算唔打算買票入園參觀，都可以自由WALK-IN。入到黎飲杯茶/買個鎖匙扣都係生意，WHY NOT？
餐廳既COUNTER寫住MI-THAI，HOT CHAI，MAMI以為真係有東南亞食品，望真D：全部西式！
不過，好彩都揀到野食。餐廳既窗口位對住雪豹籠，就算要執開D上手杯碟都。。。無計啦！
售票處/入口既装飾好CUTE呀! 牆上掛上各動物受助養既紀錄。既美觀，又實用！
上次黎無睇到企鵝，今次要睇左先！企鵝池有玻璃可以望到企鵝潛水。卡樂B（同MAMI！）都睇得好開心。
行到長頸鹿籠，點解比駱駝住左既？返到屋企揾料先知道：原來長頸鹿兩個月前移左民去德國。AUF WIEDERSEHEN。。。
咁多種馬騮/猩猩，CHIMPANZEES真係同人類最近似。
而家天氣冷，好多動物都要保暖呀！大龜要晒燈，環尾狐猴就幾隻擁埋一齊!
今次黎都算天公造美：唔凍，無落雨！但之前成個星期都落雨，D FOOT PATH滿地泥濘。。。MAMI唔記得帶WELLIES，真失敗！
行到咁上下，又行返去餐廳飲杯茶。今次見到雪豹訓醒，行左一陣，好興奮呢！
最後。。。帶大家去埋洗手間。有蟻呀！其實呢個蟻竇係一個鏡櫃，住入去既係好鍾意咬/搬葉既LEAF CUTTER ANTS。呢個DISPLAY好有心思，攪到MAMI忍唔住手要影低!
冬天早天黑，4點左右都係時候返歸。行到出門口，好嘈呀: D動物真係一入黑就開始生猛，一隻叫開其他既就跟住起哄，LET THE PARTY BEGIN！
No comments:
Post a Comment