] 但佢個仔係會自己要求食MOUSSAKA送飯做晚餐架
。MAMI見佢咁鍾意食，又覺得現成既始终無咁健康，於是又問下有邊個RECIPE好食/易做，揾到左DELIA SMITH呢個。今晚就[盡量]跟住黎做左一次：
處理茄子係呢個食譜最花時間既部份，茄子切粒後要洒鹽，放埋一邊逼D水份出黎，然後開焗爐用大火焗半個鐘左右。備用。
跟住就係洋葱/蒜頭切粒，中火煎軟呢個成日做既指定動作。之後就可以加大火落免治羊肉，抖勻。炒呀炒。。。唔好黐底。
另一方面，用切碎既薄荷葉，芫茜，肉桂粉，TOMATOE PUREE 加入紅酒攪勻做個汁。[無紅酒，MAMI用少量燒酒+水代替] 加入煮緊既羊肉入面，抖勻，轉慢火，煮多20分鐘。
跟住就做舖面既白汁。用牛奶，麵粉，牛油，荳蔲粉，月桂葉慢火煮到個汁成糊狀。放凉少許，拌入RICOTTA CHEESE，雞蛋一隻。
最後既步驟：茄子加入煮好既羊肉。放入焗盤，淋上白汁，[MAMI就加埋蕃茄片係白汁上面，卡樂B鍾意嘛。。。]，洒上芝士粉，180度焗40分鐘左右，表面既芝士轉金黄色就完成。
MAMI以往食既MOUSSAKA個汁大多數都係用基本BECHAMEL SAUCE，但呢個食譜加入左RICOTTA CHEESE同雞蛋，焗左出黎好似有份蒸蛋拌住D羊肉一齊食。口味都幾特别。
卡樂B一見到就話要自己要食晒檯面呢份，MAMI要食，可以食厨房入面個D！事實上: 佢咬一啖飯糰食一口餸，有得一個飯糰落肚打底，仲點食得落成份MOUSSAKA呢?
Sorry 咁耐先覆你。因為d燒肉唔係我整, 係我奶奶整, 所以我要問佢係邊間買同叫咩名。原來係我誤會左, 舊豬肉係買左返黎都要自己整。
ReplyDelete