觀花

上週末開始，呢邊日日都好似小熱浪咁，太陽頗猛，氣温都上到20度左右。但行返埋有瓦遮頭既地方都仲頗陰凉。

ANYWAY，一有陽光，大家都找抓緊時間去户外。唔去得遠，MAMI就日日同卡樂B係後園觀察D花花草草既生長情况啦！

蒲公英又開始出現啦！遲個零禮拜就會生滿草地，到時就要PAPI剪草，鏟除佢地。。。


風信子開始出花。人地種個D好高身，串花又長，我呢幾棵就物似主人型：肥肥矮矮。。。


呢棵植物，卡樂B比左個名叫佢做WEE MACGREGOR。


WEE MACGREGOR其實係一個教小朋友種植節目入面既一班RADISH，卡樂B見到個BULB係白白紫紫就以為呢D係RADISH，呢D其實係鬱金香黎架！卡樂B每日都會去同WEE MACGREGORS打招呼，MAMI就要做幕後配音。MAMI記得應該係買左一包雜色既BULBS，而家都仲係長緊葉，所以未知會開乜色既花呀！

當然仲有舊年種落既MOTHER'S DAY TREE。跟據標籤介紹，呢棵係PRUNUS CERAIFERA‘NIGRA' / CHERRY PLUM ~ 櫻桃李。

舊年買既時候係咁樣：


冬天落葉落到得返幾條樹枝，而家回暖，幾個禮拜就出左好多新葉，仲有幾朵花仔添呀! 既然係李樹，遲D會唔會結果呢？