炒韓國粉絲

想整韓國粉絲好耐，又唔知D粉絲係咩樣，去到唐人超市揾又唔見有。。。

某日又去到唐人超市逛，見到呢包英文叫GLASS NOODLES既韓式地瓜冬粉，原材料係蕃薯粉。即管買返去試下啦！



網上既食譜會加入肉絲，但咁啱又無猪肉，就整左個素食版。

粉絲浸軟剪短出水過冷河備用，红蘿蔔一小個切絲，冬菇/木耳浸軟切絲，葱一條切絲。雞蛋一隻打均煎成蛋皮切絲。樣樣都切絲，整既時候覺得好似大長今



燒红麻油就兜熟所有配料，加入粉絲兜均，用味醂/豉油/糖調味，鍾意食辣可以加辣椒酱，我就加左少少泡菜，最後落葱絲，兜多一陣即成！



我應該係買啱左啦，D粉絲咬落好煙韌，好好食呢!