恐懼。。。

卡樂B的恐懼

點解咁神色凝重？




PAPI㩒咁多制攪乜？



原來係同車車洗白白！



卡樂B雖然好鍾意車，但唔係樣樣同車有關既活動都鍾意，而佢最驚既就係去洗車!

细個既時候去入油停得近洗車機個邊都會見到佢個樣驚到呆晒，慢慢就會扁嘴大喊。
到大個少少，係電視/出街都多機會見到洗車既塲面，我地又會乘機教話唔洗驚，好好玩。佢就會扮大個仔話唔驚，下次一齊去洗車！但幾次LAST MINUTE又驚過，攪到買左票都唔洗得，要開車走人。

呢次我地都係姑且一試。。。買左票，入左CODE開洗車機，架車入埋機都未有缩沙。佢自己就要求要拖住晒PAPI/MAMI既手。



D刷碌緊過黎啦。。。



咦。。。好似掂左BOR，無喊呀！仲擺返手指入口准備RELAX下添。



即係話卡樂B终於擺脱左對洗車既恐懼，遲D好可能會勁鍾意呢個玩意，唔去洗車會扭計/大喊到去洗車為止。

*     *     *     *     *

MAMI的恐懼

估唔估到MAMI最驚係乜呢？



唉。。。好多人都唔明，都唔係真既，點解會咁驚？

如果明就無恐懼啦。。。最慘係連艾先生都話唔明，仲要係MAMI毫無心理準備之下扔隻野過黎，話卡樂B等左成日要SHOW比MAMI睇佢既新玩具！

结果。。。MAMI即塲嚇到大喊，嚇到卡樂B都喊埋一份。

事後MAMI同卡樂B解釋MAMI係好怕呢樣野，但嚇到左你，MAMI都好對唔住！卡樂B都話SORRY，嚇親左MAMI。佢仲好努力攞住張纸同MAMI講：YOU SEE，THEY ARE NOT REAL，THEY ARE PLASTIC TOYS ONLY。MAMI應承會睇佢既新玩具，但艾先生就因為MAMI咁大反應（導致嚇親個仔）即刻扔左隻野！

MAMI知道大人好多時都要扮勁，保持冷静，但面對住自己最大既恐懼，MAMI既EQ真係全面崩潰。。。好無用呢！

[為左呢件事，MAMI心情唔好，同卡樂B呻左句‘MAMI IS MISSING HOME，I WANT TO GO HOME...’ 卡樂B即刻就話‘MAMI DON'T GO TO YOUR HOME. COME TO MY HOME. YOU CAN COME ANYTIME YOU WANT....’ MAMI真係好感動呀。。。又要再大喊。。。]