真係出城買左幾隻，盛惠10.5鎊。
不過。。。好難食，太多米，舊肥猪肉其實係無肉既
！食左一隻，飽到死咁制，仲有兩隻係冰櫃。。。唉。。。
琴日係唐人超市見到有即包，即烚，即賣既鹹肉糉，賣唔洗3鎊一隻，爭扎左一陣：平過先前入既貨，新鮮烚好好鬼香，本來唔想再買野架啦。。。兩隻呀，唔該！
今日既賀節食品：糭+五色豆粥
五色豆粥：我用左红豆/綠豆/眉豆/大扁豆（唔够五樣）+米，隔夜浸水，加果皮，煲到綿/起沙加入適量糖就食得。
隻糉。。。打開都幾好樣，有綠豆/花生撈埋落D米度。
切開。。。有一舊肥猪肉加一小舊瘦肉，唔知點解我唔多鍾意粒律子。
切到近尾，终於見到丁C咁大舊蛋黄（可能16分一個蛋黄都無。。。）。
食落係無第一次食個隻咁'漏'，但個蛋黄得咁少，實在覺得不值！
已經打算來年會自己整！一定要早早部署，用自家蛋黄，食返够本！！！
No comments:
Post a Comment