卡樂B在望梅止渴...
其實我都手痕左好耐想整D糕點食下,咁啱比我睇到一個教小朋友整野食嘅電視節目教做呢款加入左蔬菜做成嘅鹹味鬆餅.
一舉兩得:卡樂B可以食餅,我又可以呃到佢食菜...原本食譜嘅份量做9個迷你鬆餅. 我就加大3份. 材料份量如下:
A) 紅蘿蔔/鬼佬節瓜(各60G,刨絲),2湯匙提子乾,2隻蛋(打散),6湯匙奶,2湯匙菜油:全部放落碗拌均.
B) 200G 麵粉, 45G LIGHT SOFT BROWN SUGAR, 2茶匙BAKING POWDER:全部放落另一個碗拌均.
係B碗扒個窿,放入拌均左嘅A碗材料,繼續輕力切拌,直至睇唔到乾粉就可以分入紙模.
焗爐預熱至200度,25分鐘左右,牙籤測試成功就可以出爐.
今次D鬆餅偏黃,可能因為有其中一隻蛋係2個黃,早知執返起一隻蛋黃啦...
我覺得呢個個樣好笑口噬噬...等我食左你先!
D餅都未出爐,卡樂B就不停望住個爐指手劃腳講CAKE,但由於佢係大病初愈,PAPI話剩係可以比少少試下,我就要馬上收埋未食得晒個D,佢都仲不停扯住我想食多D. 唉...呀仔,等你好返晒呀媽就整多D比你食啦,PROMISE!
No comments:
Post a Comment