...琴晚我就開始諗定今日一日嘅飲食安排,唔洗話臨時臨急要煮先發現Ｄ材料未準備好．．．
今朝艾先生臨出門口就問我今日整乜比卡樂Ｂ食,我就好快口答話整OMELETTE,一打開雪櫃．．．竟然得一隻蛋
我仲好腦定話同卡樂Ｂ散步去村口間超市買就得,但係艾先生話今日好凍,落毛毛雨,我都係留係屋企比較好
得一隻蛋,煎荷包蛋都唔夠喉...況且卡樂Ｂ都唔食嘅！
醒起啦
...突然間醒起一個BLOG友講開整蛋撻,佢提過話蛋漿材料可以減半做５個,一於試下整成點先!撻皮方面...我擔心如果卡樂Ｂ扭計,就會攪到論論盡盡埋唔到尾,所以我一早買定左一份現成皮
我用左一半,勉強夠舖６個［可能我舖得唔好］
落蛋漿,食譜教落到８成滿[我諗大概係呢個位置啦...]
出爐啦...唔夠多蛋［做５個真係會啱啱好］
卡樂Ｂ食之前做左手指測試,Hmmm...Ｄ蛋漿都可以,唔太稀.
一個都未食晒就開第二個［唉...真無規矩!]不過,多謝棒場!!
下次再整應該會有多Ｄ改善,再好味Ｄ.
No comments:
Post a Comment