18個月發展報告...

遲遲都寫唔到因為我每日都忙"看牛","救火"...

曳曳野:

• 夠高開門啦...最鍾意就係開呢度門,因為係糧倉,開左門就指手劃腳要呢樣要個樣.

• 佢仲鍾意去大門玩信箱,PAPI成日驚有狗行過咬佢一啖(誇張...),不過我都覺得大門信箱地方比較污糟,所以走廊門都要加上門扣LU...

• 屋企嘅CHILD-PROOF工程真係沒完沒了,識得開洗衣機門,亂撳制,要開多個插頭比洗衣機專用,有日仲攪到要揾膠紙封門.

其他小朋友切勿模仿

• 落左車就唔肯上返車,成日要PAPI冒住生命危險(企係行車道隔籬)同佢鬥耐力~等佢攰放軟身先可以綁返佢上車!

普遍上黎講,多左識發脾氣,發爛渣...TERRIBLE TWO 已經開始爆發了

新玩意:

• 而家天氣好,我地每日都會放佢出後院玩下走下,等佢玩到攰就小睡,有時玩成半個鐘都唔肯返入屋. 我洗衫佢就最開心,因為中門大開,任出任入,點玩都得!某日我洗左佢張心肝寶貝毯仔,佢就成日都唔肯小睡,不停喺張毯下面轉來轉去

轉到下午6點收返張毯...

• 我好驚個腳枕跣腳,"DUN"佢落地...
  

• 咁都玩得一餐,以後唔洗買玩具LU...
  

最識做D乜?

• 氹PAPI LOR! ~ PAPI打電話返黎揾佢傾計,一話"UN BESITO" [A KISS]...我問就當我"耳邊風"

• 唔識話比我地知想要D乜,我地唯有逐樣野指住黎問:書呀?果汁呀?餅乾呀?...撞中啦,佢就會棟起手指公話啱.

• 唔爬樓梯LU...鍾意扶住欄杆或我隻手一級級上,好得戚咁

• 有時同佢講食飯啦,佢會拿拿臨走黎"幫手"開摺檯,佢一路"幫手"發力抬起張檯面個陣仲會做埋D "EE哦哦"配音效果...

其實卡樂B而家識嘅野好多BB一早都識哂,不過我一路都無特別心急教佢,只係等佢READY先做出黎 ~ 唔聲唔聲就比D SURPRISE我,都幾好呀!

• 呢兩個星期電視播WIMBLEDON,初初睇個陣有人啪手佢就做"請請",睇到最後個幾日就開始輕輕力啪手啦!

• 呢排心情好問佢FINGERS, EYES, NOSE佢都會指比我睇