。。。巧合地，好多BLOG友呢排都用紅菜頭煲湯。MAMI比BLOG友既紅菜頭相佢睇。佢第一個問題就問：‘DOES BEETROOT MAKE THE WEE PINK？’。。。
MAMI上網又揾下料，紅菜頭原來唔止有助减肥，仲有補血，活化淋巴，補腦，强壯骨鉻等功能。
咁正，一定要整黎試下
。街市一札有3個，賣£1，連埋葉。菜頭可以煲湯，D葉可以淥熟當菜食！買左一札，點知PAPI懵懵下當垃圾扔左，好彩咁啱又要出城，買過一札！
鬼佬食譜處理紅菜頭既方法係要成隻菜頭煲40分鐘到2小時不等，視乎大小同成熟程度而定。煲完凍左先去皮。咁做就可以保存個菜頭既顔色，但。。。好鬼麻煩呢！
廣東老火湯點做？去葉，去皮，切好，水滾就煲得！
切既時候就混亂少少。。。
本來都買左排骨，但唔够時間出水，所以試左個素食版 ~ 紅菜頭，紅蘿蔔，超甜粟米，少少杞子/南北杏，一片薑。煲個零鐘就攪掂！
卡樂B好期待既BEETROOT SOUP。。。
飲左一啖，眼神好唔肯定，PAPI同MAMI即刻大哎‘好好味呀！I WANT MORE，I WANT MORE。。。’ 呢個仔即刻笑晒口話好飲！
見PAPI食菜頭，又要食埋一份！食左一啖，COMMENT係：‘BEETROOT IS A KIND OF CARROT!'
卡樂B清晒自己個碗，又要PAPI分多左半碗比佢。清埋，都仲要再飲！早知咁好賣MAMI就煲多D啦！
PAPI就話呢個湯掂，只要唔落肉，第日再煲都可以預埋佢個份！
其實個湯都真係好甜，紅菜頭食味又似蘿蔔。全家都鍾意呢個湯，MAMI好開心呀。。。
No comments:
Post a Comment