開課時有成20幾個同學,聖誕過後得返10個左右,又黎左幾個插班生,但上上下有D同學工作忙,連堂都上唔到,雖然底子唔差,都要DROP,唔去考試;又有同學病左,老師唯有遙距輔導,郵寄功課練習希望同學可以KEEP住進度.復活節假期後第一堂連埋我得"4丁友"返,平日我可以溫習時間唔多,所以我點都會上堂!
老師開課無耐都已經講定考試日期~5月份啦! 直到4月中收到學校寄來張考試備忘,真係打到黎啦
...我考既係GSCE O-LEVEL,原來呢度考O-LEVEL都再細分兩個LEVELS: FOUNDATION 同埋HIGHER.
兩個LEVELS既試題分為3個SECTIONS, FOUNDATION就答頭兩個SECTIONS, HIGHER就做
SECTION 2, 3. 即係話SECTION 2就兩個LEVELS既考生都要答.
如果覺得無信心,可以報考FOUNDATION,但係FOUNDATION就算攞滿分,都只係得GRADE C,考HIGHER,最高分係A*. [老師跟據我地上課表現,功課水平提議報考既程度,我呢幾年都一路讀住考試SYLLABUS既課程,唔熟既都操到熟啦,所以我報考左HIGHER既PAPER.]
唔經唔覺,都做左成两寸厚,差不多10年既PAST PAPERS
... 
全個考試分成4大部份,分4日考：
第一部份~ORAL: 每人15分鐘,做4個項目,開考前15分鐘监考員會派一張卡比考生準備,考生坐係錄音機前作答所有題目,之後有人聽帶改卷評分:
1)首先係一段生活對話:卡既第一部份就有一張圖片顯示一個SCENARIO,例如: 去舖頭買野,旅行改機票,火車站買票之類問題,仲有幾個英文BULLET POINTS講定我地要講D乜.通常都好簡單,一分鐘以內完成.
[我考個陣唔算太驚,不過始終係考試...有一兩句都要考官[教我既老師]提我大聲講多次落錄音機.]
2)第二項即場看圖作文: 通常會講一個TRIP,EXCURSION,參加比賽或者出席特別場合.由朝頭早講起當日做過乜,發生乜事,最後講感想.預備呢個部份既時候,可以帶一張A4紙寫低少少KEYWORDS,但如果監考員覺得考生寫得太多可以沒收張貓紙. 考既時候就要自己一條友一輪嘴講3分鐘
. 我覺得全份卷最難就係呢題!時間要控制得好,講唔晒全部圖畫會扣分.一出口講錯野要改正就會浪費時間.如果有生字唔識得點講就大鑊! 我平日做MOCK TESTS次次都過鐘,雖然老師都好ENCOURAGE我,話我做得OK,但我對呢一部分真係最無信心...[因為驚比監考員沒收貓紙,我剩係寫左好小KEYWORDS,又寫到好細...考到呢部份,我驚
...一驚就開始講得慢,老師示意我跳去下一個圖片,想幫我限時內完成個故事,我都唔知點跳好...結果講唔晒
!!!]3)預定專題: 聖誕節左右我地已經揀好7個預定專題其中一個寫一段1分鐘長既講稿.我揀左旅遊題,講稿比老師修改好後.就要揾時間背熟份稿,因為考試個陣係無得望住份稿照讀.
全份稿其實得8句!聽我讀得呢份稿最多既人係...卡樂B.我趁住要發"音波功" 悶佢訓覺既時候就背比佢聽!聽到有D字佢都識得跟住我講啦.[而家考試已過,但卡樂B仲會成日提返呢D字表示佢要聽我背稿
] 但練黎練去都要成1分20先講完.老師話考試當日如果過時就會示意我停,唔講最後個句.[结果真係要講少一句,不過對份講稿完整性影响不大,時間無多,MOVE ON...]
4)緊接呢1分鐘就係同呢個主題有關既對話/問答.限時3分鐘會問6/7條問題,如果考生答得好(够完整,詳細),發揮得好就可能問4/5條問题左右都會轉去最後部份. 最後6分鐘就係另外两個(除預定專題以外)專題既問答.
[看圖作文失敗左,亂左心神,對打後既項目當然有影响! 攪到我都集中唔到精神,D問題聽左左耳入右耳出
! 我仲聽錯其中一條問題都唔知!老師睜大對眼提我答多次,我都唔識得叫佢重複問題,老師唯有継續問下一條問題.回答問題時,我又犯左好多唔應該犯既錯: 答題句子欠完整,求其彈個答案就算,無用任何修飾手法表現自己應有既文法水平.]ORAL呢部份分數佔總成績百份之三十,呢部份失分多,其他部份就要做得好好先可以追番...
第二部份~LISTENING (為時50分鐘,50分满分,計總分百份之二十):呢張PAPER最得人驚之處:錄音雖然會播兩次,但撞正當日狀態唔好,聽唔入耳就無得救,老師成日提我地就算聽得到幾少,幾唔明都好,如果係MUTLIPLE CHOICE,一定要撞一個答案落去,填充題就根據上文下理做個答案試下,因為閲卷員最唔鍾意見到有窿窿既答題簿.但係我都真係試過完全收唔到個SPEAKER噏乜,要留空格...
[幸好考試當日我状態不差,不過都好記得最後個段PASSAGE比過去10年既PAST PAPERS深,我都要撞D野落去睇下有無機會攞多幾分!]
第三部份~閲讀理解(同樣限時50分鐘,50分满分,計總分百份之二十): 相對比其他PAPERS,呢部份容易掌握好多.就算GRAMMAR唔熟都唔洗驚,因為題目有配對題,有MULTIPLE CHOICE,識D唔識D都可以用D推理/ELIMINATION揾出答案.要用文字作答既問題有要求用英文或西班牙文作答,通常都係答單字/短句,而且份卷封面既考生提示都冩明批改時唔會就文法准確性評分! 即係點? 例如:西文形容詞係要根據名詞屬男屬女配上A或O既结尾,如果答案係女性名詞既红色(ROJA),大部分情况下都會接受男性名詞用既ROJO,所以...要係呢部份攞好分數不太難.
[得50分鐘,時間只係啱啱够用,仲撞正有幾條問題比較難答,答完就收卷,都無時間再CHECK一次,幸好...我覺得自己係呢部份都做得唔錯.希望無估計錯誤啦!]
第四部份~作文(限時1個鐘,50分滿分,計總分百分之三十): 考生要作兩篇文.短既一篇寫100字左右,長個篇就寫120字左右,内容都係同ORAL PAPER既7大專題一樣,所以有時要做EXERCISE,MOCK PAPERS都覺得有Ｄ沈悶...不過要學一個語言就梗係要做到識講識寫,唯有頂硬上啦...
[事隔左咁耐,我都唔記得第一篇我作左Ｄ乜野啦,但第二篇就印象深刻Ｄ,我揀左一題寫一個係電視台做一星期既WORK EXPERIENCE,因為如果又再寫TRIP/EXCURSION我會悶到寫唔出野. 而且我考前幾星期我冩過一篇纇似題材既文,記得D VOCABS,係咁有限時間下一定要做最安全穩陣可以攞分既動作. 叫做TIPPED中題目,但都係僅僅够時間重组下篇文就要停筆!］
而家諗返起...張張PAPERS都係僅僅够時間做,可能都係呢個考試既規格:語言要用到個陣,RESPONSE TIME會好短,唔通真係要人等你砌到靚晒先回應咩?
好多年無正正式式考過試,今次剩係考一科,又唔係考得唔好會無飯開,影响一生,但我都係好緊張,連考ORAL個位監考員都見到我好NERVOUS,笑笑口叫我RELAX & ENJOY IT, BUT HOW CAN I??? 比起我既一D朋友又全職(返公或湊仔)都仲继续讀書進修,交ASSIGNMENT,考試,寫論文,我讀少少野都哎生哎死!
ANYWAY,大局已定,结果係8月尾公報:心急想知既可以當日返COLLEGE有職員會口頭講個GRADE你聽,PAPI話大庭廣眾比人聽到晒個RESULT唔好WOR. 唔係就大概三日後收信,自己係屋企拆信封！
來年計劃? 考成點都好,我都會继续讀上去,向A-LEVEL進發!因為我知道我最唔識既野係A-LEVEL會教好多.
No comments:
Post a Comment