]通常我地都唔會夏天返去：一來熱，二來機票貴，但今次破例：因為係艾先生姨甥女结婚，家族大喜事，唔返好似唔多比面！
西班牙人大都會揀係教堂舉行婚禮，未够鐘，可以係教堂外面等，傾下計，艾先生就見返好多多年無見（連名都唔記得）既親友！望落日光日白，其實已經成黄昏7點！卡樂B就梗係抓緊趁時間去睇/摸車啦！
準新郎就係教堂外面等，够鐘行禮就見到新外父陪新娘子坐車趆達。儀式隨即開始。。。
教堂入面坐無虛設，向隅親友就要係教堂外面等候，卡樂B一定無坐定定係教堂入面，所以佢負責係外面檢查/看住部花車 ~ 恨到啦
。 
姨甥女既一個AUNTIE係女高音，係儀式獻唱祝福一對新人。
禮成後新人步出教堂，原來西班牙都有灑米呢個習俗！
一番祝賀。新郎等不了，要捉新娘上車。。。去酒會晚宴啦！
酒會晚宴係遊艇會舉行，加上鄉下係個海島，酒會既FINGER FOOD同晚宴頭盤都係海鮮為主：有海鮮凍湯，海鮮沙律，然後來個雪芭清清D味蕾就到主菜~牛柳。
卡樂B係全塲年紀最細既賓客（其他人可以留小朋友係屋企人/工人照顧，我地就去到邊都要隨身攜帶住卡樂B啦！），D野食麻麻地啱佢食，除左可以畫符之外又無其他野玩，佢挨到10點幾都算好叻啦
！PAPI/MAMI又失策，無帶埋佢FAVOURITE既伴睡毛毯，所以連甜品同跟後既餘興節目都等唔到我地就要BYE-BYE LU！個晚宴當然未完啦！以下係另一位姨生影既相：
新人祝酒，一樣有我地合卺交杯呢一PART！
之後就係LIVE BAND跳舞，好熱鬧呢！
玩到成12點，新娘子就抛花球，一衆待嫁姑娘都蓄势以待，究竟邊位係接到花球既幸運兒呢？
尾聲未？當然未。。。有氣有力既年青一輩繼續留低跳舞，飲酒，吹水，到3點食埋最後一樣野：早餐 ~ 西班牙油炸鬼加熱朱古力先散BAND！
呢個時候，我地就梗係同MR。CHOW捉緊棋啦！
雖然我地唔可以玩晒全程，但都好開心今次返到去見証左呢一個咁重要同歡樂既時刻。 再一次祝願呢對新人白頭到老，永遠快樂！
No comments:
Post a Comment