MAMI又慶生了！

上個月，MAMI又大左一嵗。

卡樂B送既生日卡。。。

有乜咁特别？無錯！係一D都唔特别，點解？呢張係同款第4張，唔信呀? 呢度有講。

到左呢個年紀，點慶祝OR就算唔慶祝都無所謂啦。不過，MAMI都請左一日假無返工。以前係香港係會照常返工架，但係呢度。。。個個同事都會攞假，雖然無特别節目，但都係唔好係OFFICE出現好D！

送左卡樂B返學，PAPI提議去SHOPPING PARK飲杯茶/行下。飲左茶，行左唔够一陣，揀得幾件减價TEES，PAPI就已經話腰酸話背痛。。。去埋超市就返屋企攤抖。

咁啱當日卡樂B放學後有MOVIE NIGHT，5點先去接放學，比多兩粒鐘MAMI懶下，仲唔係最好既禮物？

卡樂B一早已經講定要食PIZZA慶祝！ERH。。。牛一個位好似唔係你BOR。。。。所以接左仔就去PIZZA HUT。哈哈！唔洗煮！最後仲係一連兩晚都唔洗煮：叫得太多要包走，第二日食埋！

二十幾鎊，二十幾鎊。。。

經濟不景，但超市買餸唔覺唔覺又加晒價，人工就加左等如無加！

MAMI有時都想慳得就慳，係舖頭揀來揀去，都最後都放返低。

一邊咁想，另一邊唔覺唔覺又。。。

平日卡樂B瞓左，MAMI既MI-TIME通常都係消磨係電腦面前:上網，上FB/TWITTER，寫下BLOG，巡下舖（！）咁就出事啦。。。


好鬼鍾意個款，有拉鍊唔怕比人扒野，裝到唔少野但唔算BULKY。清貨價：£25! 即刻趁手買多個！

[POST左張相上FB，有老死越洋訂貨，手快有，手慢無!]


呢樣野。。。

其實真係無需要，但係减到£25都唔洗。。。一部呀，唔該？

有乜好？ERH。。。係迷你版 [厨房其實無位架啦，買左就自然有辦法安置]，但可以做出類似街外咖啡既效果 [屋企有咪唔洗出街飲囉，除苯有精！~ MAMI的C9心態表露無遺！]

點解咁平？因為呢部係手動版。大機PROGAM好晒要冲乜咖啡就落幾多水，够水就自動停機。呢部要企係隔籬望住，到水位就自己停機。

不過部機操作都算簡單，卡樂B係MAMI指導下都可以幫手冲咖啡！


MAMI雖然每日都飲咖啡，但朝早趕住返工/返學既日子就梗係唔會棟篤企係部機隔籬等啦！真係3分鐘都係太浪費時間。。。所以呢部機通常係WEEKEND先出勤。

MAMI既CAPPUCCINO，卡樂B就黎杯CHOCOCINO啦！


攪掂！兩母子可以撐檯脚歎早餐LU。。。


ANYWAY，財散人安樂。。。

每日之星

初初返學，卡樂B放學時都會同MAMI講邊個同學係聽日既STAR OF THE DAY呀！話自己好想做。。。

每日之星？乜傢伙？卡樂B就知D唔知D咁話：STAR OF THE DAY係要好乖既小朋友先可以做架。。。

咁。。。呀仔，你記住要乖D，老師好快就會揀你做STAR OF THE DAY啦！

终於某日放學，卡樂B一出課室就同MAMI講：GOOD NEWS！I AM STAR OF THE DAY TOMORROW!

MAMI問點解老師今日揀你呀? 佢話自己KEPT ALL THE GOLDEN RULES：坐正，靜心聆聽，發言前先舉手。。。

點解咁想做STAR OF THE DAY？

原來STAR OF THE DAY可以帶一件物件返學校SHOW & TELL！自己要講下呢件物件有乜特别，點解自己咁鍾意。跟住有QUESTION TIME，同學仔可以問問題。大多數小朋友都係帶玩具啦！同學就個個都問可唔可以玩下/摸下囉！開學咁耐，卡樂B已經做左3次，每次都一早諗定帶乜返去。MAMI都唔洗點煩要幫手諗，唯一煩就係帶太大件既返學會好難拎！



入到課室，第一件事就攞自己個名貼上粒大星星度。掛埋星星牌係身就係人都知邊個係STAR OF THE DAY。STAR OF THE DAY有椅坐，唔洗坐地毯。


做STAR OF THE DAY有少少著數，又有D小任務要幫下手咁啦！去SCHOOL HALL集會，去飯堂午餐，STAR OF THE DAY負責行頭帶隊。另外就係要揀一位同學陪同自己送點名册/午餐紀錄册/收費/回條去校務處。有一次卡樂B被揀中陪STAR OF THE DAY去校務處，開學無耐兩個小朋友都唔係好認得路，幸好有其他老師經過幫忙。而家熟晒地頭，呢D跑腿工作變得好搶手。。。

最近呢次卡樂B做STAR OF THE DAY，MAMI就見到D咁既現象：卡樂B一入到班房就有個同學仔埋黎打招呼後就單刀直入問：WILL YOU CHOOSE ME TO TAKE THE REGISTER TO THE OFFICE WITH YOU TODAY? 要帶乜玩具可以一早揀定，但揀邊個同學。。。要到時睇表現架嘛。。。所以一時間卡樂B都唔知點答好。。。我地兩個MAMI就係度笑囉！够鐘上堂，卡樂B一坐低，幾個同學就傍住係隔籬開始講野，唔洗問都知係乜事囉！塲面非常攪笑！但MAMI又發覺女同學做STAR OF THE DAY個日又唔見佢地湧埋去喎！

基本上：STAR OF THE DAY係排住隊人人有份/永不落空既猪肉獎。但小朋友們BUY。GIVE THEM SOMETHING TO LOOK FORWARD TO，何樂而不為？