重出江湖...

好多BLOG友都鍾意整下飽飽食,港式麵飽同呢度個D真係無得比!睇睇埋埋攪到我都要玩返下先開心!

呢部麵飽機係我係香港離開舊公司,結婚,移民公司送比我既禮物,所以已經有5年歷史啦,[一睇個樣咁無型無款就知啦...]

初初黎第一年我成日都有好好利用佢架,不過整親都係方飽 有工返之後就無時間玩呢部野LU,到卡樂B出左世,廚房又要執位比奶樽機,攪拌機等等,部麵飽機就比我地收到有咁埋得咁埋~封塵...

今日終於想玩整麵包,攞起本隨機附送既食譜就揀左一款加雞蛋整既方飽黎整.順便睇下部機有無封塵太耐而被廢武功,慢慢我就可以向港式麵飽進發

跟住步驟放晒D材料入機就得! 一路都聽到部機發出D攪拌聲BOR,應該無問題啦...過左10分鐘,部機發出左一串尖響 我入廚房一CHECK,部機出左一個ERROR MESSAGE 話 TEMPERATURE SENSOR ERROR...? D粉已經搓左成10分鐘,由頭開始過個CYCLE會唔會搓得多得濟架?

不過如果唔RESTART,舊粉點算? 所以我決定RESTART部機攪埋佢...差不多兩個鐘,經過兩次發酵,都未開始焗,盤飽都已經發到好高,望下個計時器,部機應該開始發熱焗飽啦!

再望下,我以為自己眼花,個計時器D字仔無晒嘅?熄機再開都係無反應,跟住仲發現全屋有一半以上插頭死左...唉...點解咁黑仔架,我又無方飽焗盤,唔通我要倒曬個粉團出黎,用手搓成'大豬'咁先入爐?

好彩...我未懵得晒!醒起攞返本MENU睇下有無講焗焗下斷電可以點做先.原來TROUBLE SHOOTING個SECTION真係有教呀!原來個盤係入得焗爐架,預熱返個大焗爐就可以繼續完成埋成個過程 [好奇怪...次次跳親制個焗爐都無事...]

由麵飽機TRANSFER去焗爐個陣個樣      

真真正正出爐啦 ~ 我記得我未試過焗到磅飽咁高

咦...原來入面有嶐嘅! 食落都算鬆軟,但好似無乜味道...太耐無整,要刨下D食譜先得,下次一定會有進步!

一盅兩件

住係呢個鬼地方，要一盅兩件談何容易．．．通常要食中國點心就要上茶樓，又唔係多機會上茶樓，一上到去又點會食兩件就走?

唯有係屋企ＤＩＹ啦．．．

唔洗讚我勁啦．．．因為我只係負責左其中一件．．．腸粉!

食譜既指示好簡短：開粉漿，蒸盤掃油，落粉漿，入微波爐，叮叮，卷好就完成．

實際上．．．我都整得頗為手忙腳亂

• 倒左粉漿入蒸盤，手震震咁抬蒸盤入爐 ~ 瀉到周圍污糟晒!
• 粉漿份量過多，入左爐之後粉漿會膨脹變厚 ~ 厚得濟唔熟!
• 叮得過火~ 變得好乾，卷唔起!

所以頭頭幾盤，通通投籃．．．

最後整到呢幾條我都已經比較餓，但求有Ｄ食下就草草收場ＬＵ，卡樂Ｂ就等到瞓埋，今次無緣試食．．．

揾日有時間又有心情我會再試整過! 至於燒賣，應該比腸粉容易做，不過都係要揾日有時間同買齊材料先得．．．

你講緊乜呀?

近來發覺卡樂B多嘴左...好似比較積極學講野,但係講緊乜呢? 有時都好難明下...

廣東話:

• 爸爸, 媽媽, 奶奶, 最流利就係呢幾個字, 呢幾樣野應該係佢心目中最緊要嘅野啦...
• 婆婆就講到介乎'婆'同'波'之間
• 公公就似'剛剛'
• 姨姨就易啦:EE
• 叻叻, 有Ｄ鼻音'NAK NAK',不過一講就會豎起埋手指公!

英文:

• CAR, BA BA CAR (第一個合拼出黎嘅字) [我諗係男仔都鍾意車, 加埋卡樂B又好鍾意PAPI...]
• BOOK, 不過無'K'音...
• BOB THE BUILDER 嘅 BOB, 不過似講'BOP'多D!
• COOK, 話比佢聽我要煮野, 佢就會答COOK,仲會攞埋圍裙比我～睇得個兒童煮食節目'I CAN COOK'多得濟.
• POSTMAN PAT 嘅 PAT 就講得好接近啦, 而 POSTMAN PAT 隻貓叫 JESSE, 佢叫左做'GAS',
• SIX: 似'色'多D, 唔知點解佢會講呢個號碼先...
• NINE:都識地講,可能個音似'奶'
• TA TA: 通常講成'DA DA'

西班牙文:

• TE: 茶, 因為PAPI成日叫佢幫手沖茶
• ARROZ:  米飯, 佢會讀成'AR~' 或者'AR-劃'
• CAKE:  西文式發音: CAK-KE, 不過係好輕聲,好似講秘密咁
• GAFAS: 眼鏡, 佢剩係會發頭一組音: GA, 上次返鄉下佢好留意人地D眼鏡, 一見到就指住人話'GA', 等我成日要同人解釋
• ABUELA: 祖母, 四組音教左幾次就講到頭兩組,嫲嫲聽見就梗係好開心啦

唔中唔英:

• MOA: 好似講'無'又好似講'MORE' ~ 一字兩用!

自創字:

• E-喔: 係YOGHURT. 不過諗左好耐都諗唔到呢個字係點變出黎
• NA NA NA: 不論係大大個嘅熱氣球,定係街買比佢嘅氫氣球都係叫做NA NA NA ~ 因為呢度有一個兒童節目叫'THE GREEN BALLOON CLUB',主題曲最後個３個音一出就會見到個大汽球飄過,我成日都會哼呢支歌'暗'佢訓，日子有功，NA NA NA就成為氣球嘅別名.
• NE NE: 初初以為佢想講西文嘅雪[NIEVE],點知再見到佢講多幾次我就發現每次經過油站佢都係發呢個音,原來想講西文'電油'[GASOLINA],但係剩係識得發最後個組音(~仲要歪D)!
• AI DOI DOI DOI DOI...(仲要一路講,一路擰頭),好接近'I DON'T'嘅發音,要話比我地聽'NO',PAPI話呢句係受MAMI遺傳,SAY NO要都要講幾百個理由解釋喎...

似乎...卡樂B都係識埋晒D無里頭,無聊字...無乜字係真正幫助到佢同我地溝通BOR...MAMI,唔該加緊努力...