一盅兩件

住係呢個鬼地方，要一盅兩件談何容易．．．通常要食中國點心就要上茶樓，又唔係多機會上茶樓，一上到去又點會食兩件就走?

唯有係屋企ＤＩＹ啦．．．

唔洗讚我勁啦．．．因為我只係負責左其中一件．．．腸粉!

食譜既指示好簡短：開粉漿，蒸盤掃油，落粉漿，入微波爐，叮叮，卷好就完成．

實際上．．．我都整得頗為手忙腳亂

• 倒左粉漿入蒸盤，手震震咁抬蒸盤入爐 ~ 瀉到周圍污糟晒!
• 粉漿份量過多，入左爐之後粉漿會膨脹變厚 ~ 厚得濟唔熟!
• 叮得過火~ 變得好乾，卷唔起!

所以頭頭幾盤，通通投籃．．．

最後整到呢幾條我都已經比較餓，但求有Ｄ食下就草草收場ＬＵ，卡樂Ｂ就等到瞓埋，今次無緣試食．．．

揾日有時間又有心情我會再試整過! 至於燒賣，應該比腸粉容易做，不過都係要揾日有時間同買齊材料先得．．．