蒸三色蛋

上星期竟然買左半打皮蛋！

擺到半年有多？真不愧為‘千年蛋’。。。



呢樣野一定係MAMI一人指定獨食架啦！

第一隻蛋，用黎整左滑雞皮蛋鹹蛋粥。

唔可以餐餐都食粥，於是又上網揾下有乜可以整 ~ 比MAMI揾到蒸三色蛋。

材料：一眼見晒！雞蛋打均，皮蛋切粒備用。鹹蛋烚熟切粒備用。呢隻鹹蛋係今日新鮮出籠既！漏油/起沙~正！剩係衰在MAMI搣蛋手勢唔好，搣走左好幾啖蛋白！



食譜教用方身既模蒸出黎靚D。舖保鮮膜係底，放皮蛋/鹹蛋係底，淋上蛋漿。蒸15-20分鐘即成。切小塊上碟，有食譜話可以加沙律酱，MAMI又有樣學樣加左D。



好下飯既‘鹹餸’。

鹹濕野。。。

呢幾日又有鹹濕野食整好左!

• 鹹鴨蛋

40日前行超市買餸，見到鴨蛋做特價，平日要1.9鎊半打，當日好似唔洗3鎊就有一打，當然不加思索就擺兩盒落車仔啦！

今次都係用返用開既食譜(太鍾意花椒/八角既香味。。。），而且仲好叻：今次一隻蛋都無打爛！

唔記得邊度/邊個講過啦！D蛋係要浸到40日左右D蛋黄先會出油。今次真係等足40日。

次次D蛋浸完都有D啡色係蛋殻，但開水喉擦幾下又靚仔番D D。。。

趁今晚又煲粥，烚隻試下先。。。TA DA！

鹹度剛剛好，出油+起沙既蛋黄 ~ 簡直係近期既代表作

洗乾净蛋殻，吹返乾身，入返落盒，送禮自用，明貴大方。。。

• KIMCHI

近來食好多韓國泡菜：炒粉絲，整泡菜猪肉，煮即食麵/烏冬，撈隔夜飯。。。甚至口痕打開雪櫃就咁食都有

中國超市賣得唔平。長此以往咁買唔抵BOR。。。

見到唔少BLOG友都會自己整黎食，MAMI又揾幾個食譜刨下。務求揾個快手,易整又好食既。

得閒又執定D材料，見白蘿蔔都OK，就買左條返屋企，结果。。。到想整個日又發現：未買大白菜（鬼佬超市都有得賣，懶腦定諗住邊日買到就邊日整，咁又出事！）

ANYWAY，最後集齊材料由下午整到夜晚，整左一盒，整好當晚放係厨房過一夜，第二日先放入雪櫃發烤，3日後。。。

食落洋葱味重左D（話落半個，可能我個洋葱太大）。有食譜話落薑絲，我又太鍾意薑（重手左少少）。又唔知點解。。。我盤泡菜好乾身，變左無乜汁。。。

但呢批存貨都够我食一排架啦！下次再整真係要细心D跟好D做法/份量先得！

好野!有野食...

斬斬眼就四個禮拜,呢兩日心情又緊張又興奮!因為D咸鴨蛋同油麥菜都係時候要食LU...

艾先生成日都驚D蛋會浸到變壞,為左證明D蛋無變壞,打開左一隻比佢驗下貨...老爸話如果隻蛋黃好似乒乓波咁漲起就成功啦.

呢隻蛋嘅下場...白菜咸蛋肉片湯. 唔知係咪打散左D蛋白落湯,隻蛋好似唔多夠咸,試下整第二樣野食,試真D食味係點先得!

烚熟左,切開...都唔算好難睇呀? 都夠咸. 第日又可以再整,平過係中國超市買好多,最緊要係唔會有過期劣品

我個人獨享嘅咸蛋瘦肉粥 

油麥菜又點呀? 似種草多過種菜BOR 無法子啦...係花園種,又要挫地,又有機會惹蟲,所以我就懶懶地係窗台種少少試下先LOR!點知D芽出得好好,差不多落嘅種都出齊哂,但係菜身就比較弱,所以D菜似草...

第一次收成有333克 [~ 大概12安士]

我即刻淥左幾條餸"公仔麵",好多年無食過油麥菜,原來食味/口感似生菜.都唔錯晚飯個陣又整左一小部份比艾先生試下,佢話OK喎. 仲有一餐係雪櫃,用保鮮袋包住,似足高級超市貨式

呢排整左唔少野食,又試過自己種菜,整咸蛋...雖然都唔係D乜野巴閉野,對於我呢個新手黎講,都算有少少成績,希望趁夏天完之前有時間再種D第二樣菜玩下先!