好野!有野食...

斬斬眼就四個禮拜,呢兩日心情又緊張又興奮!因為D咸鴨蛋同油麥菜都係時候要食LU...

艾先生成日都驚D蛋會浸到變壞,為左證明D蛋無變壞,打開左一隻比佢驗下貨...老爸話如果隻蛋黃好似乒乓波咁漲起就成功啦.

呢隻蛋嘅下場...白菜咸蛋肉片湯. 唔知係咪打散左D蛋白落湯,隻蛋好似唔多夠咸,試下整第二樣野食,試真D食味係點先得!

烚熟左,切開...都唔算好難睇呀? 都夠咸. 第日又可以再整,平過係中國超市買好多,最緊要係唔會有過期劣品

我個人獨享嘅咸蛋瘦肉粥 

油麥菜又點呀? 似種草多過種菜BOR 無法子啦...係花園種,又要挫地,又有機會惹蟲,所以我就懶懶地係窗台種少少試下先LOR!點知D芽出得好好,差不多落嘅種都出齊哂,但係菜身就比較弱,所以D菜似草...

第一次收成有333克 [~ 大概12安士]

我即刻淥左幾條餸"公仔麵",好多年無食過油麥菜,原來食味/口感似生菜.都唔錯晚飯個陣又整左一小部份比艾先生試下,佢話OK喎. 仲有一餐係雪櫃,用保鮮袋包住,似足高級超市貨式

呢排整左唔少野食,又試過自己種菜,整咸蛋...雖然都唔係D乜野巴閉野,對於我呢個新手黎講,都算有少少成績,希望趁夏天完之前有時間再種D第二樣菜玩下先!

儲糧...

呢幾日又趁D空檔時間整左少少野...

去街市一心想買定幾份豬肉煲湯,點知星期六,D檔口都無乜入貨,揀唔到... 失望之餘轉個灣望下D魚檔,竟然比我見到有鴨蛋賣: £1.60半打,不過賣剩5隻,老闆話£1賣埋比我...好耐無試過係街市買蛋,老闆用袋袋好D蛋遞比我個陣我好驚行行下會撞爛D蛋

醃咸鴨蛋,D朋友話好易整:煲煲滾水落大量鹽,想有漏油效果就加茶葉~不過我又懶得揾茶葉...無落到,等煲鹽水凍返哂就可以落蛋,先落蛋,後加水,一個月後食得!

唔知點解,我見D朋友浸個D蛋係沉底嘅,我個D就浮面...

另外...我落左種,試種油麥菜,落左種4日就出芽啦,今次一定要小心睇住D苗,希望個零月後有收成