雞翼二味

人老啦！連續兩日都唔記得係冰箱攞定D叉燒出黎解凍，要拿拿臨諗第二樣餸做晚餐，真煩！


今日又唔記得左啦!於是又要煩艾先生兜超市一趟。。。

問卡樂B想食猪肉定雞翼，卡樂B話食雞翼，咁就容易啦！

永無失手既蜜糖雞翼一份

雖然燒得好靚，但卡樂B都唔係食左好多。。。唔通發燒/喉嚨發炎未清得晒？

ANYWAY，MAMI有少少厭唔想食燒雞翼，於是就試整左小小米桶既黑醋燒雞翼。

好彩係唐人超市見到樽迷你版鎮江香醋，屋企實在太多一樽樽未用得晒，而且厨櫃都爆滿啦！
唔係既話，我諗真係要等一排我先會買樽大既黎整。

雞翼拖拖水，烚定兩隻蛋就可以正式煮呢味餸：將所有材料/調味料放入煲，大火滾起收细火滾多15分鐘即成！超容易！

15分鐘D雞翼啱啱熟，好滑！酸酸甜甜，好送飯！