簡簡單單又一餐！

一早攞左雞翼同猪肉腸出黎溶雪，問卡樂B想食邊樣，佢揀左雞翼，於是我就整我最拿手/佢最鍾意既焗蜜糖雞翼。

溶雪洗乾净抹乾水就加入薑汁，生抽，老抽，白胡椒粉，少少燒酒，蜜糖調味。醃最少半個鐘左右，預熱180度焗爐，焗20-30分鐘（中途可以同D雞翼轉下身），攪掂食得！

雖然有蜜糖，但唔算好燶呀！

 

卡樂B教極都係想係個頭咬落去。。。

 

每次食到剩番一隻，佢就會話留返比DADDY！

雪櫃有兩隻裂左唔做得鹹蛋既鴨蛋，無人吼架啦。。。MAMI唯有整D野用埋佢。打均兩隻蛋，加入紅蘿蔔/翠肉瓜絲，開個慢火既平低鑊整左個蛋餅。

 

 

Hmmm。。。雖然蘸左茄汁黎食，我都係鍾意食鹹鴨蛋多D。煎鴨蛋，希望唔好有下次啦。。。[卡樂B都比面食左兩口架！]

加多碟清炒西蘭花，又一餐！