成日都整埋D"人唔人,鬼唔鬼
"嘅野食,今次一於正正經經介紹一個西班牙傳統小食...
西班牙奄列 ~ 西班牙個個都識整GA LA ~ 就好似我地個個都識得煮公仔麵一樣
...不過個個FAMILY都話自家有祖傳祕方整最好嘅TORTILLA,我奶奶都傳授左艾家嘅祕方比我架,繼續睇你就知...
做普通版嘅TORTILLA材料如下:
- 4-5隻雞蛋 (大)
- 2隻薯仔(大)
- 1個洋蔥(大)
- 油
- 鹽,黑胡椒
豐富Ｄ可以整TORTILLA PAISANA (鄉村風格嘅奄列),用以下材料代替洋蔥,其他不變:
- 火腿,CHORIZO(切左片嘅西班牙豬肉腸)
- 罐裝紅椒
- 靑豆一小撮(解凍備用)
做法如下:
- 薯仔切粒（１cm3 大小）~［奶奶祕笈
: 太大粒難熟,太細粒煮嘅時候易碎,切好後開住水喉沖洗去咁Ｄ澱粉質,用布或廚房紙吸走多餘水份]
- 其餘材料一一切片
- 雞蛋放落大碗打勻
可以開始煮LU...記得用平底鑊呀
- 做普通版TORTILLA嘅話: 先用中火將洋蔥煎至淺金黃色,撈起用廚房紙吸走多餘油份,放涼備用
- 放大概1.5cm深度嘅油落鑊,熱至中等熱度 ~ ［奶奶祕笈: 點先係中等熱度？放隻手係鑊油上面唔覺得"太慶",放粒薯仔落去見到有氣泡升上來就係適當熱度LOR!］
- 薯粒要分批落.一次過落得太多Ｄ油會晤夠熱,薯粒就浸住係Ｄ油度吸油,仲要炸好耐先熟,咁炸出來嘅薯粒就會太油膩同外皮唔脆
- 耐不耐同D薯粒轉下身,等每邊都可以上少少色,炸好就撈起用廚房紙吸走多餘油份,放涼備用
等D洋蔥同薯粒涼返到暖暖地,就可以開始最後嘅程序
- 將所有材料放入已打勻嘅蛋漿入面,撈勻 ~ [奶奶祕笈: 拿拿拿...D材料太熱就會連撈都無時間撈就開始煮熟D蛋漿架啦! 時間許可嘅話,等5-10分鐘,咁D材料會吸收D蛋漿,好食好多架!!］
- 加鹽,黑胡椒調味
- 清左鑊油,留返薄薄一層油,加熱到中慢火熱度就可以倒哂碗入面嘅材料落鑊 ~ [奶奶祕笈: D蛋漿一落鑊好快熟變黑,所以一定要用細慢火慢慢煮,咁先可以熱透其他材料]
- 見鑊邊個D蛋漿開始成塊狀就可以用鑊鏟移動一下個TORTILLA,等佢唔黐鑊
見到近表面D蛋漿都開始乾,就可以準備反轉個TORTILLA,煎另外個邊 ~ 呢個就係整TORTILLA最有趣嘅步驟:
安全起見,最好成個鑊攞去SINK盤位置先反轉個TORTILLA
- 攞一個平底同埋要大個個鑊嘅碟或煲蓋蓋住個鑊
- 一手按實碟底,另一隻手當然要抓實鑊柄,好快咁倒轉個鑊/TORTILLA
- TORTILLA而家未煎個面對住隻碟,咁就將個TORTILLA 'SIR' 返落個鑊度,煎埋未煎個面,煎多幾分鐘就大工告成! ~ [奶奶祕笈: 做得好嘅TORTILLA,外皮要金黃(唔係濃BOR!),入邊D餡料要夠熱,但蛋漿又唔可以乾得濟D...
]
我最鍾意趁熱食,當午餐或晚餐都得. 食唔哂可以留起第二日整三文治 ~ 不過我地整咁多次都未試過食唔哂
...
卡樂B話: 等左咁耐,食得未呀...
一啖,又一啖...
食飽飽LU...休息下先...呢個食譜好易整,D材料有營養,又COLOURFUL,最緊要係好食! 大家不防一試.
.
!!! 我用個盒蓋住同佢地保暖又唔洗驚無位向上生...而且我發現D芽都有D搶光性,佢地唔係直架...係有D傾前向著窗口架!
頂頭LOR,仲屈住左添...今晚又要揾個高D嘅杯冚住先得
～買起哂佢！
...咁我就買多舊留返下次煲! 經過生果檔,又抵受唔住D價錢咁好,買左5個鴨梨,盛惠£1.00
...
,我第日都要多D帶卡樂B黎呢間圖書館先得!
